Херта – Kurir.mk

„Петарда“ на Баерн против Херта, три гола на Левандовски

Бошко Тасиќ — Sat, 28 Aug 2021 19:12:16 +0000

Германскиот фудбалски шампион Баерн Минхен ја прегази Херта Берлин со 5-0 во последниот натпревар од денешната програма во германската Бундеслига. Фаворитот покажа знаење, квалитет, ефикасност и само потврди дека и сезонава ќе биде главен претендент за пехарот во лигата. Во центарот на вниманието беше кој друг ако не Роберт Левандовски кој „испука хет-трик“. Полскиот ас беше прецизен во 35, 70 и 84 минута, а свое учество во гол шоуто имаа уште Милер кој го отвори резултатот и младиот Мусиала. Баварците со учинок од седум бода се на второто место на табелата зад Леверкузен.

Херта остана без тренерот Лабадија

Дарко Андоновски — Sun, 24 Jan 2021 12:57:30 +0000

Бундеслигашот Херта објави крај на соработката со тренерот Бруно Лабадија. Следејќи го стручњакот, управниот директор Мајкл Прец исто така го напушти тимот. Раководството на германскиот клуб реши да му врачи отказ на тренерот по вчерашниот висок пораз од Вердер Бремен (1:4). До крајот на тековната сезона, за спортски директор е назначен Арне Фридрих. Претходно беше објавено дека местото на 54-годишниот тренер може да го заземе Пал Дардаи, кој работеше со тимот од Берлин од 2015 до 2019 година. Лабадија ја предводеше Херта од април 2020 година. Тимот во моментов е на 14. место во поредокот на германскиот шампионат со 17 бода.

Борусија ја победи Херта и ги задржа теоретските шанси за шампионскиот трофеј

Тале Кристо — Sat, 06 Jun 2020 19:43:51 +0000

Борусија Дортмунд вечерва ја совлада Херта со 1:0 во натпреварот од 30. коло од Бундеслигата. Стрелец на единствениот гол беше Емре Џан во 58. минута. Со новите три бода, Борусија е втора со 63, односно седум бодови помалку од лидерот Баерн Минхен. Херта со 38 бода е деветта. До крајот на Германскиот фудбалски шампионат на водечките шест екипи им остануваат уште четири кола, односно секој клубво може да освои максимум 12 бода.

Холанд може да го пропушти мечот со Херта поради повреда

Ивона Петрова — Wed, 03 Jun 2020 06:48:48 +0000

Напаѓачот на Борусија Дортмунд, Ерлинг Холанд може да го пропушти натпреварот од 30. коло од Бундеслигата против Херта поради повреда на коленото, јавуваат германските медиуми. Претходно, Норвежанецот не можеше да игра на дуелот со Падерборн (6:1). Фудбалерот го пропушти последниот тимски тренинг. Тој веројатно има истегнување на внатрешниот латерален лигамент на коленото. Натпреварот Борусија – Херта е закажан за 6 јуни. Деветнаесет годишниот напаѓач оваа сезона има 14 настапи за Борусија и постигнато 13 гола и остварено три асистенции.

Клинсман поднесе оставка од тренерската позиција во Херта

Ивона Петрова — Tue, 11 Feb 2020 11:00:12 +0000

Тренерот на Херта, Јирген Клинсман, денес поднесе оставка, поради слаба поддршка од управата на клубот. – Како главен тренер, за задача што сè уште не е завршена, ми требаше и доверба во управувањето. Единството, кохезијата и фокусирањето на главните цели се најважните елементи. Ако не се загарантирани тие елементи, не можам да го искористам мојот потенцијал како тренер и, според тоа, не можам да ги исполнам моите одговорности. Затоа, по многу размислување, дојдов до заклучок да поднесам оставката, соопшти Клинсман. Берлинскиот клуб ја потврди оваа информација. – Бевме изненадени од овој пресврт на настаните утрово. За време на зимскиот трансфер прозорец, немаше никакви знаци за проблеми, се вели во изјавата на Херта. Клинсман ја предводеше Херта од крајот на ноември минатата година. Херта по 21 коло во Бундеслигата се наоѓа на 14. место со 23 бода.