Хјустон Рокетс – Kurir.mk

Две НБА екипи им доделија отказ на тренерите

Бошко Тасиќ — Wed, 12 Apr 2023 04:17:46 +0000

Двете најслаби екипи оваа сезона во НБА лигата, Детроит Пистонс и Хјустон Рокетс ќе добијат нови тренери откако ја раскинаа соработката со досегашните стратези. Стивен Сајлас си заминува од Хјустон по три тешки години на клупата на тимот од Тексас кој минуваше низ период на транзиција. Во трите сезони оствари вкупно 59 победи на 236 натпревари (25%). Како можни наследници на Сајлас се спомнуваат Ник Нурс, Франк Вогел, Кени Еткинсон и Име Удока. Нешто поинаква е ситуацијата со Двејн Кејси кој нема да биде тренер на Детроит Пистонс, но сепак ќе остане во франшизата, како дел од менаџментот. Тимот од Мичиген беше убедливо најслаб во лигата со само 17 победи. Засега не е познато кој би можел да го замени Кејси на тренерската позиција

Харден се враќа во Хјустон?

Бошко Тасиќ — Mon, 26 Dec 2022 05:58:31 +0000

Американскиот кошаркар Џејмс Харден изрази желба да се врати во Хјустон Рокетс, пишува Адријан Војнаровски. Добро информираниот кошаркарски известувач и инсајдер на „ЕСПН“ вели дека Харден сериозно размислува за враќање во Тексас. Според неговите информации, Харден би се одлучил на овој потег доколку не се договори со Филаделфија околу нова соработка. Џејмс Харден веќе некое време размислува за враќање во Хјустон, а приказната сега е доста сериозна, бидејќи неговата ситуација во Филаделфија е нестабилна. Исто така се наведува дека останувањето на Харден во голема мера ќе зависи од неговата соработка со Џоел Ембиид, особено во плеј-офот кога тимот нема право на кикс. Харден потпиша двегодишен договор со Сиксерси вреден 68,6 милиони долари.

Голем трејд помеѓу Хјустон и Оклахома

Бошко Тасиќ — Sat, 01 Oct 2022 05:29:11 +0000

НБА тимовите на Оклахома сити Тандер и Хјустон Рокетс се договорија за трејд во кој беа вклучени дури осум кошаркари. Оклахома сити Тандер ќе ги добие Дејвид Нваба, Стерлинг Браун, Треј Бурк и Маркиз Крис. Хјустон Рокетс од нив ги добива Дерик Фејворс, Тај Џером, Мо Харклес и Тео Маледон, заедно со пикот од втората рунда во 2025 година што го добија од Атланта Хокс. Се проценува дека тој пик би можел да биде солидно пласиран на листата, некаде помеѓу 31. и 40. место.

Оклахома со овој потег ќе ослободи 10 милиони долари од данокот на луксуз.

Тренерот на Хјустон емотивно се „распадна“ на конференција (ВИДЕО)

Магдалена Андонова — Tue, 23 Mar 2021 18:03:10 +0000

Хјустон Рокетс го забележа 20-от врзан пораз во сезоната, а тренерот Стивен Силас се распадна на прес-конференцијата по натпреварот! Пред два дена славеше Оклахома, што беше 20-ти последователен пораз од „ракетите“. На почетокот на конференцијата, Силас пушти солза и едвај ја задржа присебноста и одговори на неколку прашања од новинарите. По овој настан, бројни тренери во НБА го поддржаа, па Док Риверс, Стив Кер, Лук Волтон и Дон Нелсон му испратија пораки за поддршка. И на крајот сето ова имаше ефект! Играчите дадоа се од себе и го добија натпреварот против Торонто следниот ден. Инаку, Хјустон има 12 победи и 30 порази.

Хјустон постави негативен клупски рекорд

Дарко Андоновски — Thu, 18 Mar 2021 08:01:27 +0000

Кошаркарите на Хјустон рокетс ноќеска загубија од Голден Стејт со 108:94. Поразот беше 18-ти по ред за „ракетите“ во регуларниот дел од НБА-лигата оваа сезона. Ова е антирекорд по бројот на загубени натпревари во низа. Претходно, негативниот рекорд изнесуваше 17 порази по ред и беше поставен во 1968 година. Хјустон е на претпоследното, 14. место на табелата во Западната конференција. Екипата сезонава има 11 победи и 28 порази.

Харден и Хјустон се справија со Лејкерс

Магдалена Андонова — Fri, 07 Aug 2020 08:05:25 +0000

Лидерот на Југозападната дивизија, Хјустон Рокетс го совлада лидерот на Пацифичката, Лос Анџелес Лејкерс со 113-97 во најинтересниот натпревар во НБА вечерва. Џејмс Харден беше над сите со 39 поени, 12 асистенции и 8 скокови за Рокетс, а Бен Меклемор додаде 20 поени. Лејкерс имаа сериозни потешкотии во нападот во отсуство на повредениот Леброн Џејмс. Ентони Дејвис заврши со 17 поени и 12 скокови, а најдобар стрелец за Лејкерси беше Кајл Кузма со 21 поен. Богдан Богдановиќ постигна 35 поени за победата на Сакраменто Кингс со 140-125 над Њу Орлеанс Пеликанс. Ова е прва победа на Кингс од рестартирањето во НБА. Ди Аарон Фокс додаде 30 поени и 10 асистенции за успех. Портланд Tрејлблејзерс го совладаа Денвер Нагетс со 125-115. Демијан Лилард заврши со 45 поени и 12 асистенции, израмнувајќи го својот рекорд со 11 реализирани тројки. Гери Трент додаде 27 поени на успехот на Портланд. Резултати од НБА: Сакраменто – Њу Орлеанс 140: 125 Милвоки – Мајами 130: 116 Феникс – Индијана 114: 99 Далас – ЛА Клиперс 111: 126 Денвер – Портланд 115: 125 Хјустон – ЛА Лејкерс 113: 97 (MИА)

Четврта последователна победа за Њу Орлеанс

Ивона Петрова — Mon, 30 Dec 2019 08:44:06 +0000

Кошаркарите на Њу Орлеанс пеликанс го остварија четвртиот триумф по ред во НБА лигата, откако ноќеска беа поуспешни од Хјустон рокетс со 127:112. За Пеликанс ова беше 11 победа наспроти 23 порази во досегашниот дел од сезоната, додека Хјустон го запиша 11-от пораз во 33 натпревари. Резултати на другите натпревари од НБА лигата одиграни ноќта меѓу недела и понеделник: Торонто – Оклахома 97:98 Денвер – Сакраменто 120:115 Мемфис – Шарлот 117:104 ЛА лејкерс – Далас 108:95. Во Западната конференција води Лос Анџелес лејкерс со 26-7 (победи-порази), пред Денвер со 23-9 и Лос Анџелес клиперс со 23-11. На Исток прв е Милвоки со 29-5, пред Мајами со 24-8 и Бостон со 22-8.

Хјустон обезбеди место во плеј-офот

Дарко Андоновски — Mon, 25 Mar 2019 07:40:34 +0000

Кошаркарите на Хјустон рокетс забележаа победа на гостувањето кај Њу Орлеанс во првиот од четирите НБА натпревари одиграни ноќта меѓу недела и понеделник. Со овој триумф Хјустон и теоретски го потврди пласманот во разигрувањето за титулата. Постигнати резултати: Њу Орлеанс – Хјустон 90:113 Бостон – Сан Антонио 96:115 Голден Стејт – Детроит 121:114 Лос Анџелес лејкерс – Сакраменто 111:106. Покрај Хјустон, место во плеј-офот од Западната конференција имаат обезбедено Голден Стејт и Денвер, додека од Истокот, сигурни учесници во разигрувањето се Милвоки, Торонто, Филаделфија и Индијана.

Хјустон потпиша четиригодишен договор со Крис Пол

Ивона Петрова — Mon, 09 Jul 2018 06:42:59 +0000

Плејмејкерот Крис Пол и следните четири години ќе настапува за Хјустон Рокетс, потврди НБА лигашот преку својата официјална веб-страница. Деталите за новиот договор на 33-годишниот играч не се објавени, но медиумите шпекулираат со износ од 160 милиони долари. Минатата сезона, Пол постигнуваше во просек по 18,6 поени по натпревар, надополнети со 5,4 скока и 7,9 асистенции. Пред Хјустон, Пол има играно за ЛА Клиперс и Њу Орлеанс.

Ниту 51 поен на Харден не го спасија Хјустон од пораз

Ивона Петрова — Thu, 21 Dec 2017 08:06:40 +0000

Џејмс Харден одигра уште еден одличен натпревар, но и покрај 51 постигнат поен и деветте негови скока, Хјустон Рокетс го загуби натпреварот од Лос Анџелес Лејкерс одигран ноќеска во „Тојота Центар“ со резултат 122:116. Во победничкиот тим се истакна Кајл Кузма со 38 поени, при тоа оствари седум скока и четири асистенции. За Лејкерс ова беше 11. победа во 29. натпревар, додека Хјустон е лидер во Западната конференција од НБА лигата со 25 победи и само пет порази.