хит – Kurir.mk

Адел откри како настанал еден од нејзините најпознати хитови

Ивона Петрова — Tue, 29 Aug 2023 06:35:29 +0000

Кариерата на британската пејачка Адел ја одбележаа хитови како „Someone Like You“, „Hello“, „Rolling in the Deep“ и „Set Fire To The Rain“. Токму за последнава песна, на неодамнешниот концерт во Лас Вегас, САД, таа реши да го открие вистинското значење. Позната по нејзините емотивни текстови засновани на лични искуства, Адел реши да ѝ раскаже на публиката како настанал хитот од пред 12 години, што овојпат не е така длабоко философски. Таа откри дека „песната е за еден обид да запали цигара додека врне“, иако текстот е навидум емотивен. Таа тие денови била скарана со тогашното момче, па „излетала од дома“ на дождот, за да не ја види дека е вознемирена. Во тој миг тој рекол: „Нема да ја запалиш таа цигара на дожд“, но таа успеала, па следната песна го добила насловот „Запали оган на дождот“. Адел имаше низа настапи во Лас Вегас што завршија во март, но повторно му се врати во американскиот „Град на гревот“ летово. - Настапите во градов ме враќаат во живот... Мојот живот некогаш беше возбудлив кога бев помлада, но се чини дека колку што беше поголема мојата кариера, толку повеќе бев исплашена и вознемирена. Затоа се дружам со моите кучиња, син ми и моето момче и разговарам со мојата домашна помошничка, рече Адел. Како што истакна, таа со нетрпение го очекува секој настап во Лас Вегас, чувствувајќи се како на ноќно излегување со пријателите.

Компјутерска игра стара 20 години повторно е хит во светот (ВИДЕО)

Ристе Здравков — Wed, 25 Jan 2023 08:49:11 +0000

Се сеќавате ли на компјутерската игра „Deluxe Ski Jump“ која беше многу популарна пред 20 години? Сега повторно е хит. Симулацијата на скијачки скокови може да се игра и денес затоа што авторот на играта развил мобилна апликација, а играта во последниве денови е на самиот врв меѓу апликациите на „Apple“ уредите. Играта беше многу едноставна, а можеше да се сними и на ЦД. Заземаше помалку од половина мегабајт и можеше да се игра на секој компјутер. Беше толку популарна што на форумите имаше и дебата за рекордите и совети како да се скокне што подалеку. Играта ја дизајнирал Финецот Јуси Коскела, а популарноста на играта довела до создавање на трет, а потоа и четврти дел, но втората верзија од играта останала најпопуларна. Пред неколку години творците на играта развиле мобилна верзија од класиката за паметни телефони, а во Словенија играта во последниве денови е една од најпопуларните. Моментално е прв избор на бесплатни игри во „Apple Store“ на „Apple“ уредите, а достапна е и за „Android“.

Најскапиот стих на Марина Туцаковиќ: За само пет збора земала 100.000 евра!

Дарко Андоновски — Mon, 26 Dec 2022 09:23:40 +0000

Марина Туцаковиќ со децении важеше за една од најдобрите текстописци на овие простори, па затоа многумина пејачи често доаѓаа на нејзината врата. Таа имаше напишано безброј хитови, кои и донесоа брдо пари низ годините наназад. Пејачката Неда Украден неодамна раскажа една анегдота во врска со нејзиниот хит од осумдесеттите години „Зора је“. -Песната ми ја напиша покојниот Ѓорѓе Новковиќ со кого неколку пати се скаравме околу насловот на истата. Прво ја нарековме „Јован зора је“, па потоа „Милан зора је“, а потоа конечното име „Зора је“, раскажува Украден. Таа вели дека потоа и се јавила на Марина која напишала само еден стих, а тоа е „Суза је из ока кренула“, а неа овој стих и донесе преку 100 илјади евра. Инаку најпознатата српска композиторка почина на 67 годишна возраст откако ја загуби битката со ракот, а претходно го загуби и синот на само 24 години кога го пронашла мртов во својата соба.

Чисти емоции: Марокански новинар стана хит со зборовите од пресот на репрезентацијата

Ристе Здравков — Wed, 07 Dec 2022 11:32:16 +0000

Победа на пенали на Мароко над Шпанија и пласманот во четвртфиналето на СП во Катар е историски ден за африканската земја која го постигна својот најголем успех на мундијалите. Ретко кој очекуваше дека Мароко ќе стигне меѓу најдобрите осум селекции на турнирот, но тоа си го овозможија со максимална борбеност на сите натпревари и прецизност од белата точка на дуелот со Шпанија. За тоа колку им значи овој успех на мароканските фудбалски фанови доволно говори емотивната изјава на еден од новинарите од оваа земја, кој јавно им се заблагодари на голманот Буну и селекторот Реграуи. Новинарот немаше прашање, само го истакна величествениот момент за Мароко, а неговите зборови веднаш станаа вирални на социјалните мрежи.

Football 🙌🏻 https://t.co/TAGDTIGCrN
— Gary Lineker 💙💛 (@GaryLineker) December 7, 2022

Навивачите на Реал што го напуштија стадионот во 80. минута станаа хит на социјалните мрежи

Ристе Здравков — Thu, 05 May 2022 08:35:13 +0000

Реал Мадрид со драматичен пресврт обезбеди пласман во финалето на Лигата на шампионите со победата од 3:1 против Манчестер Сити по продолженијата. Махрез погоди за Манчестер Сити во 73. минута и во тој момент изгледаше дека за Реал веќе нема шанси. Затоа дел од навивачите на „кралскиот клуб“ разочарани го напуштија стадионот. Но, тоа се покажа како голема грешка. Тие од надвор слушаа како потрпеливите навивачи се радуваат на пресвртот. Тие мораа потоа на мобилните телефони да го гледаат финишот на регуларниот дел како и продолженијата затоа што спред регулативата, редарите и полицијата не смееја да ги пуштат повторно на трибините. Видеото од овие „несреќни“ навивачи набрзо стана хит на социјалните мрежи.

Големиот хит ја направи популарна, но донесе и низа проблеми: Поради овие стихови Тина ја нарекувале спонзоруша

Ивана Ефремовски — Wed, 23 Mar 2022 18:14:21 +0000

Пејачката Тина Ивановиќ проговори за својата кариера и во таа прилика откри низ што поминала поради нејзината песна „Bunda od nerca“. Имено, таа признала дека претрпела бројни навреди поради текстот на песната и дека поради зборовите кои ги пеела ја нарекувале жена со лесен морал. -Ме нарекуваа спонзоруша и слично... За жал, откако се појавив на естрадата, постојат тие предрасуди за мене, а јас не сум таков човек да одам да се правдам дека „јас не сум тоа“, делата кажуваат повеќе од илјада зборови, изјави пејачката во една емисија. Да потсетиме, Тина еднаш имаше операција, а неодамна зборуваше за тој тежок период. -Имав три операции, но фала богу, се е во ред. Се беше откриено на време, тоа беше бениген тумор, иако првично ми рекоа дека е малиген, но на крај испадна дека е бениген, на моја голема среќа. Треба да имате доверба во вашиот лекар и тоа е клучната ставка за заздравување, а овој пат многу го поздравувам мојот лекар, кој е прекрасен човек и имав целосна доверба во него. Тоа ми даде надеж по првата биопсија, кога ги добивме резултатите и се покажа дека е бенигно, сите бевме со скршено срце. Сега, пак ви велам благодарам, јас сум сосема здрава и гледате, убава, рече Тина.

ВИДЕО: Штипјанец е ХИТ на социјалните мрежи со предлог-решение за сообраќајните проблеми

Ристе Здравков — Thu, 10 Feb 2022 20:07:14 +0000

Штипјанец стана хит на социјалните мрежи откако на прашање на новинар за тоа како да се решат сообраќајните проблеми го употреби терминот „умрените полицајци“. Тој изјави дека пред семафорите треба да се стават, како што рече „од тие умрените полицајци“, а мислеше на лежечките полицајци. Штипјанецот, секако, мислеше на „лежечки полицајци“. Видеото е снимено од Мнет.мк, а новинарот прави анкета во врска со активностите за проширување на крстосницата во штипската населба Сењак.

Од тие умрените полицајци 🤣🤣🤣🤣 pic.twitter.com/Bo5LFKBjdQ
— ЗЛОЧКО ШАМПИОН (@srce_swatko) February 7, 2022

Хит видео: Ученик заспал среде настава, погледнете како се справил наставникот

Ристе Здравков — Sat, 27 Nov 2021 12:52:35 +0000

Снимката од едно училиште станала хит на социјалните мрежи, а во продолжение може да проверите и зошто!

Нов успех за мега хитот на Мајкл Џексон, над милијарда прегледи за „Billie Jean“

Ивона Петрова — Sun, 20 Jun 2021 12:04:31 +0000

Песната „Billie Jean“ на Мајкл Џексон собра над милијарда прегледи на ЈуТјуб и со тоа стана третата песна од осумдесетите години која го постигна ова. Објавена во 1983 година на MTV, песната просечно оваа година имала по 600.000 прегледи дневно. Од музичарите од осумдесетите, над милијарда прегледи имаат само Guns N’ Roses со „Sweet Child O’Mine“ од 1988 година и групата A-ha со „Take On Me“ од 1984. година. Песната „Billie Jean“ која ја напишал Џексон е наградена со две Греми награди. Според податоците на страната statista.com, најмногу прегледи на ЈутЈуб има детската песна „Baby Shark“, со дури 8,8 милијарди прегледи, а следуваат „Despacito“ на Луис Фонси со 7,2 милијарди, како и „Shape of you“ на Ед Ширан која има 5,3 милијарди прегледи.

Црногорска реклама против коронавирусот стана вистински хит на интернет и социјалните мрежи (ВИДЕО)

Тале Кристо — Wed, 19 Aug 2020 12:47:02 +0000

Промотивното видео на Црна Гора во врска со превентивните мерки во борбата против корона вирусот стана хит на интернет поради пораките што се испратени. Во видео клипот кој промовира превентивни мерки, додека бабата плете, мајката му објаснува на таткото дека новото момче на нивната ќерка е убав човек кој носи маска, ги мие рацете и ја одржува оддалеченоста. Откако ќерката ќе му покаже на таткото фотографија од момчето со маската, тој одговара: „Убав е“. Но, случајно да не ти се приближува поблизу од два метра“. Рекламата продолжува со „љубовна сцена“ во автомобилот, која привлече најголемо внимание.

??? pic.twitter.com/30QouUk8dF
— KrastavacKonsterniranideux (@KrastavacKonst1) August 18, 2020