хавиер занети – Kurir.mk

Занети: Лукаку нè предаде, длабоко сме разочарани

Ристе Здравков — Wed, 09 Aug 2023 09:23:29 +0000

Потпретседателот на Интер, Хавиер Занети бил разочаран од одлуката на Ромалу Лукаку да започне преговори со Јувентус. Белгиецот беше член на Интер од 2019 до 2021 година, а минатата сезона ја мина на „Џузепе Меаца“ како позајмен играч на Челси. Интер имаше намера да преговара со Челси за да го откупи договорот на Лукаку, но тој ги шокираше со изјавата дека води преговори со нивниот најголем ривал, Јувантус. „Лукаку не предаде, разочарани сме. Очекувавме дека Ромелу, како човек и професионалец, ќе има поинаков однос“, изјави Занети за „Газета дело спорт“. Италијанските медиуми потсетуваат дека Белгиецот претходно изјави дека никогаш нема да игра за Јувентус, откако минатата сезона навивачите на торинскиот клуб го навредуваа на расна основа. Лукаку наводно договорил тригодишен договор со Јувентус, но се чека договор меѓу клубовите. Јувентус сака да го испрати српскиот фудбалер Душан Влаховиќ во Челзи во замена за Лукаку, но од лондонскиот клуб бараат и 40 милиони евра. Лукаку (30) минатата сезона за Интер одигра 37 натпревари и постигна 14 голови.

Занети: Се обидовме да го донесеме Меси во Интер

Тале Кристо — Tue, 07 Feb 2023 20:59:36 +0000

Потпретседателот на Интер, Хавиер Занети, обелодени дека преговарал со својот сонародник Лионел Меси во времето кога аргентинскиот фудбалер заминуваше од Барселона, но договор не бил постигнат бидејќи италијанскиот клуб не можел финансиски да се натпреварува со француски ПСЖ и неколку премиерлигаши. Меси во летото 2021 година замина од Барселона откако му истече договорот и прејде во редовите на ПСЖ. „Бев изненаден кога Меси ја напушти Барселона. Не можевме да се натпреваруваме со ПСЖ или клубовите од Премиер лигата, меѓутоа, поради нашиот личен однос разговаравме (за трансфер), рече Занети во изјава за DAZN.

Занети: Го посакувавме Бразил во полуфиналето, од една, едноставна причина

Ристе Здравков — Mon, 12 Dec 2022 10:13:38 +0000

Поранешниот аргентински фудбалер и потпретседател на Интер, Хавиер Занети, истакна дека Аргентина во полуфиналето мора да биде внимателна против силната и незгодна Хрватска. Тој не се сомнева во победа на неговите „гаучоси“, но бара да се внимава, затоа што сите добро знаат како помина Бразил во дуелот против Хрватска. „Ќе биде тоа тежок натпревар, Хрватска има добра репрезентација и нема да биде нималку лесно. Познавајки ја актуелната ситуација меѓу играчите на Аргентина, сигурен сум дека ќе одиграат на ниво“. „Посакував да победи Бразил, затоа што сега ќе гледавме „Суперкласико“, меч кој крајно емотивно ќе го доживуваат и двете земји. Тоа ќе беше добро и за Јужноамериканскиот фудбал и КОНМЕБОЛ“, порача Занети. Натпреварот се игра вечерва од 20 00 часот, а според обложувалниците, Aргентина е јасен фаворит, а што се однесува до Хрватска, „коцкестите“ повторно тргнуваат од аутсајдерска позиција.