хитлер – Kurir.mk

Пенкало што Ева Браун му го подари на на Хитлер, оди на наддавање: Ќе достигне превисока цена

Ивана Ефремовски — Mon, 29 May 2023 09:49:51 +0000

Хемиско пенкало обложено со сребро, коешто му припаѓало на германкиот нацистички лидер Адолф Хитлер, ќе биде понудено на наддавање во Белфаст, Северна Ирска, следниот месец. Според наводите, пенкалото било подарок од долгогодишна партнерка на Хитлер, Ева Браун за неговиот 52 роденден на 20 април 1941 година. Се проценува дека тоа ќе достигне цена меѓу 50.000 и 80.000 фунти (58.000 до 92.000 евра). Пенкалото, првично купено од колекционер на аукција во 2002 година, има натпис со името „Ева“ и иницијалите „АХ“. (МИА)

Костадинов од СДСМ маскиран во Тито, во друштво на “Хитлер“ позираше со нацистичко знаме

Ивана Ефремовски — Sat, 25 Feb 2023 16:37:24 +0000

Градоначалникот на Струмица, Костадин Костадинов од СДСМ на струмички карневал се појави маскиран во Тито. Неговата партнерка, го следеше во маската, па беше во улога на Јованка Брос. На една групна фотографија, Костадинов како Тито е во друштво на човек маскиран во Хитлер, а во нивна близина се вее нацистичкото знаме. Се разбира, карневалот е време за забава, но ваквото однесување е недозволиво за еден градоначалник кој сигурно знае кој бил Хитлер во историјата и дека неговото промовирање сигурно не е забавно. Костадинов и неговата девојка Георгиева, маскирани како Тито и Јованка Броз, позираа со пријателите од неговата група кои вечерта беа Гадафи, Хитлер, Фидел Кастро, Че Гевара и други историски личности. Градоначалникот рече дека маската нема порака туку дека е повеќе “политичка сатира“, а ликовите од историјата “нека си останат таму“. -Вечерва се случи бришење на границите на Балканот, се случи Европа без граници. Беше преубаво да се биде дел од маскенбалот и да се види како луѓе под маски од различни земји и нации заедно пеат, играат и се веселат. Хрвати, Срби, Босанци, Црногорци, Грци, Бугари и Македонци, но и гости од Шведска, Германија, Холандија, Италија, Словенија и Турција, вечерва беа едно. Можеби тоа беше најубавиот маскенбал од сите досега одржани, маскенбал каков што само може да се посака, изјави синоќа Костадинов.

Часовник на Хитлер продаден за четири милиони долари

Тале Кристо — Thu, 14 Jul 2022 09:29:15 +0000

Рачен часовник што му припаѓал на лидерот на нацистичка Германија, фирерот Адолф Хитлер, е продаден на наддавање во САД за четири милиони долари. Предметот, според аукциската куќа за историски предмети, „Александер“, е произведен од швајцарската компанија за луксузни часовници „Л’култр“ (LeCoultre). Златното куќиште е украсено со амблемот на Третиот Рајх – сватиката, изгравирани иницијали на диктаторот и три значајни датуми за него – денот на раѓањето, победата на неговата Нацистичка партија на изборите и назначувањето за канцелар на Германија. Се верува дека часовникот му бил даден на Хитлер од членови на Нацистичката партија во 1933 година. На 4 мај 1945 година, неколку дена по самоубиството на фирерот, часовникот бил одземен од францускиот наредник Робер Мињо за време на рацијата во неговата резиденција на Баварските Алпи.

Каракачанов: Историски факт е дека бугарската власт била сојузник со Хитлер, но тоа не значи дека Бугарите се фашисти

Ивона Петрова — Sat, 05 Dec 2020 13:32:21 +0000

Историски факт е дека бугарската власт и цар биле сојузници на Германија и Хитлер, но тоа не значи дека Бугарите треба да бидат нарекувани фашисти. Сојузници беа и властите на Италија, и на хрватската држава, па не ги нарекувате фашисти. Ова го истакна бугарскиот вицепремиер Красимир Каракачанов, кој се вклучи онлајн на радио Канал 77 во моментот додека гостин во студиото беше и македонскиот премиер Зоран Заев. Тој се осврна и на масакрот во Ваташа, кој според него не се случил бидејќи населението било македонско, туку поради војувањето на државата и комунистите. Вели таков случај имало и во централна Бугарија каде бугарската полиција убила 12-13 деца. – Јас сум одел во Ваташа три пати. Првиот пат во 94 година. Сум прочитал повеќе документи за Ваташа од вашите колеги. Случки како Ваташа има и во Јастребино во централна Бугарија каде бугарската полиција убива 12-13 деца и ги убива не затоа што се Македонци, туку тоа е граѓанска војна. Државата против комунистите, не е против Македонците. Тоа е затоа што комунистите војуваат со државата, и државата против комунистите, а не против етнички Македонци или други. Ваташа е трагичен случај од нашата заедничка историја, смета Каракачанов. Премиерот Заев истакна дека сепак Договорот со Бугарија од 2017 година може да даде резултат ако се спроведе и ако двете страни се почитуваат во преговорите. -Со господинот Каракачанов многу често разговараме за добрата иднина помеѓу Бугарија и Северна Македонија, помеѓу двата народи и јас верувам дека правиме се од двете страни тоа да го постигнеме, но точно е, факт е дека во секое поглавје може Бугарија да ја блокира и Северна Македонија и Албанија и Србија и Црна Гора заради тоа што тоа право го има секоја земја членка. Каракачанов но и премиерот Борисов се за пријателство, сакаат двата народа да бидат пријатели, еве господинот Каракачанов нема проблем да зборува за македонскиот народ, да зборува за јазикот, но истовремено јас ги разбирам и потребите на Бугарите и на владата во Бугарија дека треба да се утврдат историски факти и низ духот на пријателството на основа на тие историски факти да ја градиме иднината, изјави Заев.

На аукција продадени рачно пишувани говори на Хитлер

Магдалена Андонова — Fri, 23 Oct 2020 19:08:08 +0000

Документите се продадени на анонимни купувачи по цена далеку повисока од почетната. Рачно напишани говори на нацистичкиот диктатор Адолф Хитлер се продадени денес на аукција во Минхен и покрај критиките кои ги изразиле еврејските групи, кои сметат дека тоа би можело да ги охрабри нацистите. Аукциската куќа „Херман хисторика“ ја бранеше продажбата на ракописи кои настанале пред почетокот на Втората светска војна тврдејќи дека тие имаат историска вредност и дека треба да бидат чувани во некој музеј. Документите се продадени на анонимни купувачи по цена која е далеку повисока од почетната, пренесе „АП“. Текстот кој Хитлер го напишал за говор пред новите воени официри во Берлин 1939 година, околу осум месеци пред почетокот на Втората светска војна, достигнал највисока цена од 34.000 евра.

Суспендирани 29 германски полицајци: Си разменувале слики од Хитлер и кукасти крстови

Ивана Ефремовски — Wed, 16 Sep 2020 15:17:54 +0000

Во германската сојузна покраина Северна Рајна-Вестфалија се откриени затворени комуникациски групи во кои се разменувале содржини со крајно десничарска тематика, а меѓу нивните членови имало и 29 полицајци, соопштено е денеска во Диселдорф, пренесе Хина. -Ова е срам за полицијата во Северна Рајна-Вестфалија. Не верував дека вакво нешто е можно, изјави министерот за внатрешни работи на најнаселената германска покраина, Херберт Реул, на вонредна прес-конференција. Конференцијата беше свикана по претресот на становите на полицајците во областа Рур, по што 29 членови на полицијата се суспендирани откако им било докажано дека се активни на затворените Ватсап комуникациски групи (чатови), во кои лица со екстремно десничарски погледи разменувале незаконски пропаганден материјал. Сите суспендирани полицајци во еден момент од кариерата биле активни во полициската администрација на градот Муелхајм, во Рур. На компјутерите и телефоните на суспендираните полицајци, меѓудругото, биле пронајдени слики на кои се гледаат бегалци во гасни комори, слики на Адолф Хитлер, како и кукасти крстови. Претседателот на полицијата во Есен рече дека суспендираните полицајци досега не биле забележани за екстремно десничарските погледи. Провинцискиот министер за внатрешни работи најави внатрешна истрага, како и назначување на специјален комесар за борба против екстремно десничарските тенденции во полицијата. (МИА)

Откриени тајните на озлогласениот бункер: Хитлер бил вегетаријанец и вакви градини имал насекаде

Ивана Ефремовски — Fri, 15 Nov 2019 17:24:07 +0000

Остатоци од градина и стаклена бавча што ги користел германскиот нацистички лидер Адолф Хитлер за одгледување овошје и зеленчук се откриени во некогашното седиште на германскиот источен фронт. Локалните историчари додека го истражувале озлогласениот бункер на Хитлер лоциран во денешна североисточна Полска, ги откриле оригиналните темели на една градинарска куќа, две оранжерии и подземната котлара што донела вода и топол воздух за да може персоналот да одгледува свежо производство во текот на целата година. Опишувајќи го откритието како баналност на злото, историчарот Јацек Адамски од Воениот музеј Мазуроландија рече дека локацијата е оддалечена само 800 метри од личниот бункер на Хитлер.

Hitler’s fruit and veg patch is found https://t.co/4MO0TnSBod
— Daily Mail Online (@MailOnline) November 14, 2019

-Знаевме дека има остатоци од градини што им служеле. Како вегетаријанец и непушач, Хитлер имал такви градини во секое седиште, така што пред три години донесовме одлука да започнеме да ги бараме анализирајќи фотографии и архиви, како и преку разговори со локалното население, кое можеше да се сети дека ги видело веднаш по војната, кога тие биле деца “, изјави Адамски за порталот The First News. Градината била присилно обработувана од жена која морала да ја проба храната пред Хитлер за да утврди дека не е отруена. Пронајдени се и керамика, порцелан и стакларија. Покрај градината и стаклена бавча, базата имала и берберница, казино, кино и летна куќа. Седиштето на Хитлер скриено во дрвја и мочуришта било изградено во 1940 година кога нацистичка Германија се подготвувала да изврши инвазија врз Советскиот Сојуз. Пристигнувајќи два дена по инвазијата во 1941 година, нацистичкиот водач поминал повеќе од две години во базата оркестрирајќи ги смртоносните планови за операцијата Барбароса. Просторот бил уништен на 20 јули 1944 година, кога Клаус фон Стауфенберг активирал бомба во пропаднатиот пуч кој Хитлер го преживеал.

Сите нацисти избегале во овој град по смртта на Хитлер, но ги пречека казната (ВИДЕО)

Ивана Ефремовски — Fri, 10 May 2019 11:59:10 +0000

Додека денеска се прославува победата над фашизмот и крајот на Втората светска војна, историјата потсетува на сите мрачни страни на човечката цивилизација, па така и нацистичките владетели. Нацистичките лидери се сокриле во пристанишниот град Фленсбург, одалечен пет километри од Данска. Цели две недели тој град бил засолниште на нацистите. Откако Адолф Хитлер извршил самоубиство, целото нацистичко водство морало да избега од Берлин. Наследникот на Хитлер бил адмирал Карл Дениц. Тој, но и сите останати сакале да спасат жива глава и некаде да го сместат седиштето на новата нацистичка влада. Како идеално место им изгледал градот Фленсбург на самиот север на Германија, многу близу со границата со Данска. Имено, тој град со својата Поморска академија, претжено бил поштеден во војната и не бил во зоната на Црвената армија. Во моментот на преземањето на власта, адмирал Дониц се наоѓал во близина на Фленсбург. Тој уште претходно ако врховен командант на германската воена морнарица имал стожер во Мурви, предградите на Фленсбург и седиштето на Германската морнаричка академија која било сместено во импресина црвена зграда која Германците ја нарекувале Црвен дворец на морето. Од таа зграда може да се види данскиот брег, одалечен само два километри. Во Фленсбург така тргнале скоро сите. Освен Дониц, последниот претседател на Третиот рајх, во друштво на 150 војници пристигнал и Хајнрих Химлер, еден од главните организатори на Холокаустот и шеф на Гестапо, потоа познатиот архитект на Третиот рајх Алберт Спир, генералите Вилхем Китл и Алфред Јоди, како и многу други високопозиционирани нацисти. Меѓутоа, бројни помалку познати нацисти во Фленсбург го смениле идентитетот и така успеале да извлечат жива глава. Локалното население наводно не забележало ништо. Причината е можеби преокупираноста на граѓаните со обидот за преживување по војната или едноставно тоа го толерирале. Сојузниците бргу стигнале до северот на Германија, па Владата на Карл Дениц не траела долго. Таа се предала, а сојузниците ги привеле сите. Хитлер се обидел да избега, но тоа не му успеало. Така последното упориште на нацистите паднало дури на 23 мај, кога сојузничките сили ја опколиле Поморската академија и ги привеле нацистите, иако капитулацијата на Германија е потпишана на 8 мај. Фленсбург денес е град во кој живеат 85.000 луѓе, популарен е меѓу студентите поради квалитетни универзитети, но и студентски домови. Исто така е познат и по врвен ракомет.

Папата Франциско: Хитлер ни покажа до каде води популизмот

Ивона Петрова — Wed, 24 Oct 2018 06:13:54 +0000

Папата Франциско повика за толерантност кон бегалците и предупреди да се внимава со ризиците од популизмот, споменувајќи го нацистичкиот диктатор Адолф Хитлер. – Младите треба да научат за историјата на светските војни во 20. век „за да не ја дозволат истата грешка и да знаат како се шири популизмот“. Од 1932-1933 година Хитлер вети развој на Германија. Младите треба да знаат како почнуваат тие проблеми. Не можеме да живееме ширејќи омраза, предупреди папата Франциско во врска со излегувањето на нова книга за мудроста на старите луѓе. На настанот во Ватикан, возрасна жена, која предава италијански јазик на мигранти, спомена колку е шокирана од се поострите реакции кон мигрантите. Папата рече дека Библијата не учи да бидеме љубезни кон мигрантите, но дека властите имаат право да постават крајна граница во однос на приемот на мигранти. – Една влада треба да е со отворено, гостопримливо срце, да има добри можности за интегрирање на мигрантите, како и да каже „можам да прифатам толку луѓе, повеќе од тоа не можам“. Затоа е важно цела Европа да постигне договор за ова прашање, потенцира папата Франциско. МИА

Роднина на Хитлер се вљубил во Еврејка

Ристе Здравков — Tue, 09 Oct 2018 10:57:08 +0000

Американец, далечен роднина на Хитлер се вљубил во Еврејка, но врската не успеала, кога таа ја дознала семејната историја. Браќата Александер, Брајан и Луис Стјуарт-Хјустон се внуци на Алоис, полубрат на Адолф Хитлер и се последните живи роднини на нацистичкиот лидер. Нивниот дедо се оженил за Ирка, и живееле во Даблин, откаде што се преселиле во Англија, па во САД. Сето тоа пред Втората светска војна. Нивниот татко Вили Хитлер се вклучил во американската морнарица, и се борел против Германците, што било популарно наречено Хитлер против Хитлер. Тројцата браќа, кои денес живеат на Лонг Ајленд, имале и четврти брат, Хауард, кој загинал во сообраќајна несреќа пред 30-на години. Александер за повеќе медиуми има раскажувано дека еден од браќата, што се уште не сака да го именува, бил во врска со Еврејка и сакал да се ожени со неа, но кога таа дознала за неговата семејна лоза, го напуштила. Тој за „Дејли Мејл“ изјави дека тие одлучиле да не се женат и да немаат деца, за „да се прекине крвната линија“ на Хитлер.