Хави Мартинез – Kurir.mk

Баерн Минхен нема да смета на Хави Мартинез

Бошко Тасиќ — Tue, 04 May 2021 15:50:11 +0000

Актуелниот германски фудбалски шампион Баерн Минхен објави денеска дека нема да биде продолжена соработката на Шпанецот Хави Мартинез. Шпанскиот интернационалец пристигна во Баерн во 2012 година и секоја сезона оттогаш стигнуваше до титулата во Бундес-лигата. „Бескрајно сум горд што бев дел од семејството на Баерн Минхен во изминатите девет години. Никогаш нема да го заборавам овој период, Минхен беше мој дом, голема благодарност до сите во клубот и најмногу до фановите. Живеев за Баерн, горд сум на сите освоени трофеи“, изјави Хави Мартинез.

Баерн ќе го ослободи Мартинез за 6-8 милиони евра, фудбалерот сака да оди во Атлетик

Магдалена Андонова — Fri, 11 Sep 2020 20:25:11 +0000

Играчот за врска на Баерн Минхен, Хави Мартинез може да го напушти тимот од Минхен. Според Скај Спорт Германија, клубот од Саудиска Арабија му понудил на играчот за врска профитабилен тригодишен договор. Сепак, се забележува дека играчот има намера да се врати во Шпанија и да се приклучи на Атлетик. Баварците бараат 6-8 милиони евра од потенцијален купувач. Се претпоставува дека заминувањето на Мартинез од Баерн во овој преоден рок е многу веројатно. Претходно беше објавено дека Шпанецот веќе ги договорил условите на договорот со клубот од Билбао. (МИА)

Мартинез може да го напушти Баерн следната година

Ивона Петрова — Thu, 07 May 2020 08:48:13 +0000

Играчот од средниот ред на Баерн, Хави Мартинез може да го напушти тимот од Минхен на крајот на сезоната 2020/21. Ова го пренесуваат германските медиуми. Според „Кикер“, страните не преговараат за продолжување на договорот, кој истекува во летото 2021 година и не планираат да го сторат тоа. Баерн претпочиташе да го продаде Шпанецот ова лето, наместо да му дозволи да замине бесплатно за една година кога истекува договорот. Триесет и едногодишниот Мартинез оваа сезона има одиграно 18 натпревари за Баерн на сите турнири.