Хју Хефнер – Kurir.mk

Број 1 Плејбој зајачицата открива мрачни тајни на Хју Хефнер: Не’ дрогираше, ми нудеше таблети

Ивона Петрова — Fri, 23 Dec 2022 20:28:28 +0000

Животниот сон на Холи Медисон бил да „освои“ место во Плејбој вилата, а на тоа работела со години. Поранешната келнерка - која денес наполни 43 години - не можела да поверува кога конечно се вселила и станала девојка „број еден“ на шефот на Плејбој, Хју Хефнер. Но, се покажало дека фантазијата е многу различна од реалноста. Холи признава дека се чувствувала „исплашена и засрамена“ откако учествувала во сесиите за групен секс и вели дека траумите и останале. Плејбој зајачицата била главна партнерка на Хефнер шест години, но тврди дека зад сјајот и гламуротна покојниот Хефнер се крие „сурово манипулативен“ човек кој и ја одзел самодовербата. -Бајката во која Хеф би сакале да верувате дека беше всушност изопачен, отруен затвор. И го знам тоа затоа што поминав шест години како девојка број еден на маж доволно стар за да ми биде дедо, рече Холи, која имала само 21 година кога била со Хефнер во 2001 година. -Како би можела да оправдам такво нешто? Тука сум за авантура, искуство кое се случува еднаш во животот. Тука сум затоа што ова е отскочна даска кон нешто друго, си реков. И тогаш можеби најголемата илузија во која верував беше: „Тука сум за љубов“, вели таа.

Во нејзината биографија од 2015 година „Down the Rabbit Hole“, русокосата ѕвезда опишува како првпат го запознала Хефнер откако добила покана за забава на Плејбој додека работела како келнерка. Кога успеала да присуствува на една од забавите, вели дека потоа се прашувала зошто девојките изгледале трауматизирано. -Никогаш не можев да го разберам нивниот недостаток на ентузијазам. Прво претпоставував дека се разгалени, изморени. Можеби ова звучи наивно, но не сфатив дека всушност мораат да спијат со него, вели Холи. Набрзо Хефнер ја поканил на клубска вечер со уште шест жени. Таа тврди дека тогаш Хефнер ѝ понудил апчиња за смирување објаснувајќи дека тие биле наречени „отворувачи на бутовите“ во 1970-тите. Таа одбила, но додека го напуштале клубот, една од девојките ја предупредила дека Хефнер очекува да му се придружи во кревет. Не сакајќи да навлегува во деталите за тоа што се случило потоа, Холи признала дека била пијана и следното утро се разбудила „исплашена и засрамена“. Набрзо и станало јасно дека животот во вилата е многу поинаков од она што таа го замислувала. Девојките морале да присуствуваат на ноќните дружења во клубот во среда и петок, проследено со вечера на шведска маса и кино вечер во сабота, како и забава на базен во недела. Кога имале слободни денови, девојките морале да се вратат во вилата до 21 часот. Холи вели дека нејзините нивоа на траума биле толку високи што почнала да пелтечи. Тврди дека употребата на дрога била неконтролирана.

Четири години од смртта на Хју Хефнер, основачот на „Плејбој“ плати за да биде погребан до Мерилин Монро

Ивона Петрова — Mon, 27 Sep 2021 08:47:06 +0000

На 27 септември во 2017 година, на 91-годишна возраст почина најголемиот плејбој на светот, Хју Хефнер. Роден е во Чикаго, како прва професионална работа е забележана онаа во култното списание „Есквајер“. Плејбој според неговите зборови ќе го започне во својата кујна каде пишувал текстови. За многу кратко време ова списание ќе биде најпродавано на глобално ниво, а во 70-те ќе достигне тираж од седум милиони примероци. Основачот на магазинот „Плејбој“ даде 75.000 долари за да биде закопан покрај Мерилин Монро на гробиштата Вествуд меморијал парк, каде што се закопани некои од најголемите филмски и телевизиски ѕвезди. Мерилин се соблече за насловната страница на „Плејбој“ далечната 1953 година и тој број на магазинот е продаден во 50.000 примероци за рекордно кусо време.

Испливаа мрачните тајни на Хју Хефнер: „Зајачиците“ проговорија за пеколот низ кој минувале во неговата прочуена вила

Магдалена Андонова — Tue, 29 Sep 2020 07:23:23 +0000

Хју Хефнер почина пред три години, а по неговата смрт, многу „Плејбој зајачици“ од вилата, јавно зборуваа за сè што се случуваше зад sидовите на прочуениот дом на Хефнер. Иако важеше за човек кој ги ужива сите придобивки од животот, тој очигледно знаеше да претера. Една година по смртта на Хефнер, беше објавен документарец во кој „зајачиците“ јавно објаснија што навистина се случувало во вилата.

View this post on Instagram

Organizing my closet. Is anybody else getting super organized RN?

A post shared by Holly Madison (@hollymadison) on Mar 22, 2020 at 4:58pm PDT

-За да ја преживеам ноќта со него, морав да бидам пијана и дрогирана. Не можев да го избегнам и тоа беше единствениот начин да го сторам тоа, призна Кендра, кој ја напушти вилата во 2009 година. Холи Медисон беше меѓу првите кои зборуваа за тајните на животот на плејбојот: -Морав да изгледам фантастично и бев ужасно несреќна. Вики (друга девојка на Хеф) донесе еден куп жени во неговиот кревет и ми е јасно зошто го стори тоа – колку повеќе од нив имаше, толку помали имаше шанса да мора да има секс со него, рече Холи. Инаку, освен вдовицата, Кристал Хефнер, наследници на покојниот Хефнер се и неговите деца, Кристи А. Хефнер, Дејвид Хефнер, Марстон Хефнер и Купер Хефнер, на кој нивниот татко им поставил доста конкретен услов во врска со добивањето на парите.

Хју Хефнер бил под истрага- ФБИ објави досие

Предраг Кукиќ — Wed, 12 Jun 2019 08:24:04 +0000

ФБИ објави досие за основачот и главен и одговорен уредник на „Плејбој”, Хју Хефнер, две години по смртта на легендарниот издавач, една од многуте познати личности за кои агенцијата има истрага во текот на годините, и датотеки од јавен интерес за новинари, обожаватели и истражувачи. Хефнер бил под истрага на федералната полиција кон крајот на 1950-тите и во 1960-тите поради „непристојни материјали”. Досието исто така, содржи документ упатен до тогашниот директор на ФБИ Џеј Едгар Хувер во кој агент вели дека Хефнер и фотографот Едвард Oпман се ставени под надзор, со цел да се види дали некој од нив пренесувал „порнографски фотографии” надвор од границите на државите. Истрагата не покажа дека таквите кривични дела биле извршени. „Луѓето кои беа испрашувани рекоа дека Хефнер е премногу итар да ги прекрши законите на федералните или локалните власти”, заклучува ФБИ. Хефнер подоцна беше уапсен во Чикаго за објавување „непристојни и сугестивни” фотографии на Џејн Менсфилд, но беше ослободен. Досието содржи и исечоци од весници од случај во кое Хефнер доби право да испраќа по пошта „Плејбој” на претплатници, а тоа да не значи и кршење на законот. Кога еден човек од јавен интерес умира, ФБИ презема чекори за да ја објави својата датотека на веб-страницата на ФБИ. На сајтот има датотеки на познати личности, меѓу кои и Елвис Присли, Мајкл Џексон и Френк Синатра, како и оние за поранешниот сенаторот од Масачусетс Едвард Кенеди и за Ал Капоне.

Аукција на личните предмети на Хју Хефнер

Ивана Ефремовски — Mon, 03 Dec 2018 11:41:50 +0000

Предмети од личната колекција на основачот на „Плејбој“, Хју Хефнер, меѓу кои и примерок од првото издание на списанието со Мерилин Монро на насловната страница, беа продадени на дводневна аукција во Лос Анџелес, што заврши вчера. -Машината за пишување на која Хефнер го подготви првиот број од „Плејбој“ во 1953 година, беше продадена за 162.500 долари, а неговиот личен примерок од првиот број – за 31.250 долари, соопшти аукциската куќа Џулиен, којашто го организираше наддавањето. Натаму, негова наметка од црвена свила, е продадена за 41.600 долари. А пак, „Вијагра прстенот” од 14-каратно злато, во кој тој секогаш си чуваше едно сино апче, чинеше 22.400 долари. Листата на продадени предмети е долга: моторџиски јакни, лимузина, џубокс, билијард маса, па дури и неговата ѕвезда на Холивудската патека на славните. Американскиот актер Џим Белуши плати 3.125 долари за копија од епизода на култната телевизиска емисија „Сабота навечер во живо“ од 1977 година кога Хефнер беше водител. Хефнер, апологет на сексуалната револуција во Америка, почина во септември 2017 година на возраст од 92 години. „Плејбој“, како и неговите препознатливи „зајачици“ е познат насекаде низ светот. Освен списанието, Хефнер исто така имаше и свое профитабилно царство од дискотеки, телевизиски серии и модни линии. Приходите од наддавањето ќе одат во Фондацијата Хефнер, којашто ги штити граѓанските права, а особено слободата на изразување, за што Хефнер особено се залагаше. (МИА)

Хју Хефнер своето наследство го оставил под строги услови: Кој ќе прекрши само едно правило останува без ништо

Матеја Петровски — Wed, 02 May 2018 12:12:43 +0000

Условите на наследниците на основачот на Плејбој се доста стриктни и се однесуваат на неговита вдовица и четирите деца. Во јавноста се појавија документи во кои стојат условите на наследниците на Хју Хефнер, основачот на „Плејбој“ кој почина во септември минатата година, а мора да бидат исполнети од наследниците. Освен вдовицата, Кристал Хефнер, наследници на покојниот Хефнер се и неговите деца, Кристи А. Хефнер, Дејвид Хефнер, Марстон Хефнер и Купер Хефнер, на кој нивниот татко им поставил доста конкретен услов во врска со добивањето на парите. Како што стои во документите кои се појавија во јавноста, саканите на Хефнер никако не смеат да станат зависници од алкохол или дрога. Во случај да не одолеат, остануваат без се. Во документот стои дека носителите на правото за наследство не смеат редовно или често да земаат илегални супстанци, ниту да развијат физичка или психичка зависност од нив, како ни од алкохол или било која легална дрога, односно хемиски супстанции кои на нив не им ги дозволил овластен лекар или психијатар. Ако постои сомнеж дека некои од наследниците не се придржува до одредбата, овластено лице може да побара тестирање на дрога. Кога би се случило некој од наследниците поради ова стварно да остане без права, според документот тие права може да се вратат ако наследникот докаже не консумирал ништо 12 месеци од губењето на правата или ако одборот заклучи дека е способен сам да се грижи за себе и своите пари.

Наследи големо богатство: Вдовицата на Хју Хефнер донесе одлука за која сите ја осудуваат

Катерина Бојаџиева — Fri, 26 Jan 2018 18:05:02 +0000

Сопственикот на Плејбој, Хју Хефнер почина во септември минатата година, а дел од своето богатство и остави на својата сопруга Кристал Харис Хефнер (31). Меѓу останатото на неа и припадна и вила во Холивуд вредна пет милиони долари. Сепак таа решила да ја продаде, поради што наиде на осуда од многумина. Вилата има преку 5000 квадрати, четири спални соби и четири бањи. И покрај гласините дека Кристал нема да наследи ништо, бидејќи потпишала предбрачен договор, Хефнер сепак и оставил недвижен имот, но и пет милиони долари. Резиденцијата која ја продава се наоѓа на западниот брег, а за неа основачот на Плејбој во 2013 година платил пет милиони долари и ја подарил на поранешната манекенка додека двајцата живееле во Плејбој вилата. Кристал за оваа резиденција бара 7, 2 милиони долари. Таа се омажи за Хју во 2012 година, кога имала 26 години, а тој 86 и за него ова беш трет брак. Хефнер почина на возраст од 91 година, а неговото богатство е проценето на околу 43 милиони долари.

Наследниците на Хју Хефнер не смеат да прават само 2 работи, инаку ќе останат без пари!

Катерина Бојаџиева — Sat, 23 Dec 2017 14:57:28 +0000

Во јавноста се појавија документи, во кои стои кои услови треба да ги исполнат наследниците на Хју Хефнер, основачот на Плејбој, кој почина во септември годинава. Во случај да потклекнат, тие ќе останат без наследство. Ова се однесува на вдовицата Кристал и на четири деца. Освен вдовицата, Кристал Хефнер, наследниците на починатиот Хефнер, исто така, се негови деца, Кристи А. Хефнер, Дејвид Хефнер, Марстон Хефнер и Купер Хефнер, за кои нивниот татко поставил многу конкретен услов за да ги добијат парите. Во документите пишува дека наследниците никогаш не смеат да станат зависници од алкохол и дрога. Во случај да не одолеат, остануваат без пари. Ако се случило некој од наследниците навистина да остане без правата, според документот, тие права можат му се вратат ако наследникот докаже дека ништо не консумирал 12 месеци од губењето на правата или ако комисијата заклучи дека е во состојба да се грижи за себе и за своите финансии.