херсонска област – Kurir.mk

Локалните власти во Херсонската област спроведуваат задолжителна евакуација на жителите на Купјанск и околината

Тале Кристо — Thu, 10 Aug 2023 14:13:09 +0000

Локалните власти од Херсонската област денеска издадоа наредба за задолжителна евакуација на жителите од градот Купјанск и неговата околина поради интензивното руско гранатирање на областа, јавува Си-Ен-Ен. Русија во последните неколку недели ги засили напорите да го поврати Купјанск, градот што украинските сили го презедоа во септември. Во наредбата се наведува дека е најавена задолжителна евакуација за жителите на градот, како и на Заоскил, што се наоѓа на источниот брег на реката Оскол. „Руските јуришни тимови ги подобрија позициите во Купјанск“, изјави портпаролот на руското Министерство за одбрана, генерал-полковник Игор Конашенков, пренесе Тасс. Во последните недели, руските сили ги интензивираа напорите да ги пробијат линиите на украинскиот фронт источно од реката Оскол и ја зголемија фреквенцијата на воздушни и артилериски напади врз населените места од двете страни на реката.

Властите назначени од Русија во Крим и Херсонската област известија за украински напади на два моста

Тале Кристо — Sun, 06 Aug 2023 18:11:06 +0000

Украинските сили го гранатираа патниот мост Чонгар, кој го поврзува Крим со регионот Херсон и населбата Чонгар, изјави назначениот од Русија шеф на Херсонската област Владимир Салдо, цитиран од британски и руски медиуми. Според Салдо, мостот Чонгар и населбата биле испукани со проектили „Сторм сенка“, при што биле оштетени мостот и училиште. Шефот на Крим назначен од Русија, Сергеј Аксјонов, потврди дека мостот е оштетен и појасни дека нема жртви како резултат на нападот. Салдо и Аксјонов рекоа дека мостот е затворен поради поправки. Владимир Салдо во „Телеграм“ објави за уште еден напад на мост. Во неговото соопштение се наведува дека е погоден мал мост кој го преминува теснецот Тонки. -На мостот беае истрелани вкупно 12 проектили, од кои 9 беа соборени од силите за воздушна одбрана, истакна Салдо. Според очевидци, во нападот едно лице е полесно повредено. На жртвата и била укажана помош. -Мостот не е од големо воено значење, изјави Салдо.

Киев соопшти дека ја вратил контролата врз пет населени места во Херсонската област

Дарко Андоновски — Wed, 12 Oct 2022 09:23:16 +0000

Киев утринава соопшти дека украинската армија од руските сили ја презела контролата врз пет населени места во јужната област Херсон. „Оружените сили на Украина ослободија уште пет населби во областа Берислав во областа Херсон: Нововасиловка, Новогригоровка, Новаја Камјанка, Трифоновка, Червонаја“, соопшти Кабинетот на украинскиот претседател. Украинските сили неколку седмици се во контраофанзива во областа што е под контрола на силите на Москва уште од првите денови на војната. Независно силниот руски отпор, украинската армија на почетокот на овој месец постигна значителни успеси во регионот Херсон, особено долж крајбрежјето на реката Днепар, јужно од индустрискиот град Кривји Рих. Киев постојано врши напади врз мостовите во областа за да го поремети снабдувањето на руските оружени сили. Херсонската област е еден од четирите украински региони анектирани од Москва, одлука што ја осудија Киев и неговите западни сојузници.