Хавиер Маскерано – Kurir.mk

Хавиер Маскерано и официјално ја доби својата прва тренерска работа

Ристе Здравков — Fri, 10 Dec 2021 11:08:26 +0000

Поранешниот играч на Ливерпул и Барселона, Хавиер Маскерано се впушта во тренерска авантура. Поранешниот аргентински репрезентативец стана селектор на У-20 репрезентацијата на Аргентина, што го потврди и фудбалскиот сојуз на јужноамериканската земја. Тоа ќе биде прва тренерска работа за Маскерано, кој има одиграно повеќе од 100 натпревари со националниот тим. 37-годишниот Маскерано ќе го замени Фернандо Батиста од почетокот на 2022 година. По долга кариера во Ривер Плата, Коринтијанс, Вест Хем, Ливерпул, Барселона, Хебеи и Естудијантес, Маскерано се пензионираше во ноември 2020 година. Зад себе има исклучителна играчка кариера, а Аргентинската фудбалска асоцијација (АФА) верува дека сега како тренер ќе има многу успеси, а работата со млади играчи е нешто што самиот Маскернао отсекогаш го посакувал.

Маскерано: Отсега сум само обичен навивач

Матеја Петровски — Sun, 01 Jul 2018 08:25:57 +0000

Натпреварот со Франција беше последен за еден од најискусните играчи на Аргентина, Хавеир Маскерано. Тој по поразот од „триколорите“ во осминафиналето на Мундијалот, објави дека се повлекува од репрезентацијата. - Од овој момент јас сум само обичен навивач на Аргентина и се надевам дека момците ќе можат да направат нешто во блиска иднина, изјави 34-годишниот фудбалер. Маскерано забележа 147 настапи за Аргентина, има две олимписки злата, но загуби пет големи финалиња, едно на СП и четири шампионати на Јужна Америка. (Миа)

Маскерано ги назначил стартерите за Аргентина против Нигерија

Ивона Петрова — Mon, 25 Jun 2018 16:38:09 +0000

Ветеранот Хавиер Маскерано е новиот аргентински селектор, пишува весникот „Кориере дело Спорт“. Според изданието, поранешниот фудбалер на Ривер Плата, Вест Хем, Ливерпул и Барселона го определил составот за решавачкиот судир на „гаучосите“ од Светското првенство 2018 против Нигерија. Ако тоа е вистина, тоа значи дека тренерот Хорхе Сампаоли сега е „безгласна буква“ во „албиселесте“. Маскерано, познат по прекарот „малиот шеф“, избрал тимот да игра во формација 4-4-2 против „суперорлите“, а новинарот на „Кориере дело Спорт“ во Русија вели дека тој дури и ги назначил стартерите за натпреварот

Маскерано влезе во историјата на Мундијалот 2018

Дарко Андоновски — Sat, 16 Jun 2018 14:21:17 +0000

Дефанзивецот на Аргентина, Хавиер Маскерано, постави рекорд по број натпревари за неговата земја. Рекордниот 144-ти натпревар за Аргентина тој го игра денес со Исланд од групната фаза на Светското првенство 2018. Маскерано го претекна дефанзивецот Хавиер Занети, кој има 143. Капитенот на тимот Лионел Меси го одигра својот 125-ти натпревар за тимот, откако ги изведе „албиселесте“ со капитенската лента. Според овој показател тој надмина легенди како Ѓорге Хаџи од Романија, Петер Чех од Чешка, а исто така се доближува до Питер Шилтон од Англија и бразилскиот лев бек - Роберто Карлос.

Маскерано го изедначи рекордот на Занети по бројот на натпревари во репрезентацијата

Дарко Андоновски — Wed, 30 May 2018 07:15:27 +0000

Хавиер Маскерано го повтори рекордот на Хавиер Занети по бројот на натпревари одиграни за аргентинскиот национален фудбалски тим. Маскерано ноќеска настапи на пријателскиот натпревар против Хаити (4:0) што за него беше вкупно 143-ти во дресот на „гаучосите“. Дебито за Аргентина, Маскерано го имаше во 2003 година. Од активните играчи најблиску до ова остварување е Лионел Меси кој против Хаити го запиша својот 124-ти натпревар за националниот тим.

Маскерано сака да замине од Кина и да се врати во Ривер Плата

Матеја Петровски — Fri, 20 Apr 2018 14:25:17 +0000

Аргентинскиот фудбалер Хавиер Маскерано по само неколку месеци поминати во кинескиот клуб Хабеј сака да се врати во Ривер Плата. Маскерано во јануари поради примамливата понуда на кинескиот клуб си замина од Барселона и потпиша договор со Хабеј до 2020 година со можност за раскинување една година порано. Според шпанскиот весник „Спорт“, 33-годишниот фудбалер набргу по пристигнувањето во Кина сфатил дека погрешил со одлуката. Тој изразил желба повторно да го облече дресот на неговиот матичен клуб, аргентинскиот гигант Ривер Плата, за кој настапуваше од 1999 до 2005 година.

Маскерано ѝ кажа збогум на Барселона: Ниту тој, ниту Иниеста не можеа да ги сокријат солзите (ВИДЕО)

Катерина Бојаџиева — Wed, 24 Jan 2018 17:16:51 +0000

Хавиер Маскерано попладне имаше можност за последен пат да одржи говор пред своите соиграчи во свечената сала на „Камп Ноу“, а покрај тоа што популарниот „Ел Хефесито“ не можеше да ги сокрие емоциите кога ги слушна пораките кои ги доби од своите соиграчи, неговото обраќање го трогна најискусниот во тимот на каталонскиот гигант. Капитенот Андрес Иниеста не можеше да остане рамнодушен на солзите и емотивниот говор кој го одржа аргентинскиот борец, па во еден момент можеше да се забележи како од неговите насолзени очи паѓа и една капка која се обиде веднаш да ја сокрие бришејќи ја со раката.