Хоакин Феникс – Kurir.mk

„Џокер 2“: Лејди Гага и Хоакин Феникс во помош на колега при пад на скали, избегнати посериозни повреди (ВИДЕО)

Ивана Ефремовски — Tue, 04 Apr 2023 07:24:41 +0000

Нови фотографии од снимањето на филмот „Џокер 2“ ги прикажуваат Лејди Гага и Хоакин Феникс како му помагаат на колега кој паднал по „култните“ скали во њујоршката општина Бронкс. Пејачката-глумица во мигот на инцидентот е облечена и нашминкана како антихероината Харли Квин. Се чини, човекот не е сериозно повреден. Несреќата ги принуди неа и Феникс (Џокер) кусо да ја прекинат сцената и да му помогнат на човекот да се качи по главните скали пред да продолжи снимањето. Продолжението на психолошкиот трилер е во режија на Тод Филипс, кој го напиша и сценариото со Скот Силвер. Прикажувањата се закажани за идната 2024 година. Лејди Гага ја глуми антихероината на „Ди-си комикс“. Меѓу глумиците кои претходно го толкуваа овој лик кој се вљубува во (не)славниот антагонист Џокер, се Марго Роби и Кејли Куоко. (МИА)

ВИДЕО: Хаос на улиците, први клипови од снимањето на „Џокер 2“

Ивона Петрова — Mon, 06 Mar 2023 17:49:11 +0000

Хоакин Феникс (48) е виден на снимањето на новото продолжение, филмот „Joker: Folie a Deux“. Во објавите кои кружат на социјалните мрежи, актерот трча низ улиците на Лос Анџелес. Станува збор за сцена во која Џокер го бркаат, но тој на крај успева да побегне.

View this post on Instagram

A post shared by 🌑🕸🌕⚔🍷🗝 (@eyesneverliechico)

Во оваа сцена Хоакин бил облечен во деловен костум, додека по него трча уште еден актер маскиран во Џокер.

Joaquin Phoenix filming a scene for ‘JOKER: FOLIE À DEUX’ in LA. 👀 pic.twitter.com/b5pj2nLXh0
— Complex Pop Culture (@ComplexPop) March 5, 2023

Со него е режисерот Тод Филипс, кому не му пречеше фактот што луѓето околу него го снимаа со телефоните главниот лик во акција. Да потсетиме, Лејди Гага (36) треба да се појави во филмот како Харли Квин.

ФОТО: Објавена првата фотографија од сетот на „Џокер 2“

Ивона Петрова — Mon, 12 Dec 2022 08:29:40 +0000

Хоакин Феникс повторно ќе блесне во улогата за која доби Оскар. Продолжението на филмот „Џокер“ ќе излезе на 4 октомври 2024 година, јавуваат странските медиуми. Директорот на оваа продукција ја објави првата фотографија од сетот, од претстојниот трејлер, на кој се гледа Хоакин Феникс, кој повторно ќе ја игра улогата на Џокер.

First look at #Joker2 🃏 pic.twitter.com/uj5S7qc6jB
— Culture Crave 🍿 (@CultureCrave) December 11, 2022

Лејди Гага потврди: Ќе ја игра Харли Квин во новото продолжение на „Џокер“

Ивона Петрова — Fri, 05 Aug 2022 06:38:15 +0000

Пејачката Лејди Гага потврди дека ќе ја игра една од главните улоги во новото продолжение на популарниот филм „Џокер“. Таа заедно со Хоакин Феникс, кој доби Оскар за улогата на Џокер, ќе се најде во новото продолжение на филмот како Харли Квин, Режисер на филмот е Тод Филипс. Филипс веќе некое време го пишува сценариото заедно со косценаристот Скот Силвер. Кон средината на јуни тој го откри насловот на новиот проект „Joker: Folie à deux“, кој упатува на медицински термин за идентично или слично ментално заболување кај две или повеќе лица, односно членови на едно семејство. Наводно, вториот дел од филмот е мјузикл. Продуцентот на новиот Џокер беше продуцент и на „Ѕвездата е родена“ во која главата улога ја имаше токму Лејди Гага. Пејачката објави краток тизер, со што потврди дека таа и Хоакин се главните улоги.

Joker: Folie à Deux 10.04.24 pic.twitter.com/obp7T9lBFL
— Lady Gaga (@ladygaga) August 4, 2022

„Лудило за двајца“: Објавен датумот на премиерата на продолжението на Џокер

Магдалена Андонова — Thu, 04 Aug 2022 08:31:10 +0000

Продолжението на оскаровецот психолошки трилер „Џокер“ ќе се појави во кината ширум светот на 4 октомври 2024 година, соопшти портпаролот на филмската компанија Ворнер Брос. Хоакин Феникс повторно ќе ја игра главната улога во продолжението на „Џокер: Лудило за двајца“, пренесува Ројтерс. Феникс доби Оскар за најдобар актер во 2019 година за улогата на Џокер. Други детали за продолжението на филмот се уште не се соопштени од Warner Bros. Списанието „Variety“ сепак објави дека новиот филм ќе биде мјузикл, а се очекува улогата на соработничката на Џокер, Харли Квин, да ја игра Лејди Гага. Оригиналниот „Џокер“ на Филипс беше премиерно прикажан во 2019 година и го претстави иконскиот негативец од стриповите и филмовите за Бетмен, од неговите почетоци како комичар и кловн, до насилник подготвен да ја уништи цела Готам. Оригиналниот филм за Џокер беше огромен успех на бокс офисот во кината ширум светот.

Хоакин Феникс ќе го игра Наполеон во новиот филм на Ридли Скот

Тале Кристо — Fri, 16 Oct 2020 12:44:48 +0000

Познатиот холивудски режисер Ридли Скот, кој моментално работи на филмот „Последниот дуел“ со Мат Дејмон, веќе го има планирано својот следен блокбастер. Осумдесет и две годишниот режисер на „Гладијатор“ одлучил да го покани Хоакин Феникс, ѕвездата на неговиот хит од 2000 година, во улога на Наполеон во историската сага „Kitbag“. Засега се знае само дека филмот ќе ги прикаже раните години од животот на идниот француски император и неовиот непоколеблив и истраен подем во француската политика, јави денеска портолот Татлер. Насловот доаѓа од зборовите „патничка торба“, и се повикува на поговорката од времето на наполеоновските војни: „секој војник во својот ранец го носои жезлото на маршалот“. Сеуште не е утврден датумот на почеток на снимањето.

Хоакин Феникс го доби своето прво дете – Синот ќе го носи името на неговиот починат брат!

Магдалена Андонова — Mon, 28 Sep 2020 08:52:18 +0000

Актерот се труди приватниот живот максимално да го сочува од очите на јавноста… Актерот Хоакин Феникс (45) и неговата вереница Руни Мара (35) станаа родители на момче на кое му го дадоа името Ривер Феникс, по починатиот брат на славниот актер. Среќните вести случајно ги откри режисерот Виктор Косаковски на филмскиот фестивал во Џирих, додека зборуваше за соработката со Хоакин Феникс на филмот „Гунда“. -Тој всушност само што доби бебе… прекрасен син кој го нарекоа Ривер, кажа режисерот.

🚨 Viktor Kossakovsky 📽️, Gunda: He just had a baby Boy who's Called River. ( about Joaquin) pic.twitter.com/WuUISnuTsZ
— Max California's Lover (@Paula_FlorV) September 27, 2020

Хоакин и Руни досега немаат потврдено ништо за раѓањето на синот, а во јавноста не говореа ниту за својата веридба. Хоакин доаѓа од актерско семејство. Неговите сестри се актерки, но и неговиот брат Ривер Феникс беше познат актер кој трагично загина на врвот од кариерата. Во неколку ретки интервјуа, Хоакин говореше дека токму Ривер е заслужен за тоа што тој влегол во светот на глумата, и дека тој се пронаоѓа по малку во секоја негова улога. Семејна професија во семејството на Руни Мара, исто така е глумата. Имено, нејзината сестра Кејт Мара е популарна холивудска актерка.

ВИДЕО: „Џокер“ му го донесе првиот Оскар на Феникс за најдобра машка главна улога

Ивона Петрова — Mon, 10 Feb 2020 07:22:37 +0000

Американската филмска академија му додели Оскар за најдобра машка главна улога на Хоакин Феникс за брилијатното остварување во „Џокер“, негов прв Оскар. Иако конкуренцијата била силна, според оценките на критичарите Феникс бил апсолутен фаворит. -Не се чувствувам подобар од своите колеги, бидејќи делиме иста љубов кон филмот и овој начин на изразување кој ми донесе неверојатен живот. Не знам каде би бил да ја нема глумата. Бев никаков, некогаш бев груб, некогаш тежок за соработка. Многумина кои се во оваа просторија ми дадоа втора шанса, истакна тој по превземањето на статуетката. Говорот го заврши со лична исповед во која го спомена и својот починат брат.

„Паразит“ со четири Оскари влезе во историјата, „1917“ доби два, Феникс и Зелвегер наградени за главни улоги

Ивона Петрова — Mon, 10 Feb 2020 06:32:31 +0000

Годинешните награди Оскар приредија повеќе изненадувања, наградата за најдобар интернацинален филм, најдобра режија и најдобар филм отиде кај ривалот на „Медена земја“, јужнокорејскиот филм „Паразит“. Со двојната номинација на документарецот „Медена земја“ и главната награда за најдобар филм првпат да ја добие филм од неанглиско говорно подрачје, 92. Оскари станаа навистина историски и го покажува фокусот на Американската филмска академија на меѓународната кинематографија. Американската филмска академија му додели Оскар за најдобра машка главна улога на Хаоким Феникс за брилијатното остварување во „Џокер“, негов прв Оскар, додека наградата за најдобра женска главна улога отиде кај Рене Зелвегер за „Џуди“. Зелвегер има добиено Оскар за најдобра споредна женска улога за филмот „Студена планина“ од 2003 година. За најдобра машка споредна улога Оскарот го доби Бред Пит. Ова е прв Оскар на Пит за најдобра улога, има добиено уште еден, за продукција на филмот „12 мајмуни“. Наградата за најдобра споредна женска улога отиде кај Лора Дерн за филмот „Брачна приказна“. Детскиот „Приказна за играчки 4“ доби Оскар за најдобар анимиран филм, додека за најдобар краток анимиран филм наградата ја доби „Влакнеста љубов“. Оскар за најдобро сценарио отиде кај Бонг Џун Хо, за јужнокорејскиот филм „Паразит“, додека за најдбро адаптирано сценарио успеа Таика Ваитити за филмот „Џо-Џо зајакот“. Оскарот за најдобар документарен филм сепак го доби „Американска фабрика“, во истата категорија беше номиниран и македонскиот „Медена земја“. Во својот настап пред преполната сала во театарот Долби во Лос Анџелес, режисерите на „Американска фабрика“, Стивен Богнер и Џулија Рајхард, изјавија дека се восхитуваат на филмските работници од документаристиката. -Имаме голема чест што овде покрај нас се филмаџии кои ни го пренесуваат реалниот живот од боиштата во Сирија, од политиката во Бразил и од природата во Македонија, изјави режисерката Рајхард. Оскарот за најдобор краток филм отиде кај „Прозорецот на соседот“. Понатаму, статуетки за најдобар дизајн и костимографија добија филмовите „Беше еднаш во Холивуд“ и „Малечки жени“. Најдобра филмска редакција е доделена за „Форд против Ферари“. Воената драма „1917“ доби три Оскари, за најдобри звук, кинематографија и визуелни ефекти. Наградата за најдобра шминка и фризура му припадна кај филмог „Бомба“. Наградата за интернационален филм, сепак не ја доби нашиот „Медена земја“, туку отиде кај јужнокорејскиот „Паразит“ кој доби Оскар и за најдобро оригинално сценарио и за најдобар филм и со тоа се впиша во истријата на Американската филмака академија. Оскарот за најдобра музичка тема го доби Хилдер Гуднатдотир, за своето остварување во „Џокер“, додека наградата за најдобра песна ја доби Елтон Џон за изведба во филмот „Рокетмен“.

Се свршија Хоакин Феникс и Руни Мара

Катерина Бојаџиева — Wed, 24 Jul 2019 10:54:27 +0000

Глумците Хоакин Феникс и Руни Мара, по три години врска, се свршија. Тој, наводно, ја запросил уште во мај, но тоа се дозна сега поради скапоцениот дијамантски прстен на нејзината рака. Венчавката ќе биде на приватна свеченост и поканети ќе бидат само неколкумина пријатели и роднини. Руни и Хоакин се запознаа 2013 година, на снимањето на филмот „Таа”, а стапија во врска во 2016 година, при снимањето на „Марија Магдалена”. Тој неколкупати правеше пауза од глумата, оти, како што самиот вели- му смета недостатокот на приватност и преголемото внимание од медиумите и обожавателите. Глумецот 2005 година отиде и на програма за одвикнување од алкохол, и тоа по продукцијата биографскиот филм „Одење по работ”.