хиперсонично оружје – Kurir.mk

САД извршија успешен тест на хиперсонично оружје

Ивона Петрова — Tue, 17 May 2022 05:40:02 +0000

Воздухопловните сили на САД објавија дека извршиле успешен тест на хиперсонично оружје, кое лета петпати побрзо од брзината на звукот. Тестот е извршен во саботата, во близина на брегот во близина на Јужна Калифорнија, кога бомбардер Б-52 истрелал „Оружје за брз одговор“ (ARRW). – По одвојувањето од авионот оружјето за брз одговор се покрена и траеше онолку долго колку што очекувавме, достигнувајќи хиперсонични брзини петпати поголеми од брзината на звукот, се наведува во соопштението на американската војска.

Вашингтон, Лондон и Канбера заедно ќе развиваат хиперсонично оружје

Катерина Бојаџиева — Tue, 05 Apr 2022 20:45:21 +0000

Властите во Велика Британија, САД и Австралија денеска соопштија дека заеднички ќе развијат хиперсонично оружје како дел од нивниот безбедносен пакт АУКУС, кој има за цел да се спротивстави на растечкото влијание на Кина во регионот на Пацификот. Хиперсоничните ракети, кои можат да достигнат пет пати поголема брзина од звукот, се побрзи и полесни за контрола од стандардните проектили, што го отежнува нивното пресретнување. Во октомври 2021 година, САД успешно ја тестираа таа технологија што веќе ја користат Русија или Кина. – Ние сме посветени на започнување нова трилатерална соработка во хиперсонични, контрахиперсонични и електронски средства за војување, наведуваат американскиот претседател Џозеф Бајден и британскиот и австралискиот премиер Борис Џонсон и Скот Морисон во заедничката изјава. Тие, исто така, се согласија да ја „прошират размената на информации и да ја продлабочат соработката во областа на одбранбените иновации“. Руските власти минатиот месец објавија дека употребиле хиперсонични ракети во Украина, а ова е прва позната употреба на вакво оружје во борбени услови.

Русите во Украина употребиле хиперсонично оружје

Тале Кристо — Sat, 19 Mar 2022 09:58:54 +0000

Руското Министерство за одбрана денеска соопшти дека руската армија со хиперсонично оружје уништила голем украински подземен склад за ракети и муниција за авиони во регионот Ивано-Франковск, објавоија западните медиуми. Министерството, исто така, соопшти дека се уништени украинско воено радио и извидувачки центри во близина на Одеса со помош на крајбрежен ракетен систем. – Авијацискиот ракетен комплекс „Кинџал“ со хиперсонични аеробалистички ракети уништи големо подземно складиште на проектили и авијациска муниција на украинските сили во селото Дељатин, изјави денеска портпаролот на руското Министерство за одбрана, Игор Конашенков. Западните медиуми додаваат дека не можат независно да го потврдат соопштението на Министерството за одбрана на Русија.

Пентагон: САД спроведе успешно тестирање на компоненти од програмата за хиперсонично оружје

Тале Кристо — Fri, 22 Oct 2021 07:07:03 +0000

Американската морнарица и армијата спроведоа три тестирања на прототип на компоненти од нивната програма за хиперсонично оружје, соопшти Пентагон, оквалификувајќи ги тестовите како успешни. Тестовите „демонстрираа напредни хиперсонични технологии, способности и прототипови на системи во реалистична работна средина“, соопшти американското Министерство за одбрана. Тестовите беа извршени истиот ден кога американскиот претседател Џо Бајден изрази загриженост за кинеското хиперсонично оружје. Хиперсоничното оружје лета во горната атмосфера со повеќе од петпати поголема брзина од звукот.