хеликоптер на МВР – Kurir.mk

ВИДЕО: „Тигрите“ спасија повреден планинар на Осоговските планини, со хеликоптер на МВР пренесен во Клинички

Ивона Петрова — Sat, 07 Oct 2023 18:12:47 +0000

Полициски службеници од Хеликоптерската единица за полициски намени и Алпинистичкиот тим од Одделот за специјални полициски операции – САЕ Тигар денес попладне успешно спроведоа спасувачка акција на Осоговските планини. -Во попладневните часови било пријавено дека лице кое планинарело се здобило со повреди и не можело да се движи. Веднаш по добиената пријава, Алпинистичкиот тим на САЕ Тигар со хеликоптер пристигна на местото на несреќата, го подготви повреденото лице за транспорт и со хеликоптерот од Хеликоптерската единица за полициски намени го пренесе до хелиодромот во Комплекс клиники „Мајка Тереза“ во Скопје каде е предадено за укажување лекарска помош, информира МВР.

Се разгоре пожарот кај Ајватовци, активиран хеликоптер на МВР

Ивона Петрова — Sun, 27 Aug 2023 09:47:23 +0000

Послаб ветер придонесе за разгорување на пожарот кај Ајватовци, односно кракот кој се уште не беше изгаснат. -Поради разгорување на пожарот на кракот кој не беше изгаснат и опасност од неговото повторно проширување, итно е ангажиран еден полициски хеликоптер. На терен се скопските пожарникари, доброволци и локалното население, информира директорот на ЦУК, Стојанче Ангелов. Додава дека хеликоптерот имал прецизно дејство врз пожарот со исфрлување на вода. Опожарени се трева и нискостеблести растенија

Пожар кај Соколарци: Поради опасност од ширење кон населено место полетуваат трите Ер трактори и хеликоптер на МВР

Ивона Петрова — Tue, 15 Aug 2023 13:51:44 +0000

Преку единствениот повикувачки број за итни повици 112, неколку пати од повеќе граѓани добиена е пријава за пожар на трева, грмушки и нискостеблеста деградирана шума на ридот близу Манастирот Св. Ѓорѓија кај село Соколарци, Општина Чешиново Облешево. Oд ЦУК информираат дека три екипи на ТППЕ Кочани итно се упатени на терен, а повикани се и екипи на Доброволното противпожарно друштво Кочани. Просторот кој го зафаќа пожарот е над 50 хектари и во моментот се движи во правец на селото Рајчице, во дел на непристапен широк шумски појас. -Поради опасност пожарот да се приближи кон населено место или да навлезе во високо квалитетна шума во секој момент кон пожарот ќе полетаат трите Ер трактори на ДЗС како и еден хеликоптер на МВР, велат од ЦУК.

Спасувачка драма во Прилеп: Девојче падна во провалија, ја извлекуваа со полициски хеликоптер

Ивана Ефремовски — Wed, 17 Jul 2019 08:28:13 +0000

На 16.07.2019 во 07:44 часот во Полициската станица Прилеп било пријавено дека на местото викано „Чуле" на Селечка планина, атар на село Селце, прилепско, 15-годишно девојче од Прилеп паднало во провалија и се здобило со повреди. Полициски службеници веднаш излегле на местото и бидејќи теренот бил непристапен била повикана алпинистичка екипа од Единицата за специјални задачи при МВР и хеликоптер на МВР, кои во најкратко можно време пристигнала на местото и го извлекле девојчето, кое било префрлено во болницата во Прилеп. Во разговор со полициските службеници девојчето изјавило дека при пешачење се лизнало и паднало во провалија. За настанот е известен и Јавен обвинител.