хемија – Kurir.mk

Овие знаци покажуваат дека помеѓу вас и некоја личност има силна хемија

Тале Кристо — Sun, 04 Dec 2022 12:42:30 +0000

Да се биде во можност со некого да се дели пријатна тишина е еден од знаците дека постои хемија… Ви откриваме уште пет сигурни знаци дека меѓу вас и вашиот партнер го има „она нешто“. Тишината е пријатна Сите сме воделе разговори, кои во одреден момент преминуваат во тишина, поради што често би паничеле дека на лицето спроти нас му е здодевно во нашето друштво. Но да се биде во можност со некого да се дели пријатна тишина е еден од знаците дека има хемија. Вие сте среќна што сте таму со него и знаете дека тоа чувство е обострано. Се разбирате Кога ќе кажете нешто, повеќето луѓе веднаш не би сфатиле, но тој точно знае за што зборувате. И обратно. Допири Едноставно е: кога ќе ве допре некој што не ви се допаѓа, вие сте сосема свесни за тоа и сакате да престане. Но кога ќе ве допре некој со кого чувствувате хемија, понекогаш тоа можеби нема ни да го забележите, бидејќи тие допири ќе ви изгледаат толку природни што нема причина за тоа да ве изненади. Телепатија Тоа е она чувство кога со само еден поглед, без зборови, можете да сфатите што мисли вашиот партнер, па соодветно на тоа се насмевнувате или правите друга мимика за да му покажете дека знаете што точно мисли. Времето лета Само со лицето со кое имате хемија часовите ви изгледаат како минути и имате чувство деко со него би можеле така засекогаш бидејќи секогаш ви е интересно. Кога и на дружењето ќе му дојде крај, едвај го чекате идното бидејќи тој ве усреќува и не сакате да бидете раздвоени. Како да се знаете отсекогаш Хемијата секако може да се развие со текот на времето, но таа главно се појавува штом запознаете некого. Ако со некого разговарате првпат, а чувстувате како веќе да го знаете, да, тоа е хемија.

Знаци дека помеѓу вас и некоја личност има силна хемија: Толкувајте ги гестовите

Ристе Здравков — Fri, 18 Nov 2022 14:55:34 +0000

Французинка и Американка добија Нобелова награда за хемија

Тале Кристо — Wed, 07 Oct 2020 12:43:32 +0000

Научничките Емануела Шарпентје од Франција и Џенифер Дудна од САД денеска ја добија Нобеловата награда за хемија, за развој на методи за промена на геном. – Емануела Шарпентје и Џенифер Дудна ја направија една од најголемите алатки во генетската технологија, а тоа се генетските ножици KRISPR / Cas9 (CRISPR / Cas9)“, објави Шведската кралска академија на науките. Тие две ќе добијат награда од 1,1 милиони долари. – Оваа технологија, која има револуционерно значење за науката, придонесува за нови терапии во борбата против ракот. Сега сонот за целосно лекување на наследни болести е многу близу, оцени Кралската академија на науките на Шведска.

Нобелова награда за хемија за научници за развој на литиум-јонски батерии

Ивона Петрова — Wed, 09 Oct 2019 10:20:40 +0000

Нобеловата награда за хемија за 2019 година е доделена на тројца научници за развој на литиум-јонски батерии. Наградата им припадна на Џон Б. Гудинаф, Стенли Витингем и Акира Јошимо. „Литиум-јонските батерии предизвикаа револуција во нашите животи и се користат во се, од мобилни телефони до лаптопи и електрични автомобили“, се вели во образложението на Нобеловиот комитет. Со нивната работа, годинашните лауреати по хемија ги поставија темелите на бежично и општество без фосилно гориво.

Тројца научници добија Нобелова награда за хемија

Ристе Здравков — Wed, 03 Oct 2018 10:59:06 +0000

Научниците Френсис Арнолд, Џорџ Смит и Грегори Винтер ја освоија Нобеловата награда за хемија за 2018 година, за истражување на користењето насочена еволуција во производство на ензими за нови хемикалии и лекови, соопшти денеска шведската Кралска академија на науки. - Годинава Нобеловите лауреати од областа на хемијата беа инспирирани од силата на еволуцијата и ги користеа истите принципи - генетски промени и селекција за да развијат протеини кои ги решаваат хемиските проблеми на човештвото, се наведува во образложението на Кралската академија. Тројцата научници ќе добијат девет милиони шведски круни, односно милион американски долари.