хибриден режим – Kurir.mk

Митева: Извештајот на „Фридом Хаус“ потврдува, Македонија со СДСМ е заглавена во категоријата – хибриден режим

Ивона Петрова — Thu, 21 Apr 2022 10:06:42 +0000

Во Извештајот на невладината организација „Фридом Хаус“ со наслов „Земји во транзиција - од слабеење на демократијата до авторитарна агресија“, Македонија е дефинирана како хибриден режим. Македонија бележи континуиран демократски пад со власта предводена од СДСМ, истакна на денешната прес-конференција Марија Митева, портпарол на ВМРО-ДПМНЕ. Посочува дека во извештајот институциите се оценети како дисфункционални, дека не се во состојба да испорачаат компоненти на демократија, а особено во делот на проверки и баланс, владеење на правото и силна заштита на правата и слободите на сите граѓаните. -Дополнително, „Фридом Хаус“ потенцира дека како држава сме заглавени во категоријата - хибриден режим. Оценката за демократија е непроменета во однос на претходната година - 3,82, или 47%. Македонија бележи постојан пад, а вкупната оценка се намали од 3,93 во 2015-тата на 3,75. По области, Македонија има најниска оценка за корупција што е уште еден показател за високата корупција која владее во државата наспроти владеењето на правото и демократијата. Македонија е повторно во групата со највисока перцепција за корупција во Европа, вели Митева. Нагласува дека хибридниот режим на СДСМ ја држи Македонија во групата на најкорумпирани држави во Европа. -За оваа состојба во која се наоѓа Македонија, за хибридниот режим кој ја уништи правдата преку инсталирање корупција во секоја сфера од општеството одговорноста лежи во СДСМ. На овој Извештај му соодвествуваат фактите дека Македонија е заробена држава, затоа да потсетиме на пасошите за светските криминалци, да потсетиме дека МВР нема ниту една акција за сузбивање на криминалот, да потсетиме дека системот функционира врз принципот на мито и корупција и дека правдата е селективна, а не еднаква за сите граѓани. Оваа влада на СДСМ го развива криминалот наместо да се бори против него веќе години наназад. Но нашата борба против корупцијата мора да се забрза, владеењето на правото мора да се почитува ако сакаме да запреме со уништувањето на демократијата, посочи портпаролот на ВМРО-ДПМНЕ.

Фридом Хаус објави извештај за „нациите во транзиција“: Македонија останува хибриден режим!

Тале Кристо — Wed, 20 Apr 2022 09:46:34 +0000

Невладината организација Фридом Хаус објави извештај за состојбата со демократијата во 29 земји во транзиција насловен „Земји во транзиција – од слабеење на демократијата до авторитарна агресија“. -Оваа година, за првпат во 21. век, форма на управување што преовладува во регионот на нации во транзиција е хибриден режим. Четири демократии паднаа во оваа сива зона откако непрекинатиот период на демократски пад започна во 2004 година: Унгарија, Црна Гора, Македонија и Србија. Во истиот период три авторитарни режими направија демократски чекори и се приклучија во редот на хибридни режими: Молдавија, Косово и сега Ерменија, се вели во извештајот, пренесува Гласот на Америка. Според Фридом Хаус, овие режими можат да бидат демократски во минимална смисла, односно да имаат редовни, конкурентни избори, но нивните нефункционални институции „не се во состојба да ги испорачаат дефинитивните компоненти на либералната демократија: проверка и баланс, владеење на правото и цврста заштита на правата и слободите на сите“. Како што јави Гласот на Америка, на скалата од еден до седум, каде еден е најниско ниво на демократски прогрес, а седум највисоко, Република Македонија е рангирана со оценка од 3,5 за демократско владеење, 4,25 за изборен процес, 5,25 за граѓанско општество, 3, 25 за независни медиуми, 3,25 за независно судство, додека 3,00 за корупција. Генералната оценка за демократски прогрес изнесува 3,82 или 47 проценти. Според „Фридом хаус“, тековната криза обезбедува можност да се направи ревизија на процесот на пристапување во ЕУ, и оти „Блокот треба конечно да ги започне пристапните преговори со Албанија и Македонија, притискајќи ја Бугарија да се откаже од приговорите“. -Дефинитивно, ниту еден хибриден режим во регионот не успеа да ѝ пркоси на гравитацијата на сивата зона од 2002. Во овој период, Албанија, Македонија и Србија флертуваа со либералната демократија, додека Ерменија и Молдавија издржаа авторитарни епизоди, но сите се вратија на хибриден режим до 2021 година, оценува извештајот. Моментално, вкупно 11 држави се категоризирани како хибридни режими во „Нации во транзиција“.

Нов ранг на „Економист“: Македонија од земји со хибриден режим премина на листата демократии со недостатоци

Ристе Здравков — Thu, 10 Feb 2022 16:18:00 +0000

Македонија повеќе не е држава со хибриден режим. Извештајот за индексот на демократија во 2021, земјава ја рангираше на 73-то место, што ја вбројува во држави кои имаат демократија со недостатоци. Во споредба со минатогодишниот извештај, направен е скок за пет места што земјава ја извади од групата земји оценети како хибриден режим, главно поради функционалноста на владеењето и маргиналното подобрување во довербата кон политичките партии. „Кај Северна Македонија, која исто така премина во категоријата на „демократии со недостатоци“, е забележано скромно подобрување во функционирањето на Владата. Во октомври 2021 година, земјата одржа конкурентни општински избори. Како одговор на поразот на неговата партија на изборите, премиерот и лидерот од владејачката партија Зоран Заев порача дека ќе ја преземе одговорноста и ќе се повлече од двете негови позиции“ се наведува во извештајот. Заедно со Црна Гора и Молдавија, во извештајот, Македонија е сместена во делот, „Добри вести од Источна Европа“. Статусот, демократија со недостатоци е само една категорија зад земјите кои се оценети со полна демократија во кои припаѓаат скандинавските држави. Со извештајот се детектира дека лани во светот за сметка на демократијата, зајакнале авторитарните режими.

Мицкоски: Никогаш сум ја немал дилемата дали да се порази хибридниот режим на СДСМ, ќе се бориме да ги смениме работите

Магдалена Андонова — Wed, 17 Nov 2021 18:39:28 +0000

Во вечерашното гостување во Телевизија Телма, претседателот на ВМРО-ДПМНЕ, Христијан Мицкоски, истакна дека немал никогаш дилема дали да се порази хибридниот режим на СДСМ, а рече дека и понатаму ќе се бори да се променат работите. - Никогаш сум ја немал дилемата дали да се порази хибридниот режим кој го водат СДСМ и ДУИ, и тука не сум имал дилема изминативе четири години, како претседател на ВМРО-ДПМНЕ и во тоа мое функционирање и дејствување народот е тој којшто ме мотивирал да издржам во сето она коешто сум го работел и ќе продолжам да работам, вели Мицкоски. Мицкоски вели дали вреди човек да се занимава со политика доколку ова што се случува стане пракса, а затоа треба да се бориме да ова што се случува со овој хибриден режим на СДСМ и ДУИ повеќе да се не случува, посочи Мицкоски. Тој вели дека она коешто се случуваше во четвртокот е сериозен пораз за институцијата пратеник туку и сериозен удар за угледот на македонското Собрание.

Хибридниот режим се циментира, Заев ги заштити криминалците како бели мечки, додека политичкиот прогон продолжува со нови монтирања

Тале Кристо — Wed, 17 Feb 2021 07:52:35 +0000

Хибридниот режим наместо да се размонтира, Заев го циментира. Петта година како е власт во државата нема крупен криминалец кој е во затвор. Додека прогонот Заев го гледа како сламка за спас или купување на време. Наместо фрлен на работа Заев со неговиот тим е фрлен на креирање нови кривични пријави за непостоечки кривични дела. Дознаваме дека државните институции како Финансова полиција, МВР и Обвинителство наместо да гонат криминал се насочени кон монтирање на процеси против политички неистомисленици на Заев и оцрнување на членови на опозицијата. Најновиот случај кој се говори меѓу кулоарите најверојатно ќе излезе деновиве. Кога државата е по дното на инвестиции, кога треба да се покријат 3000 жртви од корона, или кога треба да се создаде димна завеса од криминогените тендери тогаш тактиката на Заев е удри по Христијан Мицкоски, спомени го Никола Груевски и креирај случај против Миле Јанакиески. Предметот кој се креира и филува е за земјиште продадено на јавно наддавање во 2009 година. Го купила фирма зад која институциите на Заев утврдиле дека наводно се криел Груевски. Извадиле одобрение за градење во 2011 година. Требало да се изгради објект по договорот до 2013 година, но не е изграден. Според Финансова полиција, Јанакиевски и Димитар Димовски требале да го раскинат договорот, а договорот не е раскинат бидејќи во 2012 година е сменет законот и за сите тие договори се утврдува рок за изградба од 10 години по добиено одобрение за градење, за што е склучен анекс на договорот во 2015 и му даден рок до 2021 година да се изгради објектот. Договорот не е раскинат ниту ден денес кога петта година на власт е СДСМ и Заев. Од ВМРО-ДПМНЕ велат дека се поголемиот притисок врз голем број членови на партијата со монтирани обвиненија, нема да го запре паѓањето на Заев и нема да ги сокрие неговата неспособност и криминалии, туку напротив, ја зголемува желбата кај луѓето што поскоро да се стави крај на оваа банда. -Заев нека си погледне во сопствениот двор кога станува збор за корупција и криминал. Нека го провери родениот брат, директорот на финансова полиција, министерот за внатрешни, сегашни и поранешни директори кои воделе државни институции во последните 4 години, но и неговите бизнис партнери. На крај, нека се провери и себе, бидејќи тој е изворот на криминалот и корупцијата. Дали Заев мисли дека со монтирани процеси против луѓе од ВМРО ДПМНЕ ќе ја подобри перцепцијата за корупција? Ја повикуваме и меѓународната јавност будно да го следи работењето на институциите кои наместо да носат правда и да се борат против криминалот и корупцијата, они се посветени на вршење притисоци и тортура врз недолжни луѓе опонентите на Заев, велат од ВМРО ДПМНЕ.

Чашуле: 111-то место според Транспаренси Интернешнл, според „Економист“ во Македонија владее хибриден режим, и се турка на сила попис, дел од „добрите“ политики на Заев

Тале Кристо — Mon, 08 Feb 2021 09:52:50 +0000

На сила го донесоа Законот за попис, сега на сила ќе го спроведат пописот. Но изгледа и дека таму нешто не им штима. Еве, претседателто Пендаровски кој збор не кажа, додека се носеше Законот и веднаш го потпиша указот со кој стапи на сила, неделава изјави дека не било ништо страшно ако пописот се одложи за некој месец, рече Коле Чашуле во својата емисија „Седмица“. Чашуле додаде дека по изјава на Пендаровски и Заев срамежливо се согласи со него. -Па, чекајте малку, нели светските милијардери едвај чекаат да се преброиме за да ги инвестираат своите милиони тука. Ние сега ќе го одложуваме пописот, за месец - два? Немојте ви се молам. Шегата на страна, не знам дали нешто не им оди според план или едноставно видоа дека во сред епидемија пописот и не е возможен, еве како што видовме Хрватска го одложи својот, па сега и нашиве нешто се заплеткаа. Навистина, не знам. Ама затоа се согласувам со барањето на опозицијата, пописот да се одложи до 2022 година. Ако можевме да преживееме без него речиси две децении, нема да биде ништо страшно ако почекаме уште една година, истакна Чашуле. Чашуле посочи дека ако пописот се закаже за 2022 година како опозицијата што бара, тогаш нема да постои ризик за граѓаните каков што сега има поради пандемијата. -Ама, не тоа важи за нормални демократски држави, ние не сме таква. Еве, дека не сме таква ни стигна и светско признание од „Економист“ дека во Македонија владее хибриден режим, рече Чашуле. Чашуле додад дека поради СДСМ, Македонија е ставена во групата на хибридни режими и е на ниво со Боливија, Сенегал, Црна Гора, Уганда, Либан итн. Со резултатот 5.89, земјава бележи пад според индексот на демократија во последниве четири години во однос на претходните години кога резултатот бил над 6. И овој извештај стигна пред само една недела, откако претходно Македонија се најде и на разочарувачкото 111-то место на непопуларната листа на Транспаренси Интернешнл, според индексот на корупција. А, тоа е најнизок ранг што Македонија го има откако се мери коруцијата во земјава. -Значи кратко и јасно, падот во двата извештаи е регистриран, за време на владеењето на СДСМ и Заев, нагласи Чашуле.

ВМРО-ДПМНЕ: Македонија е хибриден режим, затоа што нема ниту еден случај против врвот на власта, а индиции и докази на секаде

Тале Кристо — Fri, 05 Feb 2021 07:39:35 +0000

Македонија е хибриден режим, затоа што нема ниту еден случај против лица од врвот на власта, а индиции и докази за криминал има на секаде, велат од ВМРО-ДПМНЕ. Угледниот магазин Економист повторно ја вброи Македонија во групата хибридни режими, исто како и лани, со фактот што годинава имаме и полоша оценка од минатата година. Светските агенции, медиуми и организации гледаат дека во Македонија нема правда и нема демократија. Македонија е хибриден режим, затоа што кога Бојан Јовановски во судница кажа дека парите од Рекет завршиле кај Зоран и Вице Заеви, обвинителството не отвори постапка против нив. Македонија е хибриден режим затоа што нема истрага за Дончев, кого целата јавност го виде како трпа пари во ташна. Македонија е хибриден режим затоа што нема истрага против Рашковски кој го слушнавме како бара аванта за набавка на систем за летање во М НАВ. Македонија е хибриден режим затоа што нема истрага за Заев за случајот со ШИК ЈЕЛАК, за што го слушнавме контроверзниот бизнисмен Дака, како вели дека му дал на Заев 300.000 евра мито. Македонија е хибриден режим затоа што локалните функционери се шерифи и тепаат народ, затоа што нема правда, не се почитуваат закони, ниту пак се работи чесно. Македонија ќе биде хибриден режим се додека е Заев на власт, стои во соопштението на ВМРО-ДПМНЕ.

Хибридниот режим на Заев ја заглави Македонија во корупција до гуша

Дарко Андоновски — Thu, 04 Feb 2021 12:56:49 +0000

Откако пред само неколкиу дена „Транспаренси Интернешнл“ ја смести Македонија на историски најлошото 111-то место според индексот на корупција, сега и „Економист“ објави ранг листа за индексот на демократија на која Македонија се најде на поразителното 78-место класифицирана како хибриден режим. Ваквото рангирање на земјата од страна на угледниот магазин „Економист“ и катастофалното рангирање според „Транспаренси интернешнл“ се уште една потврда за нефункционалноста на системот и уште еден одговор за тоа зошто земјата не добила датум за преговори. Тоа што паѓа во очи е дека од 2016 до 2020 бележи пад во оцената според индексот на демократија во однос на претходните години кога бодувањето било над 6, а исто од 2014 кога сме биле на 64-тата позиција наваму се бележи постојан пад и според индексот на корупција за годинава да се најдеме на 111 место. Интересно е тоа што периодот во кој се бележи пад, помалку или повеќе се поклопува со периодот во кој СДСМ е на власт и тоа е уште еден доказ дека оваа Влада предводена од Зоран Заев освен декларативно изразена политичка волја не донесе никакви резултати туку само уназадување на секое поле. За ова на Фејсбук реагираше и претседателот на ВМРО-ДПМНЕ, Христијан Мицкоски кој дијагнозата на ваквата состојба ја нарече мафија. „Ако според Транспаренси Интерационал сме една од најкорумпираните држави во Европа во групата со Танзанија, Буркина Фасо, Колумбија, Гамбија, според Индексот за демократија сме хибриден режим заедно со Ел Салвадор, Украина, Бангладеш. Дијагнозата е мафија, одговорот мора да е народот! Ќе победиме, затоа што друг избор нема Македонија!“, напиша меѓу другото Мицкоски.

Мицкоски: Македонија со владата на Заев и официјално е “хибриден режим” кој е “најкорумпиран” во Европа

Тале Кристо — Wed, 03 Feb 2021 09:06:58 +0000

Заев ветуваше иднина во Европа, а не може земјава да мрдне од Африка. Ветуваше живот, a стана рекордер по мизерија. Ветуваа правда, останавме заковани во хибриден режим, реагира лидерот на ВМРО-ДПМНЕ Христијан Мицкоски, откако британски „Економист“ според индексот на демократија Македонија ја рангираше на високото 78 место како хибриден режим. Македонија со Владата на Заев и официјално е "хибриден режим" кој е "најкорумпиран" во Европа. Според Индексот на демократија, во 2020 година е на 78. место или не сме напреднале споредено со минатата година на ранг листата што ја прави „Економист“, повторно прогласувајќи ја земјава за хибриден режим. Ако според Транспаренси Интерационал сме една од најкорумпираните држави во Европа во групата со Танзанија, Буркина Фасо, Колумбија, Гамбија, според Индексот за демократија сме хибриден режим заедно со Ел Салвадор, Украина, Бангладеш. Дијагнозата е мафија, одговорот мора да е народот! Ќе победиме, затоа што друг избор нема Македонија!, пишува на својата Фејсбук страница Мицкоски.

„Економист“: Македонија е хибриден режим според индексот на демократија, земјава рангирана на 78 место

Ивона Петрова — Wed, 03 Feb 2021 07:42:31 +0000

Македонија се најде на 78-мото место и во групата на хибриден режим во најновиот извештај на угледниот „Економист“ за индексот на демократија во светот за 2020 година. Земјава е во група со Боливија, Сенегал, Црна Гора, Танзанија, Молдавија, Уганда, Бутан, Либан, Нигерија... Според податоците од „Економист“ од 2016 година до 2020 Македонија бележи пад во оцената според индексот на демократија во однос на претходните години кога бодувањето било над 6. Ова е втора поразителна ранг листа која земјава за добива за кратко време. Пред само неколку дена „Транспаренси Интернешнл“ ја смести Македонија на 111 место според индексот на корупција. На оваа ранг листа земјава е во друштво на Монголија, Панама и БиХ. Ова е најлошиот резултат за Македонија откако се мери корупцијата во земјава.