Хелсинки – Kurir.mk

Поради пандемијата во Хелсинки ќе се воведат построги мерки

Дарко Андоновски — Tue, 24 Nov 2020 15:15:15 +0000

Градоначалникот на главниот град на Финска, Хелсинки, Јан Вапавуори денеска најави построги мерки поради пораст на бројот на заразени со Ковид-19. Тој наведе дека ќе се затворат средните училишта, библиотеките и базени, а целосно ќе се забранат јавниоте собири поради „загрижувачката“ ситуација со новиот коронавирус. – Предлагаме да се применат сите мерки што се во надлежност на градските власти бидејќи се заканува опасност од преоптовареност на здравствената служба, истакна Вапавуори. Тој додаде оти до крајот на неделата ќе се знае кои рестрикции ќе стапат во сила. – Ширењето на епидемијата во повеќе домови за стари лица и засилништа за бездомниците во последните денови сведоќат затоа дека се потребни построги мерки, посочи Вапавуори, додавајќи оти жали поради тоа што поголем број луѓе не се придржуваатдо препораките на здравствените власти. Градската власт засега издаде препорака заограничување на приватните собири во затворен простор и носење на маски во одредени прилики.

На аеродромот во Хелсинки кучиња откриваат Ковид-19

Магдалена Андонова — Thu, 24 Sep 2020 07:43:17 +0000

Финска распореди дресирани кучиња на аеродромот во Хелсинки кои откриваат патници заразени со новиот коронавирус. Четири кучиња од различни раси, обучени од финското Здружени за откривање на мириси, од средата почнаа со „работа“ на аеродромот во Хелсинки. Четири месечното истражување на алтернативни методи за тестирање на Ковид-19 е проект финансиран од финската Влада. Финска се одлучи на такво тестирање откако во студија на Ветеринарниот факултет на Универзитетот во Хелсинки навести дека дресирани кучиња можат да го откријат новиот коронавирус со сто проценти сигурност. Патниците кои се согласија бесплатно да се тестираат на аердромот во Хелсинки не мораа да имаат директен физички контакт со кучето. Тие требаа само да се избришат со марамче и да го стават во тегла, а потоа кучето го мириса во одвоена кабина. Финска е втора земја во светот која обучи кучиња за детектирање на Ковид-19. Такво тестирање летово беше спроведено во главниот град на Обединети Арапски Емирати. (МИА)

Ова се „најпаметните“ градови

Ивана Ефремовски — Wed, 23 Sep 2020 07:41:42 +0000

Градовите ширум светот сѐ повеќе се натпреваруваат во тоа кој повеќе ќе да ја прифати и ползува современата технологијата… Меѓу другото, индексот покажува дека во многу земји, „најпаметните“ градови не се нивните престолнини. Така, Сингапур, Хелсинки и Цирих се технолошки „најпаметните“ градови во светот. По нив, следат Оукленд, Осло, Копенхаген, Женева, Тајпеј, Амстердам и Њујорк. Ова, според Швајцарскиот институт за управување со развој и, нивната анализа при дебатата за иднината на технологијата во ерата на постпандемијата. -Најпаметните градови во светот не прифаќаат нова технологија веднаш, туку се стремат вистински да го подобрат животот на граѓаните, вели Артуро Брис од Институтот. На дното на списокот се наоѓаат Абуџа, Најроби и Лагос. Испитувањето опфатило 13.000 луѓе од 109 градови. Прашањата се однесувале на влијанието на технологијата во шест области: здравје, безбедност, сообраќај, движење, можности и управување. Во Шпанија, Билбао го надмина Мадрид, а вториот по големина британски град Бирмингем напредува подобро од Лондон. -Во колумбискиот град Меделин, некогаш познат по наркокартелите, стапката на криминал опадна по воведувањето бесплатен безжичен интернет. Тоа им олесни на граѓаните да ги пријавуваат злосторства, вели Брис. Многу градови низ светот воведоа сообраќајни шеми за автомобили и поголема сообраќајна култура заради намалување на метежот, Москва беше особено успешна во тоа. Тоа, затоа што така се гарантира бесплатен паркинг на сите корисници на оваа „паметна услуга“. Големите градови тешко стануваат „паметни“, иако стручњаците сметаат дека Ковид-19 го забрза преминот кон поинклузивни, позелени, попаметни градови. Така, Брис предвидува и тренд на свртување кон помалите градови. -Мислам дека одиме кон свет во кој ќе бидеме пораспрснати. Ќе бидеме побезбедни ако живееме во помалите градови, смета тој. Според него, во случајот на Сингапур, Хелсинки и Цирих, нивната големина им овозможува значително да вложуваат во технологија достапна за сите граѓани. (МИА)

Хелсинки ќе биде изолиран град за да се спречи пандемијата

Ивона Петрова — Thu, 26 Mar 2020 07:31:24 +0000

Финската премиерка Сана Марин синоќа објави дека главниот град Хелсинки и областа околу него ќе бидат изолирани од остатокот на земјата со цел да се спречи ширењето на коронавирусот. Реонот на главниот град е најголемо жариште на Ковид-19 во Финска. – Влегувањето и излегувањето од главниот град ќе биде забрането за граѓаните од утре до 19 април, истакна Сана Марин на прес-конференција. Сепак, таа прецизираше дека секој има право да се врати во своите домови. Во главниот град, каде се регистрирани повеќе од 500 случаи на Ковид-19, живеат 1,7 милиони луѓе, што е еднакво на една третина од населението на земјата. Регистрирани се вкупно 880 случаи во таа држава и тријца починати како резултат на пандемијата. Во Финска се тестираат само пациенти со висок ризик. Властите велат дека нивниот реален број може да е 30 пати поголем.

Училиштата во Хелсинки ја укинаа традицијата со божикни приказни

Предраг Кукиќ — Fri, 28 Dec 2018 09:03:30 +0000

Во училиштата во главниот град на Финска, Хелсинки, ја укинаа досегашната традиција на божикни приказни поради учениците кои не се христијани, пренесува Анадолија. Училишните власти соопштија дека менуваат некои од божикните обичаи за да се прилагодат на новите околности, дополнувајќи дека во училиштата во Хелсинки учат се поголем број ученици кои не се од христијанска вероисповест. Дел од училиштата веќе не ја изведуваат химната „Ангел од небото“, а исто така се откажаа и од претставите со јаслите на Исус Христос. Јаслите, голема кутија со сено, според христијанските верувања се приказ на раѓањето на Исус опишано во евангелијата по Матеј и Лука. Статистиката покажува дека секој четврти Финец не припаѓа на ниту една регистрирана верска заедница.

ВЕЛИЧЕНСТВЕНА УБАВИНА: Вака изгледа палатата во која се сретнаа Путин и Трамп (ФОТО+ВИДЕО)

Матеја Петровски — Mon, 16 Jul 2018 17:20:41 +0000

Американскиот и рускиот претседател, Доналд Трамп и Владимир Путин, денеска се сретнаа во една од најубавите претседателски резиденции на светот. Претседателскиот самит се одржа во т.н. Жолта куќа. Оваа претседателска палата е од 19-от век и има поглед на Балтичкото море во Хелсинки, во која порано се сретнувале претседателите на тие земји, соопштија официјалните лица од Финска. Како што се наведува ова е една од официјалните резиденции на финскиот претседател и се наоѓа во близина на близина на плоштадот Маркет. Путин и Трамп досега се сретнаа два пати, на маргините на меѓународните собири, а средбата во Хелсинки беше прв официјален состанок на двајцата светски лидери. На истото место во 1990 година се средба американскиот претседател Џорџ Х.В. Буш и претседателот на СССР Михаил Горбачов.

Целиот свет се прашува што значеше ова: После ракувањето со Путин, Трамп направи нешто неочекувано (ВИДЕО)

Матеја Петровски — Mon, 16 Jul 2018 15:59:03 +0000

Двајцата најмоќни светски лидери Доналд Трамп и Владимир Путин се сретнаа денеска во Хелсинки и целиот свет го следи нивниот самит. Откако пред почетокот на разговорот се ракуваат, американскиот претседател му намигна на својот руски колега. Новинарите забележаа дека за време на ракувањето двајцата лидери делувале прилично сериозно, би можело да се каже и нервозно, но американскиот претседател направи нешто невообичаено.

President @realDonaldTrump winks at President Putin as they begin their summit in Helsinki. The US president says he hopes for 'extraordinary relationship' Follow live updates from the #TrumpPutinSummit here: https://t.co/PemGs6NTXO pic.twitter.com/5N1EmF9GTA
— Sky News (@SkyNews) July 16, 2018

Имено, тој му намигна на Путин, што предизвика различни мислења кај многу во светот, што ли значеше тоа намигнување.

Во Хелсинки повеќе протести поради Самитот Трамп-Путин

Даниел Василев — Mon, 16 Jul 2018 09:32:41 +0000

Во Хелсинки денеска се одржуваат неколку протести поради средбата меѓу американскиот и рускиот претседател Доналд Трамп и Владимир Путин. Во паркот во близина на претседателската палата, каде ќе се одржи средбата Трамп-Путин протестираат членовите на младинското крило на финската Национална коалициска партија поради трговската политика на американскиот претседател. Тие апелираат Трамп да ја преразгледа одлуката за воведување на царини за увозот на челик и алуминиум, На иницијатива на организацијата за заштита на човековите права „Амнести интернешнл“ (АИ) се одржува протест на плоштадот во Хелсинки. На еден од транспарентите пишува „Направи повторно големи човековите права“. Членови на „Гринпис“ истакнаа 64 метарски плакат на камбанеријата на една од црквите во Хелсинки, на кој пишува „Стоплете ги нашите срца, а не нашата планета“. За денеска во Хелсинки пријавени се 13 протсети поради Самитот Трамп-Путин.