хенрик михтаријан – Kurir.mk

Интер договори одлично засилување за наредната сезона

Бошко Тасиќ — Sat, 04 Jun 2022 06:34:31 +0000

Италијанскиот вицешампион Интер заврши одличен трансфер. Во клубот пристигнува ерменскиот фудбалер Хенрих Мхитарјан (33), кој ги договорил сите услови за преселба во Интер. Искусниот 33-годишен Ерменец ја одби понудата на Рома за продолжување на соработката. Тој по три години минати во клубот реши да си замине и како слободен играч ќе ги засили Нероаѕурите.

Михтаријан: Против Македонија ќе играме на победа

Бошко Тасиќ — Wed, 01 Sep 2021 18:53:51 +0000

Фудбалската репрезентација на Ерменија е четвртиот противник на нашата фудбалска репрезентација во мундијалските квалификации. Со мечот в четврток нашата репрезентација ќе ја започне серијата натпревари овој септември.На прес-конференцијата за медиумите зборуваше првата ѕвезда на ерменската репрезентација, Хенрик Михтаријан. „Не можам да кажам што ќе биде разликата во играта на Македонија без Горан Пандев. Тоа можеме да го коментираме по натпреварот. Сигурно дека ќе им недостигна на неговите колеги од репрезентацијата. Ние одигравме одлично на првите три меча. Против Македонија ќе играме на победа. Подготвени сме за мечот, ќе се обидеме да го дадеме максимумот. Мора да бидеме фокусирани“, рече играчот за врска и најдобриот фудбалер во моментот во Ерменската репрезентација. Ерменците имаат три победи од исто толку натпревари и моментално се лидери во нашата група Ј.

Спортот остана во сенка на политиката, Михтаријан нема да игра финалето во Баку

Предраг Кукиќ — Tue, 21 May 2019 17:23:38 +0000

Фудбалерот на Арсенал, Ерменецот Хенрик Михтаријан нема да игра на финалето на Лига Европа во Баку, од безбедносни причини. Веста ја потврдија челниците на лондонскиот клуб, кои соопштија дека репрезентативецот на Ерменија нема да биде на стадионот во Баку на 29 мај на натпреварот против Челзи од едноставна причина, затоа што организаторите не можат да му гарантираат безбедност. – Внимателно ги разгледавме сите опции со цел Мики да биде дел од екипата, но по разговорот со него и неговото семејство, едногласно се согласивме тој сепак да не патува на финалето, наведе раководството на Арсенал. Земјата домаќин на финалето на Лига Европа, Азербејџан е во лоши односи со Ерменија, поради долгогодишната војна меѓу овие две поранешни советски републики.

Михтаријан го пропушта дуелот со Карабах

Дарко Андоновски — Tue, 02 Oct 2018 07:05:46 +0000

Ерменскиот интернационалец Хенрих Михтаријан нема да биде во составот на Арсенал на средбата со Карабах во втората рунда од Лига Европа закажана за четврток. Безбедноста е причината за изоставување на Михтаријан од списокот на патници во Баку, со оглед на затегнатите односи меѓу Азербејџан и Ерменија. Ерменците немаат право да влегуваат во Азербејџан, освен со специјални дозволи. Михтаријан и пред три години кога беше дел од Борусија Дортмунд, не отпатува на гостување во Азербејџан, иако му беше издадена виза. По првата рунда во Е-групата од Лига Европа, Арсенал има три бода, додека Карабах е без бод.

Мхитариjан: Јунајтед на Мурињо не игра убаво

Даниел Василев — Fri, 27 Jul 2018 08:08:25 +0000

Фудбалерот на Арсенал, Хенрик Мхитариjан изјави дека стилот на игра на тимот од Лондон му се допаѓа повеќе отколку оној на Жозе Мурињо во Манчестер Јунајтед. Ерменецот играше на „Олд Трафорд“ од 2016 година до почетокот на 2018 година. - Арсенал секогаш игра напаѓачки фудбал. Под водство на Жозе во Манчестер Јунајтед игравме малку поинаку. Но, јас не обвинувам никого и не критикувам никого. Тоа е едноставно друга филозофија. Можам само да кажам дека тука сум посреќен отколку во Манчестер, изјави Мхитариjан. МИА