Николоски: Политичарот кој го потпиша договорот со „Хеленик петролеум“, заради кој плаќаме пенали е коалиционен партнер на Ковачевски

Ивона Петрова — Fri, 23 Dec 2022 18:33:14 +0000

Поразите се слават како победи и тоа е карактеристика на оваа влада кога бројни државни победи се слават како победи, на пример промена на име секаде во светот е понижување, а во Македонија владата го слави како победа, или договорот со Бугарија во кој се негира македонскиот јазик или идентитет секаде во светот би бил пораз, во Македонија се слави како победа, вели потпретседателот на ВМРО-ДПМНЕ Александар Николоски во вечерашното гостување во емисијата „Само вистина“ на Канал 5 телевизија. Николоски смета дека владата наместо да ја обвинува ВМРО-ДПМНЕ за тоа што треба да плати над 25 милиони евра на „Хеленик петролеум“ за оштета, одговорност да бара во нивниот коалициски партнер Љупчо Георгиевски кој го потпишал тој штетен договор. -Тој кој што го склучи и потпиша овој договор сега е коалиционен партнер и со негов пратеник помеѓу другото и вицепремиерот Битиќи е избран затоа што се во коалиција со Љупчо Георгиевски, затоа што е коалиционен партнер на СДСМ долги години. И мислам дека таму треба да се насочат прашањата зошто потпишувал такви договори. Она што исто така е спорно е што јавноста долги години е убедувана дека со Грција има идеални односи откако СДСМ е на власт. Но, не гледам дека тие идеални односи се користат за „Хеленик петролеум“ да се откажат од овие барања и треба да знае јавноста дека тоа е доминанта државна фирма, не се работи за приватна фирма, туку напротив „Хеленик петролеум“ оди на суд и ја тужи државата, изјави тој. Николоски потенцираше дека од информациите кои кружат во јавноста ова не е единствен судски процес во кој државата ќе треба да плаќа оштета, посочувајќи дека има и други судски процеси поврзани со рудниците за кои владата на СДСМ не дозволи да се отворат, укажувајќи дека намерно се водат процесите на овој начин се со цел да се испумпуваат парите на граѓаните за да на крај бидат поделени помеѓу сопствениците на концесиите и владини претставници. -Понатаму, уште една работа која циркулира низ јавноста и низ добро упатени кругови е во однос на овие арбитражи. Имено сакам и една провокација да направам покрај овој судски процес кој што го има Македонија има уште неколку други судски процеси поврзани со рудниците кои требаше да се отворат, а владата не дозволи да се отворат. Таму се работи за многу поголеми суми од ова што го зборуваме сега за оштета за „Хеленик петролеум“, и она што кружи во јавноста е дека намерно се пристапува кон судски процеси и намерно на овој начин се водат процесите се со цел таа оштета која што треба да ја плаќаат сите граѓани на Македонија да биде поделена помеѓу различни структури на сопственици на тие концесии и на владини претставници, рече Николоски.

ЕКО Грција – подружница на Хеленик Петролеум, главен спонзор на импресивното ЕКО Акрополис Рели

Ивана Ефремовски — Mon, 05 Sep 2022 12:11:02 +0000

Светската автомобилска елита ќе биде дел од ЕКО Акрополис Рели (EKO Acropolis Rally), што ќе се одржи во Централна Грција од 8 до 11 септември. Втора година по ред ЕКО Акрополис Рели (EKO Acropolis Rally) е дел од годишниот календар на ФИА Светското првенство во рели (FIA World Rally Championship) кое е највисокото интернационално натпреварување во оваа автомобилска дисциплина. Главен спонзор на ова историско рели е ЕКО Грција, подружница на групацијата Хеленик Петролеум, на која припаѓа и компанијата ОКТА АД - Скопје. ЕКО има долгогодишната соработка со Акрополис Рели која трае повеќе од 10 години. Оваа година ЕКО ќе биде и главен спонзор на ЕКО супер специјалната рута (EKO Super Special Stage), која ќе се одржи на 8 септември, на Олимпискиот стадион „Спиридон Луис“ во Атина, веднаш по официјалното отворање на настанот. Организаторите очекуваат полн стадион кој може да собере 70.000 публика. Во текот на четирите дена, организирани се вкупно 16 рути од кои 3 целосно нови, додека пак останатите се веќе многу добро познати како едни од најтешките за возење во светот на рели натпреварувањата. Љубителите на автомобилските трки ќе имаат можност да уживаат во врвното натпреварување помеѓу најдобрите светски рели имиња. Акрополис Рели е интернационално реномирано натпреварување со богата историја кое се одржува уште од 1951 година, правејќи го едно од најдолготрајните и најпрестижни рели натпреварувања во светски рамки.

Хеленик Петролеум – Kurir.mk

Николоски: Политичарот кој го потпиша договорот со „Хеленик петролеум“, заради кој плаќаме пенали е коалиционен партнер на Ковачевски

ЕКО Грција – подружница на Хеленик Петролеум, главен спонзор на импресивното ЕКО Акрополис Рели