Хазби Лика – Kurir.mk

Тетова1: Лика дефинитивно му врти грб на Али Ахмети- Формира нов политички субјект?

Предраг Кукиќ — Thu, 15 Aug 2019 12:32:52 +0000

Поранешниот вицепремиер Хазби Лика, кој долго време воопшто не излегува во јавност, ги прави последните подготовки за формирање нов политички субјект. Информациите до кои стигна порталот Тетова1 велат дека Лика најдоцна во септември ќе формира нов политички субјект. Во ова ново политичко патешествие, на Хазби Лика се очекува да му се придружат сите членови и поранешни функционери на ДУИ кои се незадоволни од сегашното раководство на партијата на чело со таканаречениот „Кланот од Зајас“. Незадоволството во ДУИ се зголеми особено по објавувањето на разговорите од страна на Ел Чека, но и по промените во владата каде што беа отпуштени некои директори кои важеа за блиски до Лика.

Хазби Лика агитира против ДУИ?!

Ивана Ефремовски — Mon, 08 Apr 2019 09:07:17 +0000

По неодамнешните судири во рамките на Демократската унија за интеграција, кои што произлегоа поради трансформацијата на Секретаријатот за спроведување на Охридскиот договор и одлуката партијата да го поддржи кандидатот за претседател на СДСМ, се чини дека предизвика функционерите на оваа партија да излезат отворено против одлуките на овој субјект. Такво нешто се случи со поранешниот заменик-премиер Хазби Лика, пишува порталот albanews24. Порталот пишува дека извори блиски до Лика, кои сакаат да останат анонимни, истакнуваат дека поранешниот вицепремиер го подготвува теренот за да не се гласа Стево Пендаровски за претседател на државата и агитираат да гласаат за албанскиот кандидат, Блерим Река. Останува во наредните дена да видиме дали и јавно за ова ќе се изјасни Лика, пишува порталот.

За Павле Богоевски има поважни работи од недоаѓањето на работа на вицепремиерот Хазби Лика

Ивана Ефремовски — Tue, 19 Feb 2019 21:47:39 +0000

Пратеникот од редовите на СДСМ, Павле Богоевски, во вечерашното гостување во емисијата „Само Вистина“ истакна дека владата нема време да се „занимава“ со недоаѓањето на работа на Хазби Лика кој е заменик претседател на владата на Република Македонија задолжен за спроведување на Рамковниот договор. -Државата има многу поголеми проблеми од тоа дали Хазби Лика отсуствува од работа, вели Богоевски. Во јавноста е познато дека заменик претседателот, Хазби Лика, редовно зема плата, но не доаѓа на работа, а причините за ваквото однесување се непознати на граѓаните. Според Богоевски, владата не може да постигне да се занимава со тоа бидејќи има други поважни обврски. Со ваквите изјави логично е да се постави прашањето кои се точно тие обврски, ако се земе во предвид дека актуелната влада на СДСМ и Зоран Заев немаат реализирано ниту половина од нивната изборна програма, а наместо тоа го променија уставното име на Република Македонија, нешто што не ветија за време на изборната кампања на предвремените парламентарни избори во 2016 година. На јавноста и е познато дека додека вицепремиерот Лика кога одел на работа редовно ги посетувал и кафеаните каде што потрошил 253.163 денари или околу 4 илјади евра. Тука влегуваат 130.713 денари за угостителски услуги во рамките на институциите, а 104.450 денари се ресторани надвор од институциите. Во странство потрошил само 5.227 денари. Овие податоци се од заклучно мај месец минатата година. Заклучно со мај и вицепремиерот Лика престанал да се појавува на седниците на Владата. Нема податоци дали вицепремиерот, покрај платата што ја зема, иако не се појавува на седници, уште користи и одобрени средства од буџетот за репрезентација и патувања. Но, ова не е единствен пример каде што владата на СДСМ ги крши законите во Република Македонија. Деновиве се поактуелни се и вработувањата на ќерките, синовите, блиските роднини на пратениците од СДСМ, како и на високи функционери во владата на СДСМ и Заев. Дел од медиумите пишуваа дека Лика не оди на работа затоа што му е лут на Али Ахмети.

Сагата продолжува: Откако братучед на Хазби Лика го избркал Стојанче Ангелов од кафетерија тој му порача „Овој пат се спаси“ (ФОТО)

Дарко Андоновски — Tue, 19 Feb 2019 11:05:30 +0000

Сагата продолжува откако претходно објавивме дека медиумите на албански јазик пишуваа дека братучед на вице-премиерот задолжен за охридскиот Договор, Хазби Лика, го избркал од кафуле во Тетово Стојанче Ангелов. Според очевидци во едно од кафулињата во Тетово, седеше поранешниот лидер на бранителите Стојанче Ангелов, и кога братучедот на Хазби Лика го видел го избркал Стојанче кафетеријата! Порталите на албански јазик пишуваат дека пред да ја објават веста, контактирале со човекот кој го избркал Ангелов и дека истиот ја потврдил нивната информација. Но, се уште не се знае и не се кажува вистинската причина за оваа случка. По ова Ангелов на својот Фејсбук профил објави дека станува збор за лажна вест: -Освен келнерот од кого порачавме кафе и кон ни донесе кафе, никој друг ниту ми пријде ниту ми проговори. Сведоци се келнерот, двајцата мои пријатели кои беа со мене од кои едниот е Албанец и уште неколку лица кои беа внатре во локалот. Доста ширите омраза, треба да живееме заедно во мир. Поздрав до сите вас, напиша тој. А веднаш потоа следуваше коментар од Лика во кој го директно му порача: -Овој пат се спаси, те очекувам да доаѓаш пак и ќе видиме како лажам тогаш. По ова уште еднаш Стојанче го запраша Лика дали тој го избркал од локалот, а тој му рече дека Да, тој го избркал од локалот.

Братучедот на Хазби Лика, го избркал Стојанче Ангелов од кафетерија во Тетово!

Дарко Андоновски — Tue, 19 Feb 2019 08:44:53 +0000

Медиумите на албански јазик пишуваат дека братучед на вице-премиерот задолжен за охридскиот Договор, Хазби Лика, го избркал од кафуле во Тетово Стојанче Ангелов. Според очевидци во едно од кафулињата во Тетово, седеше поранешниот лидер на бранителите Стојанче Ангелов, и кога братучедот на Хазби Лика го видел го избркал Стојанче кафетеријата! Порталите на албански јазик пишуваат дека пред да ја објават веста, контактирале со човекот кој го избркал Ангелов и дека истиот ја потврдил нивната информација. Но, се уште не се знае и не се кажува вистинската причина за оваа случка.

Предлог законот ќе се гласа во понеделник: Вицепремиерите ќе се офајдат со поголема плата за 8.000 денари

Катерина Бојаџиева — Wed, 23 Jan 2019 11:49:22 +0000

Предлог закон за покачување на платите на вицепремиерите за 8.000 денари кој беше доставен до Собранието на РМ кон крајот на месец декември 2018 година, ќе се гласа во понеделник. Со измените на Законот за плата и други надоместоци на избрани и именувани лица во Република Македонија, коефициентот за утврдување плата на заменик претседател на Влада ќе се пресметува со коефициент 4 наместо 3,70. Согласно ова, разликата во платата ќе изнесува 8.027 денари во бруто изнoс или за 5 вицепрмеиери, Хазби Лика, Кочо Анѓушев, Бујар Османи, Радмила Шекеринска и Оливер Спасовски, за 12 месеци 481.620 денари. Од владата тогаш ја демантираа оваа информација и велеа дека со измените во Законот за плата и другите надоместоци на избраните и именуваните лица во Република Македонија се врши само терминолошко усогласување на Законот со Законот за Влада на Република Македонија. -Нема зголемување на платите на замениците на претседателот на Владата, тврдеа во декември од владината прес- служба. Но, реалната ситуација е спротивна- доколку предлог законот помине во Собрание, вицепремиерите Лика, Анѓушев, Османи, Шекеринска и Спасовски, веќе од февруари месец оваа година ќе имаат покачени плати за 8.027 денари. Во продолжение Предлог законот за изменување на Законот за плата и други надоместоци на избрани и именувани лица во Република Македонија.

Скандал и алчност: Спасовски, Шекеринска и Анѓушев си ги покачуваат платите, малку им се 80.000 денари, бараат уште 8.000

Ивана Ефремовски — Fri, 28 Dec 2018 15:03:54 +0000

До Собрание бил доставен предлог закон за покачување на платите на вицепремиерите за 8.000 денари, информира Макфакс. Со измените на Законот плата и други надоместоци на избрани и именувани лица во Република Македонија поднесени до Собранието, коефициентот за утврдување плата на заменик претседател на Влада ќе се пресметува со коефициент 4 наместо 3,70. -Согласно ова, разликата во платата ќе изнесува 8.027 денари во бруто изнoс или за 5 вицепрмеиери, Хазби Лика, Кочо Анѓушев, Бујар Османи, Радмила Шекеринска и Оливер Спасовски, за 12 месеци 482.620 денари, пишува порталот. Со 1.280 евра месечна плата Шеќеринска e најплатена во Министерството за одбрана Со 1.280 евра месечна плата Радмила Шеќеринска е најплатениот кадар на Министерството за одбрана, објави неодамна телевизија „Телма". Според информациите кои ги објави телевизијата, месечната плата на Шеќеринска е 78.791 денар и е највисока во МО. По неа, најплатен началникот на Генералштабот на АРМ кој прима 76.732 денари месечна плата. Останатите раководители на одбраната, меѓу кои и заменик министерот, државниот секретар и останатите пониско рангирани началници примаат плата меѓу 60 и 66 илјади денари месечно.

Лика и Бектеши заминуваат од Влада

Ивона Петрова — Sat, 01 Dec 2018 16:26:45 +0000

Хазби Лика и Крешник Бектеши заминуваат од Влада, дознава Телма од извори во владината коалиција. На местото на Хазби Лика, можно е да дојде Атила Реџепи, поранешен директор на тетовската болница, додека сегашниот министер за економија, Крешник Бектеши, може да биде заменет со Аргетим Салиу, професор на универзитетот Мајка Тереза. Инаку, премиерот Зоран Заев, неколку пати до сега, најавуваше реконструкција на владата, но тоа не се случи. Вчера, Заев остави на партиите да повлечат свои луѓе од владата.

Министерот Хазби Лика потрошил 4.000 евра на ресторани, Димитров со најголеми трошоци

Предраг Кукиќ — Sun, 04 Nov 2018 16:59:55 +0000

Во првите пет месеци од годинава, Вицепремиерот за спроведување на Рамковниот договор потрошил над 4000 евра државни пари за смеки по ресторани, покажува алатката за отчетност за трошоците на носителите на јавни функции. Најмногу пари или 240.000 денари Хазби Лика потрошил во мензи и ресторани во рамки на институциите, а над 130 000 денари во ресторани надвор од држваните институции. Овие трошоци се направени до мај годинава, а оттогаш наваму нема податоци ни дали Лика се појавува на работа. Според записниците објавени на веб страницата, последна владина седница на која е евидентирано присуството на Лика е на 8 мај. Оттогаш името на вицепремиерот стои во извештајот на функционери кои отсуствуваат од седниците. Ваквите јавно достапни податоци се целосно спротивни од тврдењата на владините портпароли, кои во јули годинава убедуваа дека Лика редовно ги извршува своите работни обврски. Според алатката за отчетност, рекордер во трошењето државни пари е министерот за надворешни работи. Во првите пет месеци од годината Димитров има потрошено речиси 1.500.000 денари во најголем дел за авионски карти и хотелско смествување во странство. Веднаш зад него е вицепремиерот за европски прашања со потрошени 935.000 денари. До мај Бујар Осамни најмногу пари, или над 3000 евра има потрошено на ресторани надвор од држваните институции, по што следуваат холетско смествување во странство и авионски карти. Трета на листата е вицепремиерката и министерка за одбрана. За пет месеци Шеќеринска има потрошено нешто повеќе од 10 000 евра.

Ексклузивно: Немири во ДУИ, се судрија Хазби Лика и Бујар Османи

Даниел Василев — Mon, 14 May 2018 08:09:06 +0000

Партиски извори за „Газета Лајм“ велат дека во ДУИ има големи немири и расправии. Според овие извори кои сакаат да останат анонимни, судирот се случил меѓу вицепремиерите Хазби Лика и Бујар Османи. Причина за оваа расправија, се вели дека се неуспешните политики на Османи во областа на евроинтеграциите и неговата тенденција овој неуспех да го покрие мешајќи се во други области кои не се во негова надлежност, нешто што му сметало на Хазби Лика. Овие информации официјално не се потврдени од ДУИ, а изворите не откриваат која страна во оваа „расправија“ ја зазеде претседателот на партијата, Али Ахмети.