хемотерапија – Kurir.mk

НОВ СКАНДАЛ: Онколошки пациенти оставени без терапија, Клиниката не го обезбедила лекот

Ивона Петрова — Wed, 02 Nov 2022 17:11:23 +0000

Онколошки пациенти останаа без потребната терапија, дознава Курир. Додека кај едни е прекинат циклусот, други не можат да почнат со хемотерапија бидејќи лекот „Оксалиплатин“ го нема. Пациенти кои ја контактираа нашата редакција велат дека иако хемотерапија им била препишана, не можат да ја примаат бидејќи лекот го немало. Други велат, во болничките ходници се зборува дека лекот нема да го има до 15-ти месецов. Курир побара одговор од Министерството за здравство од каде потврдуваат дека лекот Оксалиплатин во моментов го нема.

-Од Клиниката за радиотерапија и онкологија сме информирани дека во петок ќе пристигнат нови количини од лекот Оксалиплатин, и пациентите навремено ќе ја добијат терапијата, се вели во кусиот одговор од Министерството за Курир.

Во меѓувреме, пациентите се снаоѓаат како знаат. Некои се обидуваат да го најдат лекот во соседните земји и да продолжат или почнат со терапијата, а други поради финансии остануваат да чекаат лекот да биде обезбеден од Клиниката која е должна да го набави. Дали навистина „Оксалиплатинот“ ќе биде достапен за пациентите во петок, останува да се види. Инаку денеска директорот на Клиниката Никола Васев, на барање на министерот Беким Сали, си поднесе оставка од позицијата. Оставката следува по контролите на Фондот за здравствено осигурување за исплата на дежурства. Васев во изминатиот период се најде и на мета на јавноста со неколку скандали со лекови поврзани со Клиниката за радиотерапија и онкологија. Потврда за скандалите денеска даде и Сали. -Во последниот период и на двете клиники имаше доста скандали поврзани со работата на директорите и поради тоа мораше да се преземе ваков чекор. На тој начин се создадоа и сомнежи околу нивната работа и затоа тие денес си поднесоа оставки и на нивно место ќе бидат назначени нови директори, вели Сали за „Фокус“, во врска со оставките на Васев и Аспазија Софијанова која се повлече од директорското место во Клиниката за детски болести.

Им кажа збогум на хемотерапиите: Ѓурѓица силно удри на ѕвончето, за сите да ја слушнат нејзината победа (ФОТО)

Магдалена Андонова — Thu, 18 Nov 2021 16:56:37 +0000

Малата Ѓурѓица со силно ѕвонење на ѕвончето во Детската клиника во Скопје, ја прослави својата победа и крајот на болеста. Таа пред неколку месеци посака за роденден да добие перика, а сега веќе си оди дома. Среќната вест ја споделија од здружението САНО кои напишаа:

По хемотерапијата, таа имаше минимални шанси да забремени: Не изгуби надеж, а потоа се случи чудо

Магдалена Андонова — Thu, 25 Mar 2021 15:55:23 +0000

Меган Енис од Даблин имала само 24 години кога открила дека има Нон-Хочкин лимфом, малигна болест на лимфниот систем. Едно утро, во април 2017 година, таа се разбудила со болки во градите. Иако не мислеше дека станува збор за нешто сериозно, отиде на лекар и веднаш беше испратена на испитување во болницата Матер во Даблин. - Се разбудив едно утро во април 2017 година со лесна болка на левата страна од градите. Чувствував болка само кога длабоко земав здив - се присети Меган. Девојчето мислеше дека има лесна инфекција на градите или нешто слично. Сепак, по анализите на крвта и рендгенските зраци, лекарите ги забележале оштетените бели дробови и ја испратиле на дополнителни тестови, биопсија и скенер. - Две недели подоцна, ми беше дијагностициран лимфом, кој подоцна беше дијагностициран како дифузен лимфом на Б-клетки Нон-Хочкин - објасни девојчето. Меган се обидела да остане позитивна за време на третманот - дури и кога нејзиниот изглед започнал да се менува драстично. - Почнав со хемотерапија, а по само две недели косата ми падна, па мајка ми ми ја избричи главата. Јас воопшто не носев перика, бев ќелава подолг временски период - изјави 27-годишната. Девојчето се борела со сите сили и одлучи дека нема да дозволи ракот да и ја одземе радоста на животот. - Не тврдам дека немав тешки и лоши денови, но позитивниот и отворен став многу ми помогна за време на третманот - истакна Енис. - Медицинските сестри, лекарите и вработените во болницата Матер се неверојатни. За време на третманот запознав многу луѓе, што ми помогна да останам позитивна - искрено рекла Меган. Сепак, најтешко за неа беше фактот што не можеше да ги замрзне јајце клетките пред хемотерапија, што во тој момент значеше за Меган дека веројатно никогаш нема да може да има свои деца. - Кога ми рекоа дека имам рак, никогаш не ми падна на памет дека хемотерапијата може да влијае на плодноста - рече младата девојка. Лекарите и рекле дека замрзнувањето на јајце клетките не е опција, бидејќи ракот бил крајно агресивен. - Тоа беше најтешкото за мене. Не ми пречеше да ја изгубам косата или да добијам тежина од лекови ... Не ми пречеа другите несакани ефекти од хемотерапијата, но фактот дека не можев да станам мајка целосно ме скрши - вели Меган. За среќа, во ноември 2017 година, на Меган и беше кажано дека е во ремисија и неколку месеци подоцна беше испратена на дополнителни тестови. - По неколку недели, ја добив не толку добрата вест дека нивото на плодност на моето тело е приближно исто како и на една 45-годишна жена. Тоа не е баш нешто што 24-годишна девојка сака да го чуе - се присетила младата мајка во тешките моменти. Со оглед на тоа што помина малку време од третманот, Меган не ја изгуби надежта. Таа се врати на тестирање во февруари следната година. Сепак, резултатите не се подобриле, а лекарите и рекле дека нејзиното тело не е компатибилно за ин витро оплодување. Затоа девојчето не можеше да поверува кога неколку месеци подоцна дозна дека е бремена со своето „мало чудо“. - Мојот партнер Ерон и јас требаше да се вратиме на клиниката во септември, и да видиме какви можности сè уште постојат, но забременив во јуни 2019 година - рече девојчето и додаде: - Беше таков надреален момент кога дознавме. Лекарите биле многу скептични, знаејќи ја здравствената историја на девојчето, а Меган се надевала дека бременоста ќе помине нормално. Конечно, во март 2020 година, двојката го доби синот, малиот Таиго, неколку дена пред Ирска да воведе карантин поради пандемијата на коронавирусот. - Не можам да опишам како се чувствував кога се роди Таига - целосно надреално искуство. Тој е моето најголемо достигнување, понекогаш се прашувам дали ги правам работите како што треба, но гледајќи го неговото среќно, насмеано лице кога ќе се разбуди и пред да легне, ми се чини дека правам барем нешто како што треба - вели среќната мајка.

Одбил хемотерапија, дочекал 102 години: Ги надживеал и докторите и го откри рецептот со кој го победил ракот!

Курир — Tue, 30 Jan 2018 09:39:09 +0000

Докторите во Грција во 1976 година на овој човек му дијагностицирале неизлечлив рак на белите дробови па тој се помирил со тоа дека ќе умре. Девет различни лекари му го кажале истото, дека му останале уште шест месеци живот и дека морал да почне со агресивен третман – хемотерапија. Но тој не сакал да се лекува со тие опасни третмани, хемотерапијата ја одбил и се вратил во родното место т.е едно село во Грција.После тоа се случило нешто неверојатно, на самиот почеток бил во депресија па по цели денови лежел во кревет, а неговата сопруга и мајка се грижеле за него. Еден ден, му се вратила желбата за живот, до душа за кратко зошто мислел дека му останало уште малку време. Започнал со активен живот. Секоја недела од сабајле се качувал на брдо каде се наоѓа грча православна црква во која неговиот дедо бил свештеник. Почнале да му проаѓаат мештаните кога дознале дека се вратил во неговиот роден крај и секој ден со нив зборувал со часови со две шишиња домашно вино „ Барем ќе умрам среќен“, си помислувал. Следниот месец од некоја причина, почнал да ја чувствува снагата. Еден ден, одлучил да насади своја градина. Не очекувал, дека толку ќе почне да работи, почнал да се буди рано и по цели денови минувал надвор на воздух. Самиот си правел ручек со зеленчукот од својата градина. Кога ќе паднела ноќта одел во локалната кафеана да игра домино до доцна во ноќта. Годините минувале, тој бил се поздрав и поздрав и така се чуствувал. Ја надоградил својата куќа со неколку соби, а годишно произведувал и до 1.5000 литри домашно вино. По 30 години таков живот доживеал 97 години кога сфатил дека не умрел и одлучил да ги посети лекарите со своите резултати за да провери што се случило. Кога се вратил кај докторите кои му кажале дека му останале уште шест месеци живот, се зачудил бидејќи сите до еден бил мртви. Сите ги надживеал. И тоа што никогаш не отишол на хемотерапија која требало да му го продолжи животот. Само се преселил на село, овој човек починал на неверојатни 102 години. Умрел од старост, а ракот кој го споменале повеќе не постоел.

Светот во шок: Лекар уништил РАК за 11 дена без хемотерапија

Александар Михаилов — Wed, 27 Dec 2017 15:34:29 +0000

Во истражувањето што професорот Најџел Бандред го претставил на европската конференција за рак на дојката во Амстердам открил дека ја тестирале ефикасноста на лековите познати со име Herceptin и Lapatinib. Овие два лека веќе се користат во лекувањето рак на дојката, но ова е првпат да се употребат заедно во комбинација и да се користат пред операција и хемотерапија. Она што го откриле е дека лековите се во можност да елимираат некои видови рак на дојката за 11 дена. Истражувањето финансирано од страна на Центарот за истражување на ракот во Велика Британија имало цел да ги користи овие лекови во борба против протеинот наречен ХЕР 2, кој влијае на растот на клетките на ракот. Она што исто така го прави овој третман привлечен е фактот што ја елиминира потребата за хемотерапија и операција. Привремените нуспојави, како што се губитокот на коса, повраќањето и заморот, исто така може да се избегнат, што третманот го прави помалку штетен за телото. Хемотерапијата не е во целост ефикасна, ниту е вистински избор за многу пациенти, така што какви било алтернативи се добредојдени. Резултатите од студијата 257 жени што биле позитивни на ХЕР 2 се избрани за проучување. Половината се ставени на комбинација на лековите Herceptin и Lapatinib, а другата половина биле користени како резерва. Во споредба со втората група, на која ѝ е дадено само Herceptin, утврдено е дека 0 отсто од нив немале никакви клетки на рак по само две недели третман, а кај 3 отсто од нив намалена е големината на туморот. Сега е јасно дека двата лека во комбинација имаат поголемо влијание на клетките на ракот на дојката одошто кога тие се користат самостојно. Проблемот е во тоа што Herceptin, поради лиценцата, не е достапен за хемотерапија. Иако има уште многу да се направи, истражувачите сметаат дека ова претставува голем чекор во борбата против една од светски најсмртоносните болести. Се поставува прашањето зошто лековите Herceptin и Lapatinib воопшто се нарекуваат лекови кога нивното лекување кога се користат самостојно е еднакво на нула?!