хит леџер – Kurir.mk

Холивудскиот заводник проговори за зависностите и откри како Хит Леџер го натерал на трезност

Ивана Ефремовски — Wed, 03 May 2023 10:03:38 +0000

Холивудскиот заводник Вес Бентли проговори за својот најлош период и губењето речиси сѐ во „виорот“ на зависноста од дрога. Сега 44-годишниот глумец, можеби најпознат по оскаровскиот филм „Американска убавина“ (American Beauty) од 1999 година, за списанието „Мен'с хелт“ (Men's Health) искрено зборува за своето минато, и како блискиот пријател Хит Леџер го натерал да се отрезни. -Завршив по патот на кокаинот и хероинот. Тешка дрога. Тешка забава. Вие сте во клубови и потоа на забави, а таму има и кокаин, па на крајот и хероин... Изгубив сè во тој „пожар“ (зависноста, б.п.). Немав автомобил, немав облека, немав пари - имав долг од 400.000 долари, се сеќава Бентли. Откако се пресели во Холивуд, тој почнал да зема и печурки и кетамин, и иако тоа сега може да биде „лесен лек“ за психичката состојба кај некои луѓе, тоа не беше за него. Психоделичните средства само го воделе кон повеќе лекови и „најдалеку“ кон дното. Пред зависноста, Бентли го сними филмот „Четири пердуви“ во 2002 година со Хит Леџер и биле блиски пријатели до прераната смрт на оскаровецот во 2008 година. Бентли, сепак, ја прескокна комеморацијата за Леџер затоа што бил издрогиран. -Се обидов да одам, но бев навистина во хаос и знаев дека тоа не е в ред... Тој човек ме сакаше. Настрана моето семејство, никогаш не сум почувствувал љубов од некој како него. И не му беше важно каков сум, или за глупавите работи што ги правам. Тој само сакаше да бидам подобро. Секогаш го сметав за брат и би сакал да можев да му вратам за сѐ тоа, вели Бентли. Бентли во солзи се присети како Леџер, кусо пред својата смрт, преку е-пошта го молел да се отрезни. -И тоа не ме прави да се чувствувам полошо. Ме прави да се чувствувам подобро. Затоа што знам дека го сакам и навистина го сакав, но што ќе преземам од тој однос е - сега треба да им покажете на луѓето дека ги сакате, секој ден. Дури и кога сте им лути, дури и кога тие грешат... Кажи им дека ги сакаш, затоа што тоа значи повеќе отколку што мислиш, за тебе и за нив. А, јас не го правев тоа доволно добро со него, заклучи Вес. По речиси едно десетлетие минато во маката на зависноста, Бентли сега е трезен и оженет, со две деца. Во мигов е актуелен со „Јелоустон“ (Yellowstone) и го глуми Џејми Датон, покрај своите колеги Кевин Костнер (политичарот Џон Датон), Кели Рајли и Лук Грајмс. Серијата на ИМДБ има оценка 8,7 / 10, од 175.000 гласови на гледачи. Последните епизоди ќе бидат објавени подоцна годинава. (МИА)

Вештачката интелигенција покажа како би изгледал Хит Леџер во улогата на Џокер – без шминка: „Ме преплаши…“ (ВИДЕО)

Ристе Здравков — Mon, 03 Apr 2023 10:36:02 +0000

Вештачката интелигенција (AI) направила видео од Хит Леџер во улогата на легендарниот Џокер без шминка, а сцените ги избезумија многу од фановите. Обожавателите видеото кое на интернет стана вирално го нарекоа „морничаво“ затоа што првпат го гледаат актерот како го глуми омилениот негативец без препознатливиот костум и шминка. „Ова е навистина cool“, „Хит е еднакво импресивен во улогата на Џокер и со шминка и без неа“, „Морам да признаам дека видеото ме преплаши“, се само дел од коментарите. Инаку, поминаа веќе 15 години откако Леџер почина од случајно предозирање на лекови. За улогата во „The Dark Knight“, второто продолжение за сагата на Бетмен каде прекрасно ја одигра улогата на Џокер, постхумно доби и Оскар. На актерот воедно тоа му беше и последната улога пред смртта.

10 години од смртта на Хит Леџер: Го скрши заминувањето на свршеницата, а на крај остави порака со еден збор

Курир — Tue, 23 Jan 2018 09:54:33 +0000

Се навршува деценија откако не напушти познатиот австралиски актер, а за неговиот живот убедливо најмногу се зборувало откако почина. Хит Леџер почина на 22 јануари 2008 година, а неговата смрт прогласена е за несреќен случај, до која дошло со погрешна комбинаија на лекови. Зад себе остави филмови по кои многумина ќе го паметат, како „Планината Броукбек“, „Казанова“ и „Мрачниот витез“, а за последните денови на неговиот живот и тоа како се зборуваше. Големата љубов на Хит, била Мишел Вилијамс, која ја запознал 2004 година, за во 2005 година да се свршат и да ја добијат ќерката Матилда. Го оставила во 2007 година, а се шушкаше дека се решила за тој чекор бидејќи не можела да се носи со неговата зависност од наркотици и алкохол, што целосно го уништило. Неколку години после трагичниот настан, откриени се дневнциите на Хит, во кој се наоѓаат цртежи, фотографии на кловнови и исечоци од стрипови, додека на крајот на сите стои „збогум“. Таткото на Леџер во една прилика рекол дека најтешко му паѓа да ги погледа тие страници, кои неговиот син ги направил пред крај на снимањето на „Мрачниот витез“, каде го глуми ликот на Џокер.