Хјустон – Kurir.mk

Двајца загинати и двајца ранети по хаос во клуб во Хјустон

Ивана Ефремовски — Tue, 01 Jun 2021 07:36:50 +0000

Напаѓач пукал во полн ноќен клуб во Хјустон во понеделникот рано наутро, пред да биде убиен од заменик-шерифот кој не бил на должност. Тој работел како чувар во клубот. -Напаѓачот започнал да пука во клубот „Кле“ во понеделникот во 01.21 часот, по што бил застрелан од заменик-шерифот на округот Харис, изјави началникот на полицијата Трој Финер. Во пукањето загина уште едно лице, а две се ранети, од кои едното е во критична состојба, пренесе „Дејли меил“. Полицијата во Хјустон синоќа потврди дека заменикот го убил напаѓачот, но не е познато кој ги погодил преостанатите три лица. „Сигурно е дека тоа не бил заменикот“, соопшти полицијата. Двете лица кои биле повредени се пренесени во болница, едното во критична состојба, а другото било пуштено на домашно лекување откако му е санирана раната на ногата. (МИА)

ФОТО: Или Клинички ќе биде како оној во Хјустон или владата нешто мати за 550 милиони евра

Тале Кристо — Wed, 24 Feb 2021 09:31:35 +0000

Ова е медицинскиот центар во Хјустон, Тексас кој го гради приватна компанија. Истиот чини точно 550 милиони долари. Има 19 спратови за студентски простории, 19 спратови за академски простории и 30 спратови медицински простории. Ќе биде целосно опремен, и изграден на површина од над 22 илјади квадрати метри. Треба да се има во предвид дека Хјустон веќе има медицински центри, но нема ваков за кој приватната компанија ќе потроши вкупно 550 милиони долари, за град како Хјустон кој има над 7 милиони жители. Деновиве Владата има предложено предлог закон за нов Клинички центар за кој првичната сума е 500 милиони евра и тоа само за сува градба, без пресметани дополнителни давачки. Во 2018 година тогашниот министер за финансии Драган Тевдовски истакна дека парите за нов Клинички ќе бидат вратени без државата да плати пенали или дополнителни средства. Тој тогаш појасни дека договорот е склучен на 97 милиони евра, од кои 70 милиони се за Клиничкиот центар во Скопје и кои ќе бидат вратени во Банката на Советот на Европа. Остана нејасно зашто Владата ќе ги врати парите, а дополнително сега ќе се задолжи за (сеуште не се знае колку) и сеуште министерството за здравство не кажува каде ќе се задолжиме за истото. Министерството за здравство и Владата сега убедува дека за 550 милиони евра или скоро 670 милиони долари колку што би чинел новиот Клинички центар ќе изгледа како Медицинскиот центар во Хјустон кој чини дури и помалку од тоа што е предвидено за новиот Клинички центар. Притоа само сува градба, без предвидени академски простори, без наведени хируршки сали и медицински простории, за град колку Скопје што нема ни пола милион жители, ќе потрошиме или ќе се задолжиме, не знаеме каде, ни за колку точно пари . Точната сума не е предвидена во новиот закон затоа што министерот се уште не знае колку ќе чини истиот. Или новиот Клинички ќе изгледа како на фотографиите од Хјустон или владата нешто мати со износите и од ракав ги одредува.

Јокиќ е првиот центар по Чембрлен кој направи 18 асистенции на еден натпревар

Тале Кристо — Tue, 29 Dec 2020 07:40:54 +0000

Центарот на Денвер, Никола Јокиќ на денешниот натпревар против Хјустон (124:111) постави личен рекорд по бројот на асистенции на еден меч – 18. Јокиќ стана првиот центар по Вилт Чембрлен кој остварил 18 асистенции на еден натпревар. Исто така, српскиот кошаркар го направи својот 43-ти трипл-дабл во кариерата со 19 поени и 12 скока и се израмни со Фет Левер, кој е лидер во оваа статистичка категорија во историјата на клубот.

Казинс кариерата ќе ја продолжи во Хјустон

Тале Кристо — Tue, 24 Nov 2020 10:24:56 +0000

Центарот Демаркус Казинс својата кариера ќе ја продолжи во Хјустон, објави инсајдерот на „Атлетик“, Шамс Харанија. Според изворот, 30-годишниот Американец потпишал негарантиран договор за период од една година. Казинс е четирикратен НБА-ол-стар и олимписки шампион со тимот на САД. Минатото лето, кошаркарот потпиша договор со Лејкерси, но беше избркан од тимот во февруари 2020 година, бидејќи немаше одиграно ниту еден натпревар за Лејкерс поради повреда на коленото.nbana

Вестбрук веќе следниот викенд може да биде во составот на Хјустон

Магдалена Андонова — Mon, 17 Aug 2020 17:29:07 +0000

Плејмејкерот на Хјустон рокетс, Расел Вестбрук може да се врати на теренот претстојниот викенд. Оваа информација во јавноста ја изнесе инсајдерот Шемс Чаранија. За в сабота е закажан третиот натпревар од првата рунда во НБА плејофот меѓу Хјустон и Оклахома. Вестбрук закрепнува од повреда на бутниот мускул. (МИА)

НБА: 149 поени не беа доволни за Далас да го победи Хјустон

Магдалена Андонова — Sat, 01 Aug 2020 08:07:45 +0000

Хјустон Рокетс го совладаа Далас Маверикс со 153-149 по продолжение во дербито на Тексас во дуел кој се одигра во Орландо, Флорида. Маверикс, кои се борат за место во плеј-офот на Западот, водеа во најголем дел од редовното време, нивното водство во еден момент достигна 14 поени, но кош на Роберт Ковингтон на три секунди пред крајот го одведе мечот во продолжение. Во него, „Ракетите“ беа поцврсти и запишаа успех со четири поени разлика. Најдобар стрелец беше Џејмс Харден со 49 поени, 9 скокови, 8 асистенции, 3 украдени топки и 3 блока, а Расел Вестбрик додаде 31 поен, 11 скокови и 8 асистенции, а уште пет играчи стигнаа до двоцифрен број на поени. За Маверикс, Лука Дончиќ постигна „трипл-дабл“ со 28 поени, 13 скока и 10 асистенции, а центарот Кристапс Порзингис запиша импресивен „дабл-дабл“ од 39 поени и 16 скока. Треј Бурк испорача силно од клупата, постигнувајќи 31 поен за 29 минута игра, но тоа не беше доволно за победа. Продолжение гледавме и на натпреварот помеѓу Портланд Трејблајзерс и Мемфис Гризлис, кој заврши со успех за Портланд со 140:135. Ова беше исклучително вреден успех, бидејќи овие две екипи во моментов се во битка за осмото место во Западната конференција. „Гризлите“ продолжуваат да ја заземаат осмата позиција со 32 победи и 34 порази, додека „пешаците“ имаат биланс од 30-37 на 9-то место. Битката меѓу две од водечките екипи на Истокот заврши со победа на Милвоки Бакс над Бостон Селтикс со 119:112. (МИА)

САД побараа од Кина да го затвори конзулатот во Хјустон

Тале Кристо — Wed, 22 Jul 2020 08:57:21 +0000

Соединетите Американски Држави одеднаш наредија Кина да го затвори својот конзулат во Хјустон, соопшти Министерството за надворешни работи на азиската држава. Одлуката на Вашингтон е опишана како „невидена политичка провокација“ што дополнително ќе ги наруши дипломатските односи. – Кина ги повика САД веднаш да ја повлечат погрешната одлука или Кина дефинитивно ќе преземе соодветен и неопходен одговор, изјави портпаролот на кинеското Министерство. Тој додаде дека вчера американските власти побарале од кинеската Влада да го затвори својот конзулат. Претставникот истакна дека одлуката на САД е едностран потег. Пекинг се закани дека ќе одговори со „цврсти контра мерки“ доколку Вашингтон не се откаже од одлуката. Кинеската Влада ги обвини американските власти за малтретирање кинески дипломати и заплашување кинески студенти со конфискација на лични електронски уреди и приведување без причина. Нагласено е дека кинеските дипломатски мисии и персонал често добиваат смртни закани. – Кина остро го осудува скандалозниот и неоправдан потег, што ќе ги саботира кинеско – американските односи, истакна кинескиот портпарол. САД и дадоа на Кина 72 часа да го затвори својот конзулат во Хјустон. Полицијата и противпожарната служба во американскиот град пристигнале во конзулатот, по дојава дека се палеле документи во отворени контејнери, јавуваат локалните медиуми, повикувајќи се на полицијата. На пожарникарите не им било дозволено да пристапат, но подоцна пожарот е изгаснат. Никој не е повреден. Тензиите меѓу двете земји ескалираа во последните месеци, кога САД и Кина се судрија во голем број области, вклучително и на економско и на политичко ниво.

Sвездата на Хјустон Рокетс позитивна за коронавирус

Магдалена Андонова — Mon, 13 Jul 2020 18:07:04 +0000

Расел Вестбрук и Џејмс Харден, ѕвездите на Хјустон, оваа недела требаше да им се придружат на своите соиграчи во „Дизни Светот“, но, барем што се однесува до Вестбрук, тоа нема да се случи. –Дефанзивецот на Хјустон, Расел Вестбрук изјави дека е позитивен за коронавирусот и е во самоизолација, напиша Шамс Шаранија, новинар на Атлетик, на Твитер. Потоа се обрати и Вестбрук. –Во моментов се чувствувам добро, јас сум во карантин и со нетрпение очекувам да се вратам на соиграчите кога ќе ми биде одобрено. Ви благодарам за сите ваши желби и постојана поддршка. Ве молам, сфатете го сериозно овој вирус. Внимавајте и носете маски, вели поранешниот играч на Њу Орлеанс.

Хјустон го прогласи 9 јуни за Ден на Џорџ Флојд

Ивона Петрова — Wed, 10 Jun 2020 05:51:52 +0000

Властите на американскиот град Хјустон во државата Тексас одлучија да го прогласат 9 јуни за Ден на Џорџ Флојд, чија смрт во Минеаполис при полициско апсење предизвика масовни протести во САД и низ светот. – Го славиме Џорџ Флојд не затоа што беше совршен, туку затоа што по неговиот последен здив сите ние можеме слободно да дишеме. Затоа јас, градоначалникот на Хјустон Силвестер Тарнер, со гордост го прогласувам овој ден за Ден на Џорџ Флојд во Хјустон, напиша Тарнер на Твитер. Флојд, кој почина н 46-годишна возраст, е роден во државата Северна Каролина, но израснал и повеќето време живеел во Хјустон, од каде во 2014 година се преселил во Минеаполис. Вчера тој беше погребан во предградие на Хјустон.

Афроамериканецот Џорџ Флојд ќе биде погребан денеска во Хјустон

Тале Кристо — Tue, 09 Jun 2020 08:57:06 +0000

Афроамериканецот Џорџ Флојд, чија насилна смрт предизвика протести против расизмот низ целиот свет, ќе биде погребан денеска во Хјустон. Флојд (46) беше убиен за време на бруталното апсење во Минеаполис, кога полицаецот Дерек Шовин, сега обвинет за убиството, го притисна со коленото на вратот и го држеше во таа позиција скоро девет минути. На комеморацијата, што се одржа вчера во неговиот роден град Хјустон, присуствуваа околу 6.000 луѓе, а погребот ќе биде приватен.