хиџаб – Kurir.mk

Зајакнати контроли- ги казнуваат жените кои не носат хиџаб

Катерина Бојаџиева — Sun, 16 Jul 2023 15:27:06 +0000

Иранската полиција денеска соопшти дека ги обновила патролите за казнување на жените кои не носат хиџаб на јавно место, а оваа зголемена контрола доаѓа десет месеци по смртта на Махса Амини, која беше уапсена поради непочитување на строгиот кодекс на облекување. „Од денеска полицијата заедно со автомобилски и пешачки патроли ќе ги опоменува и казнува лицата кои, за жал, не ги почитуваат наредбите и не го почитуваат кодексот на облекување“, се вели во полициското соопштение. Смртта на Махса Амини на 16 септември 2022 година предизвика големо протестно движење со собири во неколку градови во октомври и ноември. Неколку стотици луѓе, вклучително и припадници на безбедносните сили, беа убиени, а илјадници беа уапсени. Седум мажи беа погубени поради учество во тоа движење. Поради оваа причина, моралната полиција задолжена за контрола на почитувањето на правилата за облекување на жените не беше присутна на улиците неколку месеци. Во периодот на демонстрации, жените почнаа да излегуваат на улица без превез. Иранските власти презедоа голем број иницијативи од почетокот на годината, од затворање бизниси, особено ресторани, до инсталирање камери на улиците за да се пронајдат оние кои се спротивставуваат на забраната.

Францускиот врховен суд ја потврди забраната на носење хиџаб на натпревари

Ристе Здравков — Fri, 30 Jun 2023 10:49:04 +0000

Врховниот административен суд на Франција денеска потврди дека Француската фудбалска федерација (ФФФ) има право да забрани носење хиџаб на натпревари, и покрај тоа што мерката го ограничува правото на слободно изразување. Фудбалската кампања „Les Hijabeuses“, на фудбалерки што носат хиџаб, поведоа јавна кампања против мерката на Федерацијата, но судот го потврди правото за секуларизам во Франција, кое е воведено во далечната 1905 година. ФФФ забранува носење на религозни симболи на официјални натпревари и на натпреварувања кои тие ги организираат, додека ФИФА дозволува фудбалерките да носат хиџаб. „Со ова се потврдуваат републиканските и граѓанските вредности на фудбалот, со целосна посветеност на борба против дискриминацијата“, велат од ФФФ. Федерацијата доби поддршка и од министерот за внатрешни работи на Франција, Жералд Дарманан. „Не носите религиозна облека кога спортувате. Кога играте фудбал, нема потреба да ја знаете религијата на човекот пред вас“, изјави Дарманан.

Новозеландската полиција го вклучи хиџабот во службената униформа

Тале Кристо — Wed, 18 Nov 2020 10:38:49 +0000

Полицијата во Нов Зеланд го вклучи хиџабот во официјалната полициска униформа за да ги охрабри муслиманските жени да се приклучат. Полицајката Констабл Зена Али прва ќе носи хиџаб како дел од нејзината официјална полициска униформа, пишува Би-Би-Си. Портпарол на полицијата рече дека целта е да се создаде „инклузивна служба“ „која ќе биде огледало на разновидната заедница во земјата“.