Во Рим пронајдена древна мермерна статуа на Херкул

Дарко Андоновски — Tue, 31 Jan 2023 10:03:48 +0000

При поправка на канализацијата под парк во Рим, пронајдена е античка римска статуа на Херкул, која најверојатно датира од времето на Римската Империја (27 г. п.н.е. – 476 г. н.е.). „Ова место ни приреди големо изненадување – мермерна статуа во природна големина. Поради тојагата и наметката од лавовска кожа, знаеме дека станува збор за отелотворение на Херкул (Херкулес)“, објави Археолошкиот парк „Апија антика“ на својот Фејсбук-профил. Работниците ископувале на длабочина од 20 метри и нивните активности, како што често се случува во италијанската престолнина, биле надгледувани од археолози. Ваквите наоди се чести на подрачјето на цела Италија – лулката на Стариот Рим. Во областа на Сиена во ноември лани беше откриена низа бронзени статуи што останале зачувани под земјата околу 2300 години. Повеќето од 24-те статуи биле пронајдени под бањи, заедно со околу 6.000 бронзени, сребрени и златни монети. Во тој период во областа се мешаат постарата етрурска и завојувачката римска култура.

Во тек е избор на глумци за играната верзија на „Херкул“ (ВИДЕО)

Ивона Петрова — Wed, 13 May 2020 11:08:52 +0000

По „Аладин“, „Кралот лав“ и неколку други филмувани верзии на историски класици на Дизни, сега се подготвува и реалистична, односно играна преработка на цртаниот филм „Херкул“ од 1997 година. По видеото на кое ја пее „I Won’t Say I’m In Love“, Аријана Гранде стана најголем фаворит за улогата на Мегара меѓу обожавателите на Дизни. Мегара му е девојка на Херкул во приказната. Пејачката Лорен Кејана Кеке Палмер пак, е главен фаворит за една од музите. Таа пред своите следачи на Фејсбук ја изведе „Zero to Hero“, исто така, песна напишана за цртаниот филм. Новиот филм е во претпродукција, па многу од улогите, како на пр. ликот Херкул, сѐ уште не се доделени.

херкул – Kurir.mk

Во Рим пронајдена древна мермерна статуа на Херкул

Во тек е избор на глумци за играната верзија на „Херкул“ (ВИДЕО)