хју грант – Kurir.mk

Хју Грант повторно имал напад на бес на снимање

Ивона Петрова — Mon, 06 Mar 2023 13:57:02 +0000

На снимањето на филмот „Зандани и змејови: Чест меѓу крадците“ (Dungeons & Dragons: Honor Among Thieves), британскиот глумец Хју Грант имал „неколку изливи на гнев“, и тоа поради жена која случајно се нашла на филмската сцена. Долгоочекуваниот филм се снимаше во Северна Ирска, а Грант (62) за списанието „Тотал филм“ открива дека не е задоволен со своето однесување за време на снимањето на филмот. Уште повеќе, тој своето непримерно однесување го спореди со испад на неговиот колега Кристијан Бејл на снимањето на „Терминатор 4“. - Уште првиот ден изгубив нерви со една госпоѓа. Претпоставив дека таа е филмаџика од студиото, што требаше да ја знам... Потоа испадна дека жената е исклучително фина жена, која придружувала едно девојче, рече тој, опишувајќи како гневот целосно го зацрвенува во лицето. Инаку, ова не е првпат Хју Грант да ги губи нервите на работа, па еднаш призна и дека има „мега-бес“ барем еднаш годишно. Поради неговото лошо однесување правел паузи од глумата, а и добива сѐ помалку понуди за улоги. Следниот филм од приказната „Зандани и змејови“ излегува на 31 март и во него глумат и Крис Пајн, Мишел Родригез, Реге-Жан Пејџ.

„Медиумите му ја убија мајката, а сега му ја распнуваат жената“, славниот актер со поддршка за принцот Хари

Ивана Ефремовски — Thu, 16 Jan 2020 15:53:48 +0000

Хју Грант во последното интервју ја поддржа одлуката на принцот Хари за повлекување од должноста од британското кралско семејство. -Јас сум на страната на Хари. Таблоидите ја убија мајка му, а сега му ја распнуваат жената. Мислам дека негова должност како маж е да си го заштити семејството, така што го поддржувам, рече 59-годишниот глумец во интервјуто за Сириус ХМ. Тој ја потсети јавноста на околностите за смртта на принцезата Дајана, која загина во сообраќајна несреќа додека бегаше од папараците. Хју Грант е активист кој се бори против мешање на медиумите во приватните животи на ѕвездите, но и на обичните луѓе. Од друга страна и принцот Хари неколкупати зборуваше за нападните медиуми, кои делумно се одговорни за смртта на неговата мајка. -Секогаш кога ќе видам камера, секогаш кога ќе слушнам „клик“, секогаш кога ќе видам блесок, во истата секунда тоа ме враќа назад, рекол принцот.

Хју Грант нападна жена во Рим: Го грабна нејзиниот мобилен, ова е причината (ВИДЕО)

Ивана Ефремовски — Fri, 05 Jul 2019 17:25:04 +0000

Славниот холивудски актер Хју Грант нападнал непозната жена на која и го грабнал мобилниот телефон во Рим, мислејќи дека е папарацо. Грант се шетал низ Рим со сопругата Ана Елизабет Еберштајн, притоа се сретнале со Луиса Маларо, шефица на компанија за комунелен отпад. Маларо ги снимала работниците како фрлаат градежен шут на место наменето само за отпад од домаќинствата. Но за несреќа на шефицата, во тој момент се нашле пред сопругата на Грант, а британскиот актер веднаш се налутил. На видеото се слуша женски глас, најверојатно на сопругата на Грант, како зборува на англиски: „Извинете, што правите? Баш убаво, глупава пи..о“. На тоа Грант вели: „Не стојте пред мојата сопруга“, и го грабнува телефонот. Мелара вели дека не ги препознала Грант и сопругата, туку застанала напред за да не и помонат пред камерата. „Грант, кој беше зад мене, ми го грабна телефонот. Му го зедов назад и му реков дека не е пристоен. Му реков дека сум раководител на римската компанија за собирање отпад“.

Ограбен познатиот актер, бара да му го вратат украденото сценарио

Ивона Петрова — Tue, 15 Jan 2019 09:02:57 +0000

Британскиот глумец Хју Грант викендов бил жртва на провала, по што тој ги замоли крадците кои му го искршиле автомобилот, да му го вратат само сценариото кое го одзеле. Грант, во објавата на Твитер вели дека се мали шансите некој да знае кој ја извршил кражбата, но замоли барем да му се врати сценариото, на кое потрошил многу седмици работа, идеи и размисли. Меѓу украдените предмети се и здравствените картички на неговите деца, вели тој во објавата.

ФОТО: Се ожени еден од најпосакуваните актери

Ивона Петрова — Mon, 28 May 2018 06:44:32 +0000

Британскиот актер прв пат стапна на „лудиот камен“ со својата долгогодишна партнерка, шведската продуцентка Ана Еберштајн. Актерот Хју Грант (57) се ожени со својата партнерка со која има три деца. Парот судбоносното „ДА“ го изговорил во Лондон во кругот на семејството и пријателите. Актерот за овој ден одбрал да носи темно одело со сина кошула и тегет вратоврска, додека невестата носела светло сина кошула и бело здолниште.

Глумеа заедно пред 16 години: Беа татко и син, а денес се двајца заводници (ФОТО)

Ивана Ефремовски — Mon, 19 Feb 2018 10:14:13 +0000

Беа интересен тандем во филмот „About a Boy“ снимен во 2002-ра година каде ги играа улогите на Вил и Маркус. Многу години подоцна Хју Грант и Николас Хоулт повторно се најдоа на исто место, на доделувањето на БАФТА наградите синоќа во Лондон. Колку се променети? Хју изгледа одлично и покрај годините, а Николас се трансформирал од дете до убаво момче. Славниот актер Хју Грант денес има 57 години и наскоро ќе стане татко по 5-ти пат. Облечен одлично како и секогаш, се појави во придружба на Ана, продуцентката со која е во врска. Маркус од филмот денес има 28 години. Покрај глумата, се занимава и со манекенство и е дел од групата најатрактивно млади европски актери. Николас имаше бурна врска со Џенифер Лоренс, по што почна приватниот живот да го крие од јавноста.

Хју Грант на 57 години татко по петти пат

Ивона Петрова — Wed, 10 Jan 2018 18:55:18 +0000

Славниот актер Хју Грант повторно ќе стане татко. Неговата поубава половина, шведската телевизиска продуцентка Ана Елизабет Еберстин е бремена, а оваа информација ја потврдила нејзината мајка која истакнала дека е среќна што ќе добие уште едно внуче. Грант ќе стане татко по петти пат, во период од седум години. Во улогата на татко прв пат се оствари во 2011 година, кога неговата тогашна девојка Тонглан Хонг ја донесен на свет ќерката Табита. Една година подоцна таа го роди и синот Феликс. Со Ана, Хју има две деца. Синот Џон кој се роди во јуни 2012 година и ќерка родена во декември 2015 година, но за неа во јавноста не се знае ништо дури ниту нејзиното име.