хемиско училиште – Kurir.mk

Комисија за инфраструктура, урбанизам и транспорт на ВМРО – ДПМНЕ: Шилегов повеќе од месец дена не го санира кровот на средното хемиско училиште

Тале Кристо — Fri, 03 Apr 2020 11:39:59 +0000

На фотографијата е прикажано како работи СДСМ, реагираат од комисијата за инфраструктура, урбанизам и транспорт на ВМРО - ДПМНЕ. Градоначалникот на град Скопје Петре Шилегов повеќе од месец дена не го санира кровот на средното хемиско училиште. Во истиот месец дена имаше повеќе врнежи од дожд а сега и снег и настанатата штета секојдневно се зголемува. Но на Петре Шилегов не му е грижа за тоа поради тоа што не плаќа тој, туку граѓаните на Скопје плаќаат од својот џеб за неговото неработење и неодговорност. Петре Шилегов ти поминува и претпоследната година од мандатот кој ти минува во зимски сон, стои во реакцијата на комисијата за инфраструктура, урбанизам и транспорт на ВМРО - ДПМНЕ

Да, вистината боли: Договорот за „Хемиско“ ги разобличи лагите на Шилегов (ФОТО)

Ивана Ефремовски — Thu, 27 Feb 2020 14:17:17 +0000

Кровната конструкција на средното хемиско училиште во Скопје „Марија Склодовска“ е речиси целата откорната. Беше потребно само еден силене ветер за да попуштат градбите за чиј квалитет гарантира скопскиот градоначалник, Петре Шилегов. Штетата беше толку голема што утринава е загрозена и безбедноста на учениците во училишниот двор. За потсетување Шилегов буквално се „колнеше“ во квалитетот на реконструкцијата на ова училиште, па дури и го одложи почетокот на школската година во септември се со цел завршување на градежните работи. Очигледно политиката на Шилегов за само промовирање и фотографирање денеска се гледа на дело од овие фотографии. Но, ветерот даде многу поголема слика за скопскиот градоначалник од таа дека тој не се залага за квалитет. По којзнае кој пат, скопскиот градоначалник е фатен во лага. Имено, тој денес, повеќе се загрижи за критиките кон него отколку за големата штета, па побрза да ја тргне одговорноста од себе. И уште еднаш излажа. -Бидејќи вистината боли, па почнаа да спинуваат. Кровот на Хемиско е “реконструиран” во 2009 година, кога министер беше Никола Тодоров и тоа од страна на министерството. Квалитетот на “реконструкцијата” е видлив на фотографијава. Годинава, ние ја реконструиравме фасадата на училиштето (енергетски ефикасна). Како што гледате, фасадата е во одлична состојба, истакна денес Шилегов. Но, КУРИР дојде до договорот за реконструкција на кровот и истиот е склучен во 2017-та година! Таа година, на власт во државава е СДСМ! Како што самиот рековте, градоначалнику, да, вистината боли! Бидејќи Шилегов вината ја насочи кон министерството за во 2009-та, треба да ја насочи попрецизно и сега. Од 1-ви јуни 2017-та до 4-ти јуни 2018-та година министер за образование и наука е Рената Дескоска, сопартијката на Шилегов и Заев. Кој од нив треба да понесе одговорност за оваа состојба? Лагите на Шилегов се разобличени. Во 2019-та година, потписот на Шилегов блеснува на договор поврзан со истата намена, за истото училиште, демонтажа на кровната конструкција и исфрлање во депонија.

Само промоцијата на Шилегов на дело: Се колнеше во реконструкцијата на средното хемиско училиште, а ветрот го издува целиот покрив (ФОТО)

Дарко Андоновски — Thu, 27 Feb 2020 08:58:26 +0000

Невремето во Скопје и силниот ветер вчеравечер буквално денеска ги парализираше делови од градот. Паднати бандери, одлетани кровови среде улица како и откорнати дрва се само дел од штетите кои градот Скопје „експресно“ утринава објави дека се санирани. Со сличен проблем утринава се соочува и средното хемиско училиште во Скопје „Марија Склодовска“ иако скопскиот градоначалник фрли речиси 45 милиони денари. Кровната конструкција на училиштето е речиси целата откорната, а утринава е загрозена и безбедноста на учениците во училишниот двор. За потсетување Шилегов буквално се „колнеше“ во квалитетот на реконструкцијата на ова училиште, па дури и го одложи почетокот на школската година во септември се со цел завршување на градежните работи. Очигледно политиката на Шилегов за само промовирање и фотографирање денеска се гледа на дело од овие фотографии.

Во скопското хемиско училиште наставата се уште не е започната- причината се лагите на Шилегов кои ги ветуваше со месеци (ФОТО)

Учебната 2019/2020 година започна но изгледа по се не започна за учениците од средното „Марија Кири Склодовска“, бидејќи зградата наликува на градилиште. Уште во мај месец беше ветена и најавена фасадата, но сеуште не е довршена. Бидејќи во вакви услови не можат учениците да имаат настава затоа што им се загрозува безбедноста. А,насекаде околу училиштето има градежни материјали, шут, дури може да се забележи дека не нема и прозори. Од самото училиште имаа објавено и известување дека почетокот на учебната година во ова училиште е одложено, но не е потенцирано до кога. „Почитувани ученици, родители/старатели и наставници, Средното училиште на Град Скопје „Марија Кири – Склодовска“ – Скопје, Ве известува дека почетокот на учебната 2019/2020 година е одложен од причина што не постојат услови за непречено реализирање на воспитно – образовната работа во училиштето поради изведување на поголеми градежни работи со изработка на нова енергетско – ефикасна фасада со визуелизација. За почетокот на учебната 2019/2020 година, ќе бидете дополнително известени со посебно Известување“, стои во нивното соопштение. Зошто до сега не беше реновирано училиштето? – прашање кое го поставуваат и учениците и родителите. Можеби треба и Шилегов на ова да одговори бидејќи тој најави нова фасада на училиштето уште во мај месец. Поради градоначалникот, учениците се спречени да одат на училиште како другите ученици. Дури самите стравуваат дека поради пролонгирањето на учебната година ќе треба да одработуваат испуштени часови саботи и недели и тоа не по нивна вина. Инаку во мај годинава Шилегов најави дека средното училиште на Град Скопје „Марија Кири Склодовска“ наскоро ќе добие нова енергетски ефикасна фасада со што целосно ќе се промени постојниот изглед на зградата, изградена во 1969 година. На почетокот на градежните работи за реконструкција на фасадата на училиштето уште во мај месец присуствуваше градоначалникот Петре Шилегов. – Со оваа реконструкција „Марија Кири Склодовска“ по 50 години добива нов лик, квалитетна и енергетско ефикасна фасада која ќе им овозможи на учениците и на вработените подостоинствени услови за учење и за работа. Се работи за нова структурална стаклена фасада со карактеристики на енергетски ефикасна фасада, специфична по визуелниот и естетски стил. Проектирана е модерно, од стакло и алуминиум, составена од алуминиумски композитни панели во боја, со нови челични профили и алуминиумска подконструкција. Вкупната вредност за изработка на фасадата изнесува 44.840.000 денари со вклучен ДДВ, рече градоначалникот Шилегов.

Професорите од Средното хемиско училиште ја бојкотираат наставата поради назначување на Албанец за директор

Дарко Андоновски — Thu, 07 Feb 2019 13:06:31 +0000

Градоначалникот на Скопје Петре Шилегов изјави дека не е нарушен образовниот процес со тоа што вчера за нов в.д. директор на средното хемиско-технолошко училиште „Марија Склодовска-Кири“ назначил Албанец, што денеска предизвика бојкот на наставата од професори и ученици од македонските паралелки. Тие претпладнето дојдоа на училиште, но не одржуваат часови, најавувајќи дека бојкотот ќе го продолжат и во наредните денови. Незадоволни се од тоа што одлуката била донесена без нивно занење и консултација, а револтирани се од тоа што по именувањето на в.д. директорот на социјалните мрежи, наводно, се појавиле коментари: „победивме, го зедовме Хемиско“. Шилегов во одговор на новинарско прашање појасни дека според законот, кога треба да се донесе решение за именување директор се консултира училишниот одбор, а за в.д. директор, како што рече, Град Скопје нема обврска да го консултира одборот. -Тоа не дава право никому, особено не на наставниот кадар, да изразува револт на таков начин. Повикувам да ги нормализираат односите и процесот на образование, бидејќи не ни е потребно преземање и правење ситуација онаму каде што навистина нема простор, рече Шилегов. Прашан за коментар во врска со бојкотот на македонските паралелки во ова средно училиште, министерот за образование и наука Арбер Адеми денеска на средбата со новинарите рече дека не е информиран детално, но нагласи дека во образованието не треба да се креираат тензии и поделби. -Треба да сме заинтересирани за квалитетот на образовниот процес. Не ни треба ниту триумфализам, освен посветеност за реализација на квалитетен образовен процес. Ако има простор за каква била одговорност, ќе ја побарам. Но, бидејќи не сум во детали информиран, можеби е потребна средба со наставниците и со сите засегнати страни во овој случај, рече Адеми, додавајќи дека не добил барање од училишниот одбор од каде што барање за средба пратиле и во Владата и во Град Скопје. Назначениот в.д. директор е од професорскиот кадар од наставата на албански јазик во училиштето, во кое од прва до четврта година има вкупно 28 паралелки на македонски наставен јазик.