„Не беше лесно, но вредеше“: Хилари Свонк на 48 години роди близнаци

Катерина Бојаџиева — Mon, 10 Apr 2023 10:34:54 +0000

Познатата двојна „оскаровка“ Хилари Свонк роди близнаци на 48 години. Се работи за девојче и момче. Таа ја објави веста денеска на својот Инстаграм-профил. Пресреќната американска глумица во објавата напиша - „не беше лесно, но вредеше“, покрај фотографија на која ги држи своите малечки со грб кон камерата и гледа кон океанот. „Среќен Велигден! Вака е во чистиот рај“, додаде таа. Хилари не ги соопшти имињата на своите деца и не даде повеќе подробности. Опсипана со честитки, објавата во првиот час им се допаднала на околу 100.000 луѓе.

Познатата актерка проговори за близначката бременоста во 49-та година

Ивона Петрова — Fri, 28 Oct 2022 08:18:48 +0000

Американската глумица Хилари Свонк е првпат бремена во својата 49. година од животот, и тоа со близнаци. Во интервју за „Екстра“, таа говори за тоа како оди бременоста. Познатата оскаровка од „Момчињата не плачат“ и „Девојка од милион долари“, овој месец откри дека таа и сопругот Филип Шнајдер чекаат близнаци. Таа вели дека некое време имала „напади на утринска мачнина“, но се чувствува добро. – Пријателите ми рекоа дека кога чекаш близнаци, тоа двојно ги зголемува хормоните… Ја зголемува мачнината, сѐ се удвојува, изјави актерката. Хилари додаде дека ја одложувала бременоста поради кариерата и поради тоа што, до Филип, не ја запознала вистинската личност со која би ги воспитувала децата. Глумицата открива и дека близнаците треба да се родат на роденденот на нејзиниот татко.

Хилари Свонк – Kurir.mk

„Не беше лесно, но вредеше“: Хилари Свонк на 48 години роди близнаци

Познатата актерка проговори за близначката бременоста во 49-та година