хет-трик – Kurir.mk

Суарез со хет-трик дебитираше за бразилски Гремио

Дарко Андоновски — Wed, 18 Jan 2023 09:15:28 +0000

Блескава премиера во својот нов клуб, бразилски Гремио, имаше синоќа 35-годишниот уругвајски напаѓач Луис Суарез, кому едно полувреме му беше доволно да постигне три голови. Суарез неодамна без обесштетување го напушти уругвајски Национал и го засили Гремио, кој минатата сезона настапуваше во бразилската Серија Б, но избори враќање во елитната Серија А. Во дуелот од Суперкопот Рекопа Гаучо неговиот Гремио триумфираше над Сао Луиз со 4-1, а Суарез постигна три голови во првото полувреме. За уругвајскиот напаѓач тоа беше прв хет-трик во кариерата од ноември 2013 година, кога во дресот на Ливерпул постигна три голови против Норич во Премиер лигата.

ВИДЕО: Петарда во голот на Швајцарија, хет-трик за Рамос

Ивона Петрова — Tue, 06 Dec 2022 21:00:58 +0000

Португалскиот репрезентативец Гонсало Рамос го постигна првиот хет-трик на Светското првенство во Катар. Рамос три пати ја затресе мрежата на Швајцарија во 17, 51 и 67 минута. Португалците славеа над Швајцарците со 6:1 и се пласираа во четвртфиналето од натпреварувањето. Пепе по асистенцијата на Фернандеш погоди во 33 минута за резултат од 2:0 откако Рамос го отвори претходно резултатскиот бум. Четири минути по својот втор погодок, Рамос асистираше за четвртиот гол на натпреварот кој го постигна Гереиро. Следуваше погодок на Швајцарците кои тука и запреа. 67 минута беше повторно среќна за Рамос и постигнување на првиот хет-трик во Катар, а печат на убедливата победа на Португалија стави Леао за конечни 6:1 во судиското продолжение.

Хет-трик на Халанд во триумфот на Сити над Јунајтед

Тале Кристо — Sun, 02 Oct 2022 15:39:25 +0000

Манчестер сити го победи Манчестер јунајтед со 6:3 попладнево во дербито на 9.коло во Премиер лигата. Најдобар играч на натпреварот беше Ерлинг Халанд кој постигна три гола и две асистенции. За Норвежанецот ова беше 15-ти хет-трик во кариерата и трет како фудбалер на Сити. Претходно Халанд три гола на еден натпревар постигнуваше во дресот на Салцбург (пет пати), за Борусија Дортмунд (четири пати), за норвешката репрезентација – два и еднаш за Молде. Сити по осум натпревари во Англиското фудбалско првенство е втор на табелата со 20 бода, Јунајтед има 12 бодови од седум натпревари. Лидер е Арсенал со 21 бод од осум натпревари.

ВИДЕО: Хет-трик на Роналдо, Португалецот стана најдобар стрелец во историјата на фудбалот

Ивона Петрова — Sat, 12 Mar 2022 20:15:30 +0000

Кристијано Роналдо постигна хет-трик и „сам“ го победи Тотенхем со 3-2, а Хари Мегваер постигна автогол на супер дербито во Премиерлигата. Португалецот како да се налути, па експлодира на мечот со Тотенхем, погоди во 12, 38 и 81 минута за победа на Јунајтед на која најскапиот дефанзивец Мегваер запиша автогол. Роналдо се се запиша во историјата како најдобар стрелец во фудбалот. Најдобар стрелец во историјата на фудбалот до вечерва беше Јозеф Бикан кој на 530 официјални натпревари постигна 805 голови. За историското постигнување на Португалецот му беа потребни 1.110 официјални натпревари.

Феран Торес по хет-трикот против Германија: Не можам да изразам колку сум среќен

Дарко Андоновски — Wed, 18 Nov 2020 11:11:28 +0000

Фудбалерот за врска на шпанската репрезентација, Феран Торес рече дека е пресреќен по големата победа над Германија (6:0) во Лигата на нациите и неговиот хет-трик на овој натпревар. – Сите сме воодушевени од групата играчи што се собраа во националниот тим и од тоа како работите се развиваат. Секој фудбалер сонува да направи хет-трик за репрезентацијата. Не можам да изразам колку сум среќен што успеав да го сторам ова на ваков важен натпревар и да му помогнам на тимот. Ја искористивме иницијативата од првите минути и не дозволивме репрезентацијата на Германија да игра. Ги затворивме сите приоди кон нашиот гол и не им дозволивме да не загрозат, изјави Торес. Шпанија го освои првото место во групата и се пласира во плејофот за трофејот во ова натпреварување.

Рашфорд го повтори достигнувањето на Солскјер

Ивона Петрова — Thu, 29 Oct 2020 07:31:01 +0000

Напаѓачот на Манчестер јунајтед, Маркус Рашфорд постигна хет-трик на синоќешниот натпревар од 2. коло на групната фаза од Лигата на шампионите против Лајпциг (5:0). Тој стана вториот играч во клупската историја кој постигнал три гола на еден натпревар како замена. Првиот беше сегашниот тренер Оле Гунар Солскјер. Тој постигна три гола на натпреварот од Премиер лигата против Нотингем Форест во февруари 1999 година.

ВИДЕО: Хет-трик на Рашфорд против Лајпциг

Ивона Петрова — Thu, 29 Oct 2020 06:37:17 +0000

Манчестер Јунајтед се избори за убедлива победа од 5:0 против Лајпциг во 2 коло од групата Х во Лигата на шампионите. Избраниците на Оле Гунер Солскјер одиграа одличен натпревар. Гринвуд погоди во 21 минута по асистенцијата на Погба. Во второто полувреме Рашфорд го замени Грунвуд и постигна три гола, во 47 во 78 и во 92 минута. Петиот гол за Јунајтед беше дело на Марсијал од пенал во 87 минута.

Хет-трик на Варди во триумфот на Лестер над Манчестер сити

Магдалена Андонова — Sun, 27 Sep 2020 19:45:06 +0000

Лестер го совлада Манчестер сити со 5:2 во гостински натпревар од 3. коло на англискиот фудбалски шампионат. Напаѓачот на „лисиците“ Џејми Варди постигна хет-трик. Три од петте гола Лестер ги постигна од пенал. За Лестер ова е трета победа во третиот меч од новата сезона во премиер лигата и со максимални девет бода е прв на табелата. Манчестер сити остана на три бода по два натпревара. (МИА)

ВИДЕО: Се избори со коронавирусот и се врати со „хет-трик“ за 8 минути

Дарко Андоновски — Sun, 26 Jul 2020 15:58:59 +0000

Поранешниот играч од средниот ред на Евертон и Манчестер Јунајтед, Маруан Фелаини постигна „хет-трик“ за победата на неговиот сегашен тим Шандонг Луненг од 3:2 над Далијан Про во првото коло од кинескиот шампионат. Поранешниот напаѓач на Вест Бромвич, Саломон Рондон го отвори резултатот за домаќините од Далијан во 57-та минута. Но, тогаш дојде sвездениот момент на Фелаини, постигнувајќи „хет-трик“ од голови со глава за само осум минути – 79, 83 и 86-та. Уште поимпресивен е фактот дека Белгиецот помина неколку недели во болница во март и април затоа што беше заразен со коронавирус. Неговите голови се покажаа како доволни за успехот на Шандонг, бидејќи тимот на Марек Хамшик постигна само уште еден гол, постигнат од Маркус Даниелсон во продолжението.

Роналдо со ново големо постигнување по вчерашниот „хет-трик“

Дарко Андоновски — Tue, 07 Jan 2020 08:13:26 +0000

„Хет-трикот“ на Кристијано Роналдо против Каљари беше прв за Португалецот во Серија „А“. Со него, петкратниот освојувач на „Златната топка“ стана само вториот играч кој постигнал три гола на еден натпревар во Премиер лигата, Ла Лига и Серија „А“. Првиот што забележа вакво достигнување е Алексис Санчез. Напаѓачот, кој во моментов е ангажиран во Интер, но се уште лекува овреда, има три гола во еден натпревар против екипите на Удинезе, Барселона и Арсенал. Кристијано Роналдо има по еден „хет-трик“ во Премиер лигата и Серија „А“ и 34 во Примера. Сепак, Португалецот е се уште на второто место во пласманот во италијанскиот шампионат оваа сезона. Тој има 14 голови колку и Ромелу Лукаку. Лидер е гол-машината на Лацио, Чиро Имобиле, која досега има 19 голови.