Хедер Локлир – Kurir.mk

Не може да се откаже од лекови и алкохол: Славната актерка повторно на рехабилитација

Ивана Ефремовски — Thu, 16 May 2019 14:57:19 +0000

Актерката Хедер Локлир, позната по својата улога во „Мелроуз плејс“ повторно е на рехабилитација, откако пред шест месеци излезе поради лечење од алкохолизам. Но, таа не престанала да пие, особено поради тоа што се соочува со ментално растројство, а алкохолот и лековите ѝ помагаат да заборави на притисоците. Сепак, сфатила дека решението не е во тоа, па повторно побарала медицинска помош. Локлир моментално нема никаков актерски ангажман, нешто што би ѝ го одвлекло вниманието, а поради тоа ѝ страда семејството, особено ќерката Ава. Отказ дал дури и нејзиниот тим за односи со јавноста. Ѕвездата на „Мелроуз плејс“ и „Династија“ еднаш веќе беше хоспитализирана поради мешање лекови и алкохол. Пред две години имаше и нервен слом. Тогаш беше приклучена присилно на програма за одвикнување.

Популарна актерка се обидела да се самоубие

Ивона Петрова — Tue, 19 Jun 2018 06:59:28 +0000

Американската актерка Хедер Локлир се обидела да си го одземе животот. „ТМЗ пишува дека член на семејството на актерката повикал помош бидејќи таа се заканувала со самоубиство, по што била пренесена во болница на психијатриско одделение. Роднината истакнал дека ја нашол Хедер како избезумено шета низ куќата и бара пиштол за да се самоубие. Овој инцидент се случува само неколку месеци откако актерската ѕвезда е уапсена за семејно насилство.

Уапсена американска актерка, го тепала партнерот

Ивона Петрова — Tue, 27 Feb 2018 07:13:26 +0000

Американската актерка Хедер Локлир, позната по улогите во сапуниците „Династија" и „Мелроуз плејс" е уапсена викендов поради семејно насилство и спротивставување на полицијата во својот дом во Калифорнија. Таа е уапсена поради физички напад врз својот партнер, кој притоа се здобил и со телесни повреди, соопштуваат локалните власти. Не се наведува за какви точно повреди се работи, но се знае дека мажот е однесен и згрижен в болница. Кога пристигнала полицијата во нејзиниот дом, Локлир не сакала да соработува и станала агресивна кон нив. Тогаш глумицата добила лисици на рацете, но подоцна била ослободена со кауција од 200.000 долари. Пред да биде притворена, и таа била згрижена во амбуланта поради повреди. Властите исто така не го соопштуваат името на нејзиниот партнер, кој го пријавил инцидентот.