хирург – Kurir.mk

ЛАЖЕН ХИРУРГ СО ДЕНОВИ ЛЕКУВАЛ И ИМ НАПЛАЌАЛ НА НАСТРАДАНИТЕ – многумина ги продавале и телефоните и му давале пари, сега му следува ПЕКОЛ! (ФОТО)

Дарко Андоновски — Sun, 19 Feb 2023 19:00:36 +0000

Дваесет и деветгодишниот Неда Ергун веднаш по земјотресот во Турција отишол во погоденото подрачје и се претставил како неврохирург и измамил десетици луѓе. Имено, тој се обидувал да собере пари од луѓе за наводно да купи лекови, а бил приведен во Истанбул кога било откриено дека не е лекар, пренесува РТС. Инаку, Ергун е измамник од претходно познат на полицијата и уште пред земјотресот имал криминално досие за 40 различни измами. На вториот ден од земјотресот на сите во Хатај им се претставил како неврохирург. Некои од волонтерите дури ги продале своите телефони и му ги дале парите на Ергун. Кога се дознало дека не е лекар, бил уапсен во Истанбул. Една од неговите жртви бил и Самет Чинар, претседател на каменоломот во Истанбул, Алперен.

ФОТО: Вчера во Скопје почина познатиот хирург

Дарко Андоновски — Tue, 22 Nov 2022 10:16:22 +0000

Вчера во Скопје на 68 годишна возраст почина Д-р Aлександар Христов добитник на наградата на град Струмица за заслужни личности кој несебично во целиот свој работен век им помогна на голем број сограѓани кои ќе го паметат како вреден хирург и човек пред се. Нека почива во мир. Вечна му слава...

Почина ортопедскиот хирург доктор Тодор Ношпал

Ивона Петрова — Tue, 02 Aug 2022 19:33:16 +0000

Почина Др. Тодор Ношпал – ортопедски хирург, субспецијалист, роден 03.03.1962 г. а веста ја објави на својот фејсбук профил Др. Александар Караевски негов пријател. – Ме научи многу за ортопедијата но и животот… Човек за кого Мy Way од Синатра беше начин на живот… Ти благодарам за се и збогум учителе, збогум пријателе, збогум Тоде. Прим. Др Тодор Ношпал – Вечна ти слава, напиша тој. Доктор Ношпал беше раководител на коскена банка, раководител на Амбулантно-поликлиничкото одделение, раководител на Отсек за тотални протези на колк, колено и ревизии на тотални протези, Раководител на Одделение за алоартропластика на колено и ревизии на ендопротези.

Почина човекот кој му ја спаси кариерата на Ибра: „Ти должам се’“

Ивона Петрова — Mon, 27 Sep 2021 11:16:20 +0000

Угледниот американски хирург Фреди Фу почина по долга борба со тешка болест. Фу е роден во Хонг Конг, а целата професионална кариера ја поминал во САД, каде станал и претседател на Американската заедница на ортопеди за спортска медицина. Добитник е на бројни признанија за своите достигнувања. Од Фу преку социјалните мрежи се прости и фудбалерот Златан Ибрахимовиќ. Фу на Ибра му ја спаси кариерата во 2017 година додека шведскиот напаѓач играше за Манчестер Јунајтед. Златан на натпревар од Лига Европа доживеа незгодна повреда на коленото. Фу го оперирал успешно, а за тоа говори и фактот дека Ибра игра одлично и на 40 години. -Фреди Фи ми пружи нова шанса во кариерата. Се уште сум на врвот, а тој е заслужен за тоа. Му должам се’. Ти благодарам Фу. Почивај во мир, напиша Ибрахимовиќ на социјалните мрежи.

Почина проф. д-р Драгослав Младеновиќ – дигестивен хирург во Клиниката за хируршки болести Св. Наум Охридски

Магдалена Андонова — Thu, 07 Jan 2021 18:14:50 +0000

Денеска, во околу 17 часот почина професор доктор Драгослав Младеновиќ. Професор доктор Драгослав Младеновиќ е роден во 1956 година. Целиот свој живот го помина во Клиниката за хируршки болести Св. Наум Охридски во Скопје, како дигестивен хирург. Тој е автор на стручни трудови, учесник на конгреси и симпосиум, едукатор и ментор на специјализанти и докторанти во област на хирургијата.

Почина познат штипски хирург од коронавирус, 9-та жртва меѓу здравствените работници

Ивона Петрова — Fri, 23 Oct 2020 13:41:00 +0000

Ковид-19 зеде уште една жртва од медицинската фела во земјава, објави Асоцијацијата на специјализанти и млади лекари (АСМЛ). Денеска починал познатиот и почитуван хирург од Штип, Ѓорѓи Денков. -Денеска во 67-та година од животот почина познатиот и почитуван хирург од Штип, д-р Ѓорѓи Денков. Сочувство до семејството, колегите и пријателите. Ова е 9-та жртва од медицинската фела во ковид-19 пандемијата. Ве молиме почитувајте ги мерките за заштита и спречување на ширењето на SARS-CoV-2. Овие загубени животи не смеат да бидат залудни, напишаа од АСМЛ.

ТАГА ДО НЕБОТО: Познатиот хирург почина од корона, а за време на војната во регионот со една нога во гипс извршуваше операции (ВИДЕО)

Дарко Андоновски — Wed, 15 Apr 2020 19:19:36 +0000

Соседна Србија ја потресе веста за смртта на докторот Миодраг Лазиќ (65) поранешен директор на ургентниот центар во Ниш. Тој почина од коронавирус, а српскиот народ никогаш нема да го заборави поради една работа. Имено тој доброволно учествувал во одбрана на Србија каде ја истакнал својата храброст поради која го памети целата држава. За него дури е снимен и документарен филм насловен како „дневникот на еден воен хирург“. Филмот е снимен по книгата која ја објави самиот хирург во која опишува дека за време на војната со една нога скршена и во гипс им помага на ранетите и е на операционата маса. Инсерти од филмот можете да погледнете во продолжение:

https://t.co/ZXXp1SPaV8 pic.twitter.com/UNR6BQDz5q
— αɠ૨εรσ૨ (@SAORomanija) April 14, 2020

Жените не можат да му одолеат на пластичниот хирург Вујовиќ: „Дејли мејл“ го прогласи за најпривлечен на светот (ФОТО)

Катерина Бојаџиева — Sun, 10 Mar 2019 10:19:54 +0000

Пластичниот хирург Василије Вујовиќ (28) од Белград најпрво ја воодушеви својата домашна јавност, а набрзо потоа и британскиот „Daily Mail“, кој што го прогласи за најпривлечен доктор на светот. Оваа ласкава, неофицијална титула дошла откако Василије го добил епитетот „најубав доктор во Србија“. За „несреќа” на жените ширум светот, овој убав доктор е веќе зафатен и со својата сопруга има два сина. Но, дека неспорно предизвикува огромно внимание дури и кај своите пациентки, Вујовиќ не крие, но на таквите реакции тој тврди дека никогаш не реагира. Новинарите на „Daily Mail“ ги интересирало колку за еден млад и згоден естетски хирург како него е важен физичкиот изглед кај една жена. Василије порачал дека за припадничките на понежниот пол е најважно да не бидат агресивни, туку љубезни, интересни и духовити. Тој и истакнал нешто по што жените како таков веројатно уште повеќе ќе го обожуваат, а тоа е дека всушност убавината е во окото на надгледувачот. „Хирургот со атлетска градба”, како што го нарекуваат во „Daily Mail“, а кој што судот за неговата атрактивност го донесе пред четири месеци, е прв доктор во своето семејство, а љубовта кон медицината ја негува уште од најмали нозе. И иако пластичната хирургија најчесто се врзува за корекции на изгледот поради естетски причини, за Вујовиќ се важни и другите полиња на нејзиното делување. -Пластичната хирургија е широка област. Најважна е реконструктивната хирургија со којашто се отстрануваат одредени аномалии на телото, на пример последици од изгореници на кожата, потенцира тој.

Пациентка почина на КАРИЛ, за хирургот 200 евра казна

Катерина Бојаџиева — Fri, 01 Mar 2019 17:17:01 +0000

Двесте евра казна платил хирургот на Дигестивна хирургија кој не ја прими 61-годишната пациентка Аница С. која почина, шетајќи се од една на друга клиника, објави „Слободен печат“. -Изречена е мандатна казна, бидејќи хирургот оневозможи пружање на здравствена услуга иако утврдил дека станува збор за итен случај, рече директорката на Државниот и санитарен инспекторат Ирина Бухова. За хирургот од Дигестивна хирургија се води и дисциплинска комисија иако тој се уште работи. За овој случај е формирана комисија за стручен надзор, која ќе треба да утврди дали имало пропусти во лекувањето на пациентката. Шеесет и едногодишна жена почина на КАРИЛ пред повеќе од еден месец, од сепса која ја добила од пукнато дебело црево. Таа три дена била препраќана од клиника на клиника, иако имала силни стомачни болки. Лекарите не успеале да дијагностицираат за што точно се работи, ниту пак направиле операција.

Беше родена како девојче-сирена и лекарите мислеа дека ќе умре: Како изгледа денес малата Милагрос? (ВИДЕО)

Ивана Ефремовски — Tue, 23 Jan 2018 14:41:11 +0000

Приказната за девојчето - сирена навистина звучи како бајка. Само на Милагрос на помош и дојде хирург, а не пријател од морското дно. Малечката Милагрос Керон е родена во целосна сиромаштија во едно зафрлено село на Андите. На свет дојде со ретко нарушување, сиреномелија, односно „синдром на сирена“, поради што нозете и биле споени од петиците па се до интимното подрачје. Нејзините слики веднаш го обиколија светот и предизвикаа чудење, но и сожалување. Стапката на смртност во вакви случаи е огромна, а лекарите на Милагрос не и даваа никава шанса. -Обично бебињата во ваква состојба умираат во првите 72 часа по раѓањето, вели д-р Луис Рубион, благодарение на кој Милагрос денеска е жива и здрава и тоа со раздвоени нозе. Тоа е еден од трите случаи во светот каде пациенти живеат со овој синдром. Милагрос минала низ многу операции, дури 13 од нив како и трансплантација на бубрег во 2012 година. Сепак д-р Луис со својот тим успеа да и ги раздвои нозете. Сето тоа не би било можно ако операции финансиски не ги помогнеше државата, бидејќи семејството на Милагрос е многу сиромашно. Снимката на која таа за првпат застана на нозе, го обиколи светот како и нејзиното тргнување на училиште. Со операциите Милагрос се уште не е готова, иако денеска живее речиси како здраво дете. Единствен проблем е во тоа што е многу подложна на сите инфекции. И кога ќе наполни 18 години, со естетска хиругија ќе и се исправат колената и половите органи. Тогаш се надеваат дека Милагрос потполно ќе живее сосема нормален живот.