Спасовски: Хеликоптерската единица за полициски намени опремена со три хеликоптери „Бел“

Ивона Петрова — Wed, 11 Jan 2023 09:28:33 +0000

Во 2022 година Одделот за воздухопловни единици има реализирано значителен број летови од страна на Хеликоптерска единица за полициски намени, напиша министерот за внатрешни работи Оливер Спасовски на неговиот фејсбук профил. – Потраги и спасување по исчезнати лица 36 летови, транспорт на болни до медицински установи пет летови, противпожарни летови 230, објави Спасовски. За потребите на полицијата извршени се 652 летови, како и 212 летови за обуки и проверки, 224 летови за тренажа и 12 летови за оддржување. Хеликоптерската единица за полициски намени, во рамки на МВР постои од 1969 година и е опремена со три хеликоптери марка „Бел“. Катастрофалните пожари од 2021 година, пишува министерот Спасовски на фејсбук, беа сигнал за МВР да набави најсовремена опрема. – Како раководство на МВР и на Одделот за воздухопловни единици, ги препознавме овие потреби на државата за поуспешно справување со пожарите, а со тоа и подобра заштита на граѓаните и имотот. Така, со посебно задоволство би напоменал дека за хеликоптерот „Бел 212“, обезбедивме најсовремена опрема, оспособен за гаснење на пожари – едно ведро за „Бел 212“ и Симплекс резервоар за „Бел 412“, објави Спасовски. Според министерот Спасовски, успешно е завршена и меѓународна обука од словенечката полиција и тоа за носење подвесен товар и за гаснење на пожари, за сите пилоти од Хеликоптерската единица за полициски намени – МВР е сервис на граѓаните во сите сегменти на полициското работење, а заштитата и безбедноста на граѓаните останува наш врвен приоритет. Продолжуваме и во 2023!, напиша на ФБ министерот за внатрешни работи Спасовки.

ВИДЕО: Хеликоптерите на МВР се ремонтирани, набавени се униформи за хеликоптерската единица

Ивона Петрова — Wed, 07 Nov 2018 12:37:55 +0000

Министерството за внатрешни работи по деветмесечниот ремонт ги презеде во целосно функционална состојба двете летала М-171 сопственост на македонската полиција, рече денеска министерот Оливер Спасовски при посетата на аеродромската база „Брест“ во Скопје, соопштуваат од МВР. Хеликоптерите беа ремонтирани од страна на рускиот државен акционерски холдинг “Хеликоптери на Русија“, кој што ги обединува сите сервисни центри во Русија, овластени за генерален ремонт на овој тип хеликоптери, а во согласност со упатствата и овластувањата на производителот. Примопредавање на хеликоптерите со сите протоколи за прием и превземање на хеликоптерите по извршениот ремонт, се реализираше на крајот од минатиот месец, во сервисниот центар “Мома Станојловиќ “ - Белград, од страна на комисија на нашето министерство, составена од соодветни стручни лица. -Следниот генерален ремонт е по летани 2000 часа или по минати осум календарски години. Претходно, во рамки на сеопфатните активности за материјално обезбедување и опремување на припадниците на полицијата, набавивме и нови униформи и делови од опрема за припадниците на хеликоптерската единица, нешто што не беше направено многу одамна- рече Спасовски. Станува збор за летечки јакни, зимски виндјакни, летечки комбинизони, маици и дуксери. Овие активности се во склоп на прецизно декларираните планови на Министерството за внатрешни работи за подобрување на условите за работа на сите полициски службеници во МВР, активности кои продолжуваат и во наредниот период.

хеликоптерска единица – Kurir.mk

Спасовски: Хеликоптерската единица за полициски намени опремена со три хеликоптери „Бел“

ВИДЕО: Хеликоптерите на МВР се ремонтирани, набавени се униформи за хеликоптерската единица