Одложена затворската казна за грчката хигиеничарка која фалсификуваше свидетелство

Дарко Андоновски — Wed, 28 Nov 2018 09:03:01 +0000

Апелацискиот суд во грчкиот град Лариса денеска донесе одлука за одлагање на пресудата за издржување на 10-годишната затворска казна на хигиеничарка, осудена за фалсификување сведителство за завршено основно образование. Како што јави дописничката на МИА од Атина, таа ќе биде пушптена на слобода поради здравствени причини, сѐ додека случајот не го разгледа Врховниот суд на Грција. Случајот за 53-годишната хигиеничарката, која што беше осудена на 10-годишна затворска казна бидејќи 20 години работела како хигиеничарка со фалсификувана диплома за завршено основно образование, во изминатиот период предизвика бура реакции во Грција, како од медиумите, така и од политичките партии. Жената, која го немала завршено последното одделение од основното училиште, во 1996 година за да конкурира за вработување како хигиеничарка, свидетелството за петто одделение го фалсификувала и го направила како да е за шесто, за да ги исполни условите за вработување. Во Грција основното училиште треа шест години. Како што минатата седмица објави МИА, обвинителката од грчкиот Врховен суд, Ксени Димитриу, побарала да ѝ се испрати одлуката на Судот во Волос за да ја разгледа можноста за поднесување жалба, а побарала и примерок од судскиот предмет за да утврди дали има потреба од дисциплинска контрола на судиите кои ја донеле пресудата.

Хигиеничар на аеродром пронајде нешто премногу вредно: Прочитајте што најде и зошто нема ништо да добие

Ивана Ефремовски — Thu, 03 May 2018 17:08:38 +0000

Хигиеничар вработен на меѓународниот аеродром „Инчон“ во Јужна Кореја во канта за ѓубре пронашол вистинско богатство, но наверојатно нема да добие ништо. Тој пронашол седум златни прачки вредни 330.000 долари додека празнел една канта за ѓубре. Прачките биле завиткани во весник и секоја била тешка по еден килограм, а полицијата се сомнева дека некој ги фрлил во страв да не биде фатен. Но, засега не постојат докази дека златото е поврзано со криминални актовности. Во почетокот се мислело дека чесниот пронаоѓач ќе добие дел од вредноста на она што го открил, но управата на аеродромот соопшти дека хигиеничарот не може да добие награда бидејќи златото го пронашол додека бил на смена, а во описот на неговото работно место стои и пронаоѓање на изгубени работи. Јужна Кореја има специфичен закон со кој се регулираат односите кога станува збор за пронајдени работи чија сопственост не е позната. Според овој закон доколку сопственикот не се појави во период од шест месеци, пронаоѓачот ја презема сопственоста. Меѓутоа, ова не се однесува на вработени кои пронашле работи во рамките на компанијата во која работат. Иронично пронаоѓачот да не бил вработен на аеродромот можел да добие меѓу пет и 20 отсто од вредноста на пронајденото злато, односно максимална сума од 65.000 долари. (МИА)

хигиеничар – Kurir.mk

Одложена затворската казна за грчката хигиеничарка која фалсификуваше свидетелство

Хигиеничар на аеродром пронајде нешто премногу вредно: Прочитајте што најде и зошто нема ништо да добие