хемиска фабрика – Kurir.mk

Двајца загинати и 12 исчезнати по експлозија во хемиска фабрика во Кина

Тале Кристо — Mon, 16 Jan 2023 08:06:39 +0000

Најмалку две лица загинаа во експлозија и голем пожар во хемиска фабрика во североисточна Кина, пренесе ДПА. Други 12 лица се исчезнати по експлозијата и пожарот во хемиската фабрика во Панџин, провинцијата Лиаонинг, јави денеска кинеската телевизија Феникс ТВ. Во несреќата што се случила вчера, биле повредени 34 лица, од кои четири потешко. Пожарот горел со часови пред да биде ставен под контрола, јавија кинеските државни медиуми.

ВИДЕО: Силна експлозија во хемиска фабрика во Шпанија, еден загинат и најмалку 9 повредени

Ивона Петрова — Wed, 15 Jan 2020 07:21:10 +0000

Едно лице загина, а најмалку девет се повредени, од кои три потешко, во силната експлозија во хемиската фабрика на североистокот од Шпанија, соопштија регионалните каталонски власти, пренесуваат американските медиуми. Лицето загинало кога врз него се урнала зграда што била погодена од воздушниот бран предизвикан од експлозијата во фабриката во областа Тарагона, објавија весниците „Вангардија“ и „Паис“ на своите интернет страници. Кабинетот на шпанскиот премиер Педро Санчез сооопшти дека тој е во контакт со каталонските власти и дека Мадрид е подготвен да ја пружи сета неопходна помош. Британскиите медиуми јавуваат дека на лице место се наоѓаат 20 пожарникарски возила, 11 возила на итната медицинска помош и хеликоптер. На локалните жители им е советувано да останат во своите домови со затворени прозорци. иако засега нема податоци за загаден воздух. Засега не е позната причината за експлозијата.

Гори хемиска фабрика во Мелбурн, училиштата затворени, луѓе од 11 региони не смеат да ги напуштат домовите

Матеја Петровски — Thu, 30 Aug 2018 05:51:13 +0000

Голем пожар во хемиска фабрика во Мелбурн предизвика затворање на неколку училишта, а властите го предупредија населението на 11 региони да не ги напуштаат домовите поради токсичниот чад. На местото на настанот се слушнати и повеќе експлозии. Со пожарот во вториот по големина австралиски град се борат над 100 пожарникари и 30 единици техника. Пожарот во фабриката, која произведува хемикалии почнал во 5 часот изутрина по локално време. Засега пожарникарите успеале да спречат ширење на огнот кон блиските индустриски објекти, но се уште не е можно да почнат со гаснење на пожарот во самиот објект поради опасност од експлозија на плински боци и контејнери со ацетон, кои се наоѓаат во магацините. - Имаше доста експлозии. Експлодираа контејнери од 44 галони и летаа низ воздухот, што грижа за нашите пожарникари, соопшти претставник на противпожарната служба.

Еден загинат и 16 повредени во хемиска фабрика во Чешка

Ивона Петрова — Thu, 26 Apr 2018 18:49:03 +0000

Едно лице човек загина, а 16 се повредени во хемиска фабрика во чешкиот град Дечин, откако истекол фенол од камион цистерна, јави АФП, повикувајќи се на службата за итна помош. Инцидентот се случил во фабриката „Хемитекс“, во која работат околу 90 лица. Веднаш по истекувањето на фенолот, бил прекинат производствениот процес. Дел од вработените се повредиле кога вдишале фенол, а други од отровна хемикалија, позната како карбонска киселина, којапредизвикал изгореници на кожата, објасни портпаролот. Фенолот истекол откако се скинало цревото, со кој бил траснпортиран. МИА

Експлозија во Тексас: Гори хемиска фабрика, исчезна едно лице (ВИДЕО)

Ивона Петрова — Thu, 15 Mar 2018 18:07:36 +0000

Инцидентот се случил во фабиката на компанијата Tri-Chem Industries која произведува течни хемикалии, меѓу кои се киселини и сапун. Во експлозијата во фабриката во Тексас, повредено е едно лице, додека едно е исчезнато. На лице место се наоѓаат голем број екипи на Итна медицинска помош и противпожарни возила, а од фабриката излегува густ црн чад. За сега не е започната евакуација, а причината за експлозијата се истражува.