ВМРО-ДПМНЕ: Поради Заев за 4 години Македонија падна 15 места на листата на Херитиџ за економски слободи

Магдалена Андонова — Sun, 22 Aug 2021 07:20:55 +0000

Поради Заев за 4 години Македонија падна 15 места на листата на Херитиџ за економски слободи. Од 31 место во 2017 година, Македонија е сега рангирана на 46 место на листата за економски слободи во друштво со Руанда и Колумбија. Херитиџ нотира дека власта е во црвена зона во делот на интегритетот на владата и судскиот систем. Буквално власта има единица во овој дел, стои во соопштението на ВМРО-ДПМНЕ. - Пад во однос на минатите години имаме и на полето на слобода на работниците и слободната трговија. Буквално Херитиџ кажува дека сега е потешко да се води бизнис во Македонија за разлика од порано. Времето за отворање на фирма е многу подолго што е одлика на бирократизација на системот кој му служи само на Заев, а е нефункционален за се друго, велат од партијата. ВМРО-ДПМНЕ посочува дека лошите оценки на Херитиџ се лош имиџ за Македонија и ќе го одвраќаат секој можен инвеститор. - Секој сериозен инвеститор пред да се одлучи да ја запознае земјата одблиску гледа што за неа кажуваат мерењата на Херитиџ, Економист, Транспаренси Интернешенал. Време е ова да се смени. Време е Македонија да тргне напред. Време е за Македонија за сите луѓе, додаваат.

Николоски на средби во Стејт Депарментот, Херитиџ Фондацијата и ИРИ: Предупредува за високото ниво на корупција во Владата

Ивана Ефремовски — Sat, 09 Feb 2019 08:45:43 +0000

Во рамки на работната посета на Вашингтон потпретседателот на ВМРО-ДПМНЕ, Александар Николоски оствари средби со Лук Кофи – директор за меѓународна политика на фондацијата Херитиџ, Метју Палмер – заменик помошник Секретар во Стејт Департментот, Пол Мекарти – директор за Европа во Меѓународниот Републикански Институт и Јан Ерик Суротчак – директор за трансатлански стратегии на Меѓународниот Републикански институт. На сите средби Николоски ја нагласи потребата од суштински реформи во Македонија во делот на владеење на правото и борба со корупција, економски реформи, реформи на јавната администрација. Овие реформи се предуслов за почеток на преговори за членство во ЕУ како и забрзување на процесот на членството во НАТО. Николоски исто така го нагласи високото ниво на корупција во Владата кое зазема се пошироки размери и побара да се испратат јасни сигнали до Владата да почне силна борба со корупцијата во своите редови. Предупреди на мешањето на Владата во судството и обвинителството и инструментализацијата на истите во политички цели. Со своите соговорници се осврна и на актуелните Претседетелски избори како и барањето на ВМРО-ДПМНЕ за предвремени парламентарни избори. Нагласи дека постои огромна загриженост за регуларноста на Претседетелските избори, притисоци и уцени на гласачи како и полнење на кутии. Побара да се испратат јасни пораки за потребата од одржување фер, демократски и компетитивни избори, како и да се испратат силни мониторинг мисии кои нема да го набљудуваат само изборниот ден, туку целиот предизборен процес. На средбите со Фондацијата Херитиџ и Меѓународнит Републикански Институт стана збор и за соработката на ВМРО-ДПМНЕ со овие две престижни институции при што беше заклучено да се продлабочи соработката и да се работи на новите концепти и политики на ВМРО-ДПМНЕ. Работната посета на Вашингтон ја покажува посветоноста на ВМРО-ДПМНЕ кон градење близок и партнерски однос со САД како стратешки партнер на Македонија.

Херитиџ Фондација – Kurir.mk

ВМРО-ДПМНЕ: Поради Заев за 4 години Македонија падна 15 места на листата на Херитиџ за економски слободи

Николоски на средби во Стејт Депарментот, Херитиџ Фондацијата и ИРИ: Предупредува за високото ниво на корупција во Владата