хофенхајм – Kurir.mk

Хофенхајм го продолжи договорот со најдобриот стрелец на клубот на сите времиња

Тале Кристо — Mon, 14 Mar 2022 18:14:32 +0000

Германскиот фудбалски клуб Хофенхајм на својата официјална веб-страница објави дека напаѓачот Андреј Крамариќ го продолжил договорот. Страните потпишаа нов договор со важност до јуни 2025 година. Крамариќ за Хофенхајм игра од 2016 година. За тоа време, тој стана најдобар стрелец во историјата на клубот. До денес, 30-годишниот Хрват одигра 211 натпревар за Хофенхајм и постигна 101 гол.

Целиот тим на Хофенхајм е во изолација

Ивана Ефремовски — Wed, 11 Nov 2020 16:28:37 +0000

Германскиот фудбалски клуб Хофенхајм денеска го стави целиот тим во изолација, бидејќи се појавија три нови случаи на заразени со новиот коронавирус. Заразени се Себастијан Руди и Ишак Белфодил, како и уште еден член на стручниот штаб. Тестирањето на уште едно лице ќе се повтори, чиј резултат беше нејасен. Претходно, Јакоб Брун Ларсен и Мунас Дабур беа позитивни откако се приклучија на репрезентациите на Данска и Израел. Исто така, минатата недела во Хофенхајм имаше два позитивни случаи, еден фудбалер и еден член на стручниот штаб. Хофенхајм е во групата со Црвена звезда во Лигата на Европа, а натпреварот помеѓу германскиот и српскиот клуб ќе се игра на 3 декември во Белград. Претходно, германскиот клуб ќе се соочи со Штутгарт, Слован Либерец и Мајнц. (МИА)

Хофенхајм го победи Баерн, овa е прв пораз за Баварците по десет месеци

Магдалена Андонова — Sun, 27 Sep 2020 17:20:50 +0000

Хофенхајм попладнево издвојува убедлива победа над Баерн со 4:1 во 2. коло од германската Бундеслига. Единствениот гол за Баерн го постигна дефанзивецот Џошуа Кимих. Кај домаќините двоен стрелец беше Андреј Крамариќ, додека по еднаш погодија Мунас Дабур и Ермин Бичакчиќ. Последен пат тимот на Минхен загуби во декември 2019 година. Тогаш Баерн загуби од Борусија Менхенгладбах со 1:2. Екипата на Ханси Флик е на 6. место со 3 бода во поредокот во Бундеслигата. Хофенхајм е прв со максимални 6 бода. (МИА)

Хофенхајм го отпушти тренерот Шрејдер

Тале Кристо — Tue, 09 Jun 2020 08:20:59 +0000

Раководството на германскиот фудбалски прволигаш Хофенхајм го раскина договорот со тренерот Алфред Шредер. Соработката на 47-годишниот Холанѓанец со бундеслигашот требаше да трае до јуни 2022 година, но предвреме заврши. Хофенхајм го објаснува заминувањето на Шредер со тоа што страните не се согласија за понатамошен развој на клубот. Тренерот го презема тимот пред почетокот на оваа сезона. По 30 кола, Хофенхајм е на солидното 7. место во Бундеслигата.

Борусија Дортмунд и Хофенхајм под истрага во Германија

Предраг Кукиќ — Mon, 24 Sep 2018 13:43:22 +0000

Германскиот фудбалски сојуз ќе ги испитува Хофенхајм и Борусија Дортмунд поради навредливите транспаренти на навивачи на адреса на Дитмар Хоп, кој е претседател на Хофенхајм. Навивачите на „жолто-црните“ се предмет на истрага за неспортски манифестации, додека домаќините од Хофенхајм ќе бидат испитани за недоволната работа на обезбедувањето на дуелот помеѓу двата тима, одигран минатиот викенд. Главниот судија Харм Озмер даде почетен судиски сигнал на средбата, и покрај истакнатиот плакат со натпис „Довидување Хоп“, кој беше подигнат од приврзаници на Борусија. Седумдесет и осум-годишниот Хоп, кој е еден од основачите на софтверскиот гигант „САП“, инвестира огромни парични суми во Хофенхајм во последните околу две децении. - Во случај на идни такви случаи, дуелите не треба да започнат, рече Кристоф Шикхард, експерт за спортски закони, пред магазинот „Кикер“. Во саботата, Хофенхајм и Борусија Дортмунд одиграа нерешено 1:1. (МИА)