химна – Kurir.mk

Касами: Ако во училиштата се пее македонската химна, ќе мора да се пее и албанската!

Ивана Ефремовски — Fri, 27 Oct 2023 08:28:50 +0000

Градоначалникот на општина Тетово, Билал Касами истакна дека, ако се пее македонската химна во училиштата, мора да се почитува албанското мнозинство и да се пее и албанската химна, објави ТВ 21. -Тоа е политичко прашање. Како градоначалник можам да кажам дека ќе ги почитуваме законите и Уставот, но во исто време мора да ја почитуваме и различноста. Во овој случај, ако се донесе законска одлука за интонирање на државната химна, сигурно дека ќе мора да се почитува и мнозинството граѓани, кои се од албанска етничка припадност, ќе мора да се пее и албанската химна, рече Касами. Во некои скопски општини, за почеток во Аеродром, а потоа во Гази Баба и други, секој прв понеделник во месецот, наставата започнува со интонирање на државната химна на Македонија.

Наставата во Гази Баба ќе започнува со химната на Република Македонија

Ивана Ефремовски — Thu, 19 Oct 2023 13:51:57 +0000

Секој понеделник наставата во училиштата на територија на општина Гази Баба ќе започнува со интонирање на химната на Република Македонија. „Нашата цел е да создадеме навика кај децата да од најмали нозе имаат почит и љубов кон својата татковина. Химната и знамето на нашата Македонија се нераскинлив дел од нашиот повеќевековен идентитет и тие ја заслужуваат нашата должна почит. На денешната редовна седница, Советот на општина Гази Баба ја донесе оваа Одлука која е задолжителна за сите општински основни училишта на нашата територија“ - истакна градоначалникот Бобан Стефковски.

Скандал на церемонијата за 11 Октомври: Партиска химна на државната прослава (ВИДЕО)

Дарко Андоновски — Wed, 11 Oct 2023 15:33:40 +0000

По низата соаднали на церемонии организирани од владата на СДСМ и ДУИ денеска се случи уште еден огромен скандал за време на настанот во чест на 11 Октомври кога на церемонијата беше пуштена партиска химна на државна прослава. Песната во инструментална форма која се слуша пред да почнат говорите на прославата е партиската химна на СДСМ што во никој случај не смеело да биде пуштена на државна прослава. Скандалот го открива новинарот Богдан Илиевски алијас Бетмен Велит кој прашува дали е според протоколот на државна свеченост да се пушта партиска химна. Одговорот на прашањето на Бетмен Велит го знаеме сите. Линк до целата церемонија на Сител каде исто така може да се забележи скандалот

ВИДЕО: Моменти за паметење – Полните трибини во еден глас со Ѓоргиев и соиграчите ја отпеаја македонската химна на крај!

Ристе Здравков — Sat, 02 Sep 2023 20:10:14 +0000

Вистински моменти за паметење во спортскиот центар „Борис Трајковски“ во Скопје. Македонија славеше убедливо со 3-0 против Црна Гора во вториот натпревар на Европското првенство 2023 со што е веќе во голема мера со место во осминафиналето на ЕП, за првпат во својата историја. Сето тоа донесе силни емоции меѓу македонските репрезентативци кои не можеа да ја скротат радоста. Капитенот Никола Ѓоргиев, на крај, ја повика публиката на трибините во „Борис Трајковски“ во еден глас заедно да ја отпеат македонската химна како начин за уште едно одбележување на еден од најзначајните моменти во историјата на македонската одбојка…

Пред 31 година беа усвоени знамето и химната на Македонија

Ивона Петрова — Fri, 11 Aug 2023 05:40:25 +0000

На 11 август во 1992 година во Собранието на Република Македонија биле усвоени знамето црвено со златно-жолто сонце, со осум основни и осум споредни сончеви зраци кое беше во сила до 5 октомври 1995 година, кога е сменето во црвено со златно-жолто сонце, со осум сончеви зраци. На денешен ден во законодавниот дом била усвоена и химната „Денес над Македонија“ на Република Македонија. Автор на текстот на македонската химна е Владо Малески, а музиката е на Тодор Скаловски. Песната е напишана во 1941 година. По завршувањето на Втората светска војна е усвоена како химна на Социјалистичка Република Македонија во рамките на поранешна Југославија, а во 1992 година со закон е прогласена и за химна на независна Република Македонија.

Нов гаф на Бајден: Ја стави раката на срце при интонирање на индиската химна, видеото хит на социјалните мрежи

Ивона Петрова — Fri, 23 Jun 2023 16:53:17 +0000

Американскиот претседател Џо Бајден вчера го пречека индискиот премиер на црвениот тепих пред Белата куќа, сето тоа во обид да ги подобри односите меѓу Индија и САД со одбранбени и трговски договори во време на се понаметливата Кина. Сепак, ништо немаше да биде необично доколку американскиот претседател не направеше гаф, а видеото брзо се прошири на социјалните мрежи и стана хит. Имено, Бајден ја крена раката и ја стави на срцето на првите звуци од интонирањето на индиската национална химна. Набрзо сфати дека тоа не е американската, па полека почнал да ја спушта раката по телото.

Biden, alongside Indian Prime Minister Narendra Modi, slowly lowers his hand from his heart after realizing they're playing the Indian national anthem first pic.twitter.com/hcb0cpjFmN
— RNC Research (@RNCResearch) June 22, 2023

Во еден момент Бајден му се обратил на Моди со „претседател“, а потоа брзо се поправи и му се обрати со „премиер“.

Италијанската пејачка ги разбесни Англичаните со изведбата на нивната химна, навивачите ја исвиркале

Ристе Здравков — Fri, 24 Mar 2023 18:14:49 +0000

Англиските навивачи останале непријатно изненадени од изведбата на химната во пресрет на почетокот на натпреварот од квалификациите за Евро 2024 година. Натпреварот се играл на стадионот Диего Марадона во Неапол, а веднаш на првите тактови на англиската химна „God Save The King“, навивачите започнале да ја исвиркуваат пејачката. Пејачката Елинора, која ја изведувала химната, имала одредени технички потешкотии, ги погрешила зборовите на химната, споменувајќи ја кралицата наместо кралот, а ако на тоа се додаде и вревата која доаѓала од трибините, нејзината изведба на крајот испаднала катастрофа.

Wow. Got to be the worst national anthem performance I’ve ever watched 😭 #ITAENG pic.twitter.com/LYiev3KcGl
— Kyle Gacheru (@KyleGacheru) March 23, 2023

Бурни реакции од Англичаните Англиските фудбалери во неверување се погледнувале, а многу брзо започнале да се нижат и коментари на социјалните мрежи кои биле исклучително остри. „Ова е најлоша изведба на химната во историјата“, „Ја искасапи англиската химна“, „Другпат доверете му ја работата на некој кој ги знае зборовите“, гласат дел од коментарите, а се јавил и поранешниот фудбалер Џејми О'Хара. „Националната химна беше хаос“, напишал O'Хара на Твитер.

Wow national anthem was a shambles #England
— Jamie Ohara (@Mrjamieohara1) March 23, 2023

Која е Елинора? За нештата да бидат поинтересни, по изведбата се огласила и самата Елинора со прилично необична порака. „Се надевам уживавте во мојот подарок за вас“, напишала пејачката на фотографијата на која позира со два подигнати прста, што во Англија не претставува знак за мир или победа, туку се смета за непристоен потег. Поради тоа, таа завршила на речиси сите англиски портали, кои го протолкуваа нејзиниот гест како дополнителна провокација. Инаку станува збор за релативно популарна италијанска пејачка и диџејка која, интересно, објавува песни на англиски јазик. Елинора е родена во Рим, но се преселила во Њујорк каде студирала и танцувала во „Broadway Dance Centre“. Претходно оваа година таа беше финалистка на натпреварувањето за Евровизија, претставувајќи го Сан Марино, но не се квалификуваше.

Позната е официјалната химна на Светското првенство 2023 година (ВИДЕО)

Бошко Тасиќ — Wed, 30 Nov 2022 05:53:05 +0000

Машката ракометна репрезентација е единствениот национален тим кој секоја година учествува на големите натпреварувања. Кирил Лазаров и неговите избраници во јануари 2023 година ќе бидат дел од Светското првенство кое ќе се одржи во Полска и Шведска. Нашата репрезентација ќе игра во Краков, а место за следната рунда ќе бара против Норвешка, Аргентина и Холандија. Мундијот стартува официјално на 12 јануари и ќе трае до 29 јануари. Македонија првиот меч го игра на 13. јануари против Холандија. Домаќините на Светското првенство ја објавија официјалната химна, истата ја изведува Алисја, девојка која победи на „Гласот на Полска“ во 2019. Песната се вика „Stick together“

Невидени сцени досега на еден Мундијал: Иранците си ја бојкотираа химната, протестирајќи против режимот (ВИДЕО)

Ристе Здравков — Mon, 21 Nov 2022 13:52:54 +0000

Фудбалерите на Иран допатуваа неволно на Светското првенство во Катар каде денеска со дуелот против Англија го започнаа Мундијалот. Поголемиот дел од нив жестоко протестираа против полициското насилство над жените во нивната земја. А, се започна од бруталното убиство на 22-годишната Махсе Амини која со живот плати поради неправилно носење на хиџаб. Следеа тогаш жестоки протести на улиците во Иран, а уапсени и претепани беа голем број лица. Шеријатската полиција не бираше кого ќе претепа и затвори. Токму поради сето тоа, фудбалерите и навивачите на Иран одлучија да ја бојкотираат сопствената химна протестирајќи против режимот во својата земја пред денешниот почеток на мечот со Англија.

Und kein einziger des iranischen Nationalteams hat gerade gesungen. Ein Statement, stumm, aber klar für die Revolution auf den Straßen im #Iran. #WM2022 #IranRevolution2022 pic.twitter.com/Pq7qdpsRLe
— Natalie Amiri (@NatalieAmiri) November 21, 2022

ВИДЕО: „Солзи на гордост“, македонските ракометарки со солзи во очите и во еден глас ја пеат химната

Ивона Петрова — Sat, 05 Nov 2022 17:32:45 +0000

Македонската женска ракометна репрезентација го игра првиот натпревар од групната фаза на Европското првенство кое се одржува и во Скопје. Пред почетокот на натпреварот против Франција, при интонирање на македонската химна, ракометарките пееја во еден глас со солзи во очите. Моментот беше забележан и од ЕХФ, па снимката се најде и на нивните профили на социјалните мрежи.

𝙏𝙚𝙖𝙧𝙨 𝙤𝙛 𝙥𝙧𝙞𝙙𝙚 🇲🇰 #ehfeuro2022 | #playwithheart pic.twitter.com/svTXLWpDEr
— EHF EURO (@EHFEURO) November 5, 2022