Хектор Белерин – Kurir.mk

Белерин: Фудбалерите се луѓето кои треба да плаќаат најмногу даноци

Тале Кристо — Mon, 02 Jan 2023 19:14:09 +0000

Дефанзивецот на Барселона, Хектор Белерин изјави дека фудбалерите треба повеќе да се грижат за општеството и да плаќаат повисоки даноци. – Фудбалерите се луѓето кои треба да плаќаат најмногу даноци. Потекнувам од семејство каде што требаше да работам од месец во месец за да се издржувам. Сè уште се соочувам со оваа ситуација насекаде. Секој сака да заработи повеќе пари за да се чувствува поудобно. Ова е во ред. Но, со високи примања, треба да гледате не само на вашата околина, туку и на општеството како целина. Фудбалерите се во многу привилегирана позиција. Мора да се потсетиме од каде дојдовме. Треба да бидеме првите што ќе помогнеме за стабилноста на нашето општество, смета Белерин. Дваесет и седумгодишниот фудбалер оваа сезона одигра пет натпревари за Барселона и нема постигнато гол. Неговиот договор со каталонскиот клуб истекува на лето, кога може да стане слободен агент.

Белерин ќе потпише договор со Барса на една година

Тале Кристо — Thu, 01 Sep 2022 16:11:35 +0000

Фудбалерот на Арсенал, Хектор Белерин ќе се пресели во Барселона. Во следните неколку часа играчот ќе потпише договор за период од една година без опција за продолжување, тврди Фабрицио Романо. Клубот веќе закажа лекарски преглед за фудбалерот. Белерин ќе се пресели во Барса бесплатно по раскинувањето на договорот со Арсенал. Според новинарот на „Relevo“, Тони Хуанмарти, лондонскиот клуб ќе добие 25% од понатамошната препродажба на играчот, а може да има и одредени бонуси за „топчиите“ врз основа на перформансите на дефанзивецот. Белерин е „дете“ на Барса. За Арсенал игра од 2013 година, а сезоната 2021/22 ја мина во Бетис, во чиј систем беше и на младинско ниво.

ПСЖ започна преговори за Белерин, има специфична понуда

Магдалена Андонова — Wed, 02 Sep 2020 13:45:00 +0000

Францускиот шампион Пари Сен Жермен започна разговори со Арсенал за трансфер на шпанскиот десен бек Хектор Белерин, пренесе „Атлетик“. Тимот од Лондон не сака да се раздели со 25-годишниот бек, но можеби ќе треба да го продадат, бидејќи „топџиите“ се обидуваат да го освежат составо и им требаат нови средства. Јувентус и Баерн Минхен исто така го следат Белерин, но се верува дека ПСЖ веќе го направил првиот потег. Шпанскиот дефанзивец има договор со „топџиите“ до 2023 година, но е подготвен за нов предизвик. Според информациите, парижаните понудиле 25 милиони фунти плус уште 5 милиони во форма на бонуси. Сепак, Арсенал бара поголема сума, но разговорите продолжуваат. Евентуалната продажба на Белерин може да го сврти патот на младиот Ејнсли Мејтланд-Најлс, за кого се шпекулира дека ќе си замине, но тој на крајот можеби ќе мора да остане на „Емирати“. Сумата од трансферот на Шпанецот може да се искористи за привлекување на дел од целите на Артета за избор на лето. Меѓу нив се Томас Партеи од Атлетико Мадрид и Усем Ауар од Олимпик Лион. Дани Себаљос, исто така, се очекува да се врати во Лондон за нова позајмица од Реал Мадрид. (МИА)

Белерин сака да стане капитен на Арсенал

Ивона Петрова — Fri, 20 Mar 2020 09:12:55 +0000

Дефанзивецот на Арсенал, Хектор Белерин, потврди дека има амбиција да стане капитен на „топџиите“. 25-годишниот дефанзивец го носи дресот на Арсенал уште од 2011 година, кога беше привлечен во Барселона. Во текот на летото, лондонскиот клуб може да се раздели со Пјер-Емерик Обамејанг, а потоа на менаџерот Микел Артета ќе му се наметне да избере нов капитен. – Уште од кога бев дете во Барселона, секогаш сум бил еден од трите капитени во тимот. Ова е улога на која сум навикнат. Секако, во Арсенал не е така, бидејќи тука одговорноста е различна и вие сте сосема поинаков тим, но јас секогаш уживав во оваа улога. Ми се допаѓа да ја преземам одговорност и да бидам капитен, изјави Белерин за „Дејли мејл“. Тој додаде дека ја зборувал на темата со Микел Артета и тој му рекол дека е еден од играчите накој е подготвен да му ја довери лентата.