Турција успешно ја тестираше својата прва хиперсонична ракета

Ивона Петрова — Sun, 18 Dec 2022 14:51:25 +0000

Турско беспилотно летало „Бајрактар Аканџи“ ја тестираше првата хиперсонична турска ракета воздух-земја, објави „Хуриет дејли њуз“, посочувајќи дека тестирањето било успешно. Ракетата ТРГ-230 ја разви компанијата Рокетсан со седиште во Анкара и успешно ја погоди целта на оддалеченост од 100 километри од местото на лансирање. – Бајрактар Аканџи успешно ја погоди целта со TRG-230-iHA, првата турска хиперсонична ракета развиена од Рокетсан, од далечина од 100 километри, изјави шефот на производителот на дронови Бајкар Селџук Бајрактар. Дронот полетал од градот Чорлу во Источна Тракија и поминал растојание од околу 700 километри до предградието на црноморскиот град Синоп. Според производителот, проектилот има ефективен дострел од 20-150 километри. Неделава првиот лет го изврши и турскиот суперсоничен беспилотен ловец „Бајрактар Кизилелма“.

Северна Кореја истрела нова ракета, една од „петте најважни“ нови оружени системи

Ивона Петрова — Wed, 29 Sep 2021 05:57:55 +0000

Официјален Пјонгјанг соопшти дека вчера успешно е тестирана нова хиперсонична ракета, наречена Хвасонг-8, објави Би-Би-Си. Севернокорејските државни медиуми објавија дека новата ракета е една од „петте најважни“ нови оружени системи, утврдени во националниот петгодишен план за воен развој. Тие ја опишаа новата ракета како „стратешко оружје“, што обично значи дека има нуклеарни способности. Вчерашното лансирање е уште еден индикатор за зголемената модернизација на технологијата за оружје на Пјонгјанг, и покрај строгите санкции. Хиперсоничните ракети се многу побрзи од конвенционалните, што го отежнува нивното пресретнување со системи за противракетна одбрана.

хиперсонична ракета – Kurir.mk

Турција успешно ја тестираше својата прва хиперсонична ракета

Северна Кореја истрела нова ракета, една од „петте најважни“ нови оружени системи