Хиос – Kurir.mk

На грчкиот остров Хиос пристигнале 23 турски државјани кои наводно бараат политички азил

Магдалена Андонова — Fri, 07 Aug 2020 09:44:02 +0000

Со чамец, од турското крајбрежје на грчкиот остров Хиос вчера пристигнале 23 Турци, меѓу кои и деца и побарале политички азил во Грција, објави онлајн изданието на весникот „Политис“ од островот, јави дописничката на МИА од Атина. Според истите информации, турските државјани рекле дека ги гони влада на Ердоган, додека пак крајбрежната служба од Хиос уапсила две лица кои веројатно се криумчари и управувале со чамецот. (МИА)

На грчкиот остров Хиос подготвени за вечерашната „војна со ракети“

Матеја Петровски — Sat, 07 Apr 2018 12:14:41 +0000

На грчкиот остров Хиос и оваа година, Христовото воскресение ќе биде одбележано со традиционалната „војна со ракети“. Станува збор за еден од најкарактеристичните и најневообичаените велигденски обичаи во Грција. Во селото Вронтадос, два табори, од две различни цркви, на оддалеченост од 400 метри, со рачно изработени ракети од пиротехнички материјал меѓусебно „војуваат“ кој повеќепати ќе го погоди црковното ѕвоно на црквата од противничкиот „тим“. „Војната“ се води меѓу двете цркви Агиос Маркос и Панагија Еритианис. Околните куќи уште од вчера се заштитени од евентуални штети, а оваа година, планирано е да се испукаат 10 илјади ракети, број што е помал во споредба со претходните години. Учесниците во „војната“ со месеци се подготвуваат за денешниот ден кога небото над селото ќе биде целосно осветлено од огнометот. Рачно изработените ракети се поставуваат на дрвени основи, а со свиреж се означува почетокот на„војната“. По час и половина следува пауза, а штом од црквите и верниците се чуе „Христос Воскресе“, ракетите повторно се упатуваат кон противничкиот табор. Како што јави дописничката на МИА од Атина, пред 2 години, за прв пат по Втората светска војна не се одржа „натпреварот“ поради реакциите на граѓаните од островот кога виделе дека бројот на ракетите бил над 100 000. Сепак многумина ја сметаат „војната со ракети“ нераскинлив дел од традицијата на островот.

Земјотрес регистриран на грчките острови Лезбос и Хиос

Ивона Петрова — Mon, 25 Dec 2017 15:09:40 +0000

Земјотрес со интензитет од 4,7 степени според Рихтеровата скала денеска е регистриран на грчките острови Лезбос и Хиос, соопшти Геодинамичкиот институт во Атина. Епицентарот на земјотресот бил во заливот во близина на турскиот град Измир. На погодените земјотреси не е е регистрирана материјална штета.