Средба Пендаровски – Солана на маргините на Минхенската конференција

Ивона Петрова — Sat, 19 Feb 2022 15:05:03 +0000

На маргините на Минхенската безбедносна конференција, денеска претседателот Пендаровски се сретна со Хавиер Солана - поранешен генерален секретар на НАТО, Висок претставник за заедничка надворешна и безбедносна политика на ЕУ и министер за надворешни работи на Шпанија. Во фокусот на разговорот беа актуелните политичко-безбедносни случувања во Европа, нивното влијание врз нашиот регион и важноста од неговото интегрирање во Унијата. Претседателот Пендаровски го информираше соговорникот за последните внатрешно-политички настани во земјата, текот на реформските процеси и новата динамика во добрососедските односи. Солана, кој е актуелен претседател на Центарот за глобална економија и геополитика (EsadeGeo) и докажан пријател на Северна Македонија вклучувајќи се и во Охридската група за поддршка на земјата за членство во ЕУ и НАТО, уште еднаш ја поздрави македонската конструктивна улога на Западниот Балкан како пример за решавање на тешки прашања, како и потребата за реализирање на европската агенда во контекст на интеграциите, согласувајќи се дека Унијата треба што побрзо да ги имплементира своите одлуки.

Хавиер Солана позитивен на коронавирус

Ивона Петрова — Fri, 27 Mar 2020 06:52:38 +0000

Шпанскиот социјалист Хавиер Солана (77) е заразен со новиот коранавирус и е хоспитализиран во Мадрид. Солана откри дека е заразен со Ковид-19 откако на Твитер јавно се прости од починат пациент од истата болничка соба. Солана беше генерален секретар на НАТО од 1995 до 1999 година, а потоа беше висок претставник за заедничка надворешна и безбедносна политика на Европска унија од 1999 до 2009 година.

Хавиер Солана – Kurir.mk

Средба Пендаровски – Солана на маргините на Минхенската конференција

Хавиер Солана позитивен на коронавирус