херпес – Kurir.mk

Херпесот напаѓа кога сте најслаби, чувајте си го здравјето!

Ивана Ефремовски — Sun, 09 Apr 2023 16:43:32 +0000

Постојат две врсти на херпес – херпес симплекс и херпес зостер, а во организмот навлекуваат кога ни е опаднат имунитетот. Почест е херпесот симплекс. Се враќа секој пат кога сме под претеран стрес, после некои бактериски инфекции или долги вирусни респираторни инфекции. Инаку, херпесот симплекс е заразна инфективна болест која се карактеризира со локално избувнување на мали, болни меурчиња исполнети со бистра течност. Озбилни компликации можат да се јават кај новороденчиња, како и кај лица со сида или лица на кои имунитетот им е опаднат поради други пореметувања или лекови. Почесто се јавуваат кај луѓе кои се на хемотерапија и оние кои боледуваат од автоимуни болести или примаат имуносупресивна терапија како кај ревматолошки артритис. Херпесот зостер се јавува кај луѓе кои во детството прележале сипаници или варичела, а најчесто кај лица над 35 години. И едниот и другиот херпес се лечат со маст и креми против вируси, како и со внесување на Б комплес витамини други додатоци кои го подигнуваат имунитетот. Битно е да се знае, дека околу нас се наоѓаат милијарди вируси и бактерии кои најчесто не влегуваат во нашиот организам се додека ние не им ја “отвориме вратата”. А вратата им ја отвараме тогаш кога се исцрпуваме, не се храниме квалитетно и на време, кога неактивно се лечиме од болести и го разладуваме телото кога треба да го затоплиме. Најдобра превентива од херпес е да се чуваме и да ја зголемиме отпорноста и снагата на организмот.

Милиони не знаат дека ја имаа: Симптомите на оваа болест се слични на грип

Ивана Ефремовски — Fri, 18 Nov 2022 19:19:40 +0000

Повеќе од 80 проценти од луѓето инфицирани со херпес имаат симптоми на мачнина, грозница и болка во мускулите, во првите стадиуми од инфицираноста, велат експертите од американскиот Центар за контрола на болести и превенција. Се верува дека овие симптоми се резултат на имунолошкиот систем, кој се обидува да го нападне вирусот. Инаку, херпес е доста честа полова болест, а се верува дека во Америка околу 40 милиони луѓе не ни знаат дека имаат херпес. Поради тоа експертите истакнуваат дека е доста важно да се препознаат симптомите на оваа болест која може да се стави под контрола, но не може да се излечи. Се проценува дека 90 проценти од луѓето кои се инфицирани од типот 2 на вирусот никогаш не ја добиле таа дијагноза. Делумно, причина за тоа е што поголемиот број од луѓето имаат благи симптоми, кои по грешка можат да се препишат на нешто друго, а се случува и да нема никакви симптоми, така што херпесот „минува“ незабележано. Кога се јавуваат симптомите, тоа е обично меѓу пет и десет дена по гениталниот контакт кожа со кожа со некого кој веќе го има вирусот. Најчестите рани знаци кои се јавуваат се болки при мокрењето и пецкање во гениталиите, заедно со симптоми слични на грип- тоа може да вклучи грозница мачнина, главоболка, болки во мускулите, отеченост на лимфните чворови, чувство на омалаксаност...

Непријатно е и долго трае: Како да ја спречите појавата на херпес?

Ивана Ефремовски — Wed, 17 Aug 2022 07:24:57 +0000

Херпесот на усните е многу непријатна појава. Освен тоа што ни создава естетски проблем и тешко може да се сокрие, тој долго трае, пецка и чеша. Вирусот на херпесот е карактристичен по тоа што кога еднаш ќе навлезе во нашиот организам тешко можеме да го излекуваме во потполност. Со одредена терапија, крема и други медицински препарати само го доведуваме во состојба на мирување и во зависност од нашиот имунолошки систем неговата повторна појава е неизбежна. Најчести причинители на херпесот се стресот, исцрпеноста на организмот, грипот, како и други вирусни инфекции кои го погодуваат нашиот организам. Не треба да се заборави дека појавата на херпес за време на летото не е ретка појава, бидејќи високите температури и силното сонце можат да доведат до побуна на вирусот на херпесот и негова појава на кожата. Појавата на херпес е проследена со мали пликчиња исполнети со течност кои можат да чешаат, пецкаат или болат. Пликовите по некое време пукаат, преминуваат во краста, а кога таа созрева отпаѓа и не остава лузна. Основно правило за заштита од сите вирусни инфекции е обидот да се избегнува изворот без разлика дали се работи за пиење од иста чаша од која пиела и личноста која има херпес, бакнеж или користење на ист пешкир по туширање. Херпесот не може да исчезне за два дена доколку веќе се појавил на кожата. Важно е на време да се препознаат симптомите. Постојат разни препарати за лекување на херпесот, но ви советуваме да пробате со коцка мраз. Доколку почуствувате чешање, пецкање или црвенило, земете коцка мраз и ставете ја во таа регија. Со тоа ќе ја спречите појавата на херпес.

Вирусот херпес напаѓа кога сме најслаби, избегнувајте стрес и чувајте си го здравјето

Ивана Ефремовски — Mon, 28 Feb 2022 13:53:43 +0000