Хјун Мин Сон – Kurir.mk

ФОТО: Фудбалерот на Тотенхем го заврши воениот рок

Ивона Петрова — Fri, 08 May 2020 09:22:46 +0000

Напаѓачот на Тотенхем и репрезентацијата на Јужна Кореја, Хјун Мин Сон го заврши задолжителниот воен рок во својата татковина. Стрелецот на „петлите“ настапи на многу високо ниво за време на тринеделниот тренинг и беше награден како еден од петте најдобри кадети. Морнарицата на азиската земја објави на социјалните мрежи фотографии од Сон со митралез М-16 во раката и му оддаде почит за завршувањето на обуката. Од сите мажи со добра здравствена состојба во азиската земја се бара да отслужат 2 години воена служба, а тоа сочинува голем дел од армијата во земјата од 600.000 војници. Сличен период надвор од фудбалот ќе ја загрозеше спортската кариера на Сон, но во 2018 година тој и неговите соиграчи од националниот тим добија право на значително смален воен рок, по освојувањето на титулата на Азиските игри.

Heung-min Son has finished his military training in Korea. He will receive the "Pilseung" award at the military training completion ceremony, ranking 1st among 157 trainees. ??#THFC @SpursOfficial #heungminson pic.twitter.com/pIKq1MHigU
— FlashScore.in (@FlashScore_IN) May 8, 2020

Напаѓачот реши да ја искористи присилната пауза во Премиер лигата поради пандемијата од КОВИД-19 за да го заврши воениот тренинг, бидејќи се одликуваше како еден од најдобрите пет кадети од сите 157 лица на курсот. – Сон се справи исклучително добро во сите области на обука, вклучително и воена етика и обука за безбедност, рече портпаролот на морнарицата на Јужна Кореја. Најверојатно, Сон сега ќе се врати во Велика Британија, каде на екипите се очекува наскоро да им се овозможи да продолжат со целосен тренинг со идејата за рестартирање на сезоната во Премиер лигата во јуни.

Сон: Мораме да се навикнеме на Мурињо

Дарко Андоновски — Sun, 24 Nov 2019 14:12:09 +0000

Sвездата на Тотенхем, Хјун-мин Сон призна дека на него и неговите соиграчи ќе им треба време да се навикнат на директниот стил на игра на нивниот нов менаџер, Жозе Мурињо. – Треба да се прилагодиме на нешто ново. Но, игравме добро против Вест Хем и ја завршивме нашата работа. Беше тешко бидејќи немавме многу време да се подготвиме. Среќни сме што ги освоивм трите бода. Беше тешка недела за нас. Сега треба да се прилагодиме на новите работи, новиот систем, но можеби тренерот ќе биде среќен денес. Затоа што заслуживме да победиме. Треба да научиме некои нови работи. Поведовме со 3-0 и Мурињо ни рече дека треба да бидеме сконцентрирани. Моравме да ја убиеме интригата со уште еден, изјави репрезентативецот на Јужна Кореја.

Кореец прогласен за најдобар фудбалер во Лондон

Ивана Ефремовски — Fri, 01 Mar 2019 12:56:20 +0000

Кореанецот Хјун Мин Сон беше избран за најдобар фудбалер на Лондон за сезоната, откако постигна 16 гола во 34 натпревари досега за Тотенхем во сите натпреварувања. На традиционалните награди на англиската престолнина, 26-годишниот фудбалер доби признание откако стана клучна фигура за Тотенхем, а освен тоа и помогна на националниот тим да стигне до четвртфиналето во Купот на Азија. Сон ги остави зад себе клубскиот колега во Тотенхем, Хари Кејн, Пјер-Емерик Обамејанг од Арсенал, Еден Азар од Челзи и Андрос Таунзенд од Кристал Палас. Победникот беше определен од комисија од 22 лица, вклучувајќи експерти и поранешни фудбалери како Боби Замора, Боб Вилсон и Тони Котиер. „Тоа значи многу, но без моите соиграчи не би можел да го сторам тоа“, рече Сон. Триумфот на Тотенхем беше полн, бидејќи кај тренерите наградата отиде кај Маурисио Почетино кој покажа смисла за хумор велејќи по добивањето на наградата: „Како што некои луѓе се пошегуваа – конечно освоив трофеј! Се разбира, ова е голема чест за мене“. (МИА)

What a wonderful night! Thank you for your vote and support! #COYS pic.twitter.com/cWWY3SSeqe
— Heung-Min Son (손흥민) (@hm_sin7) March 1, 2019