Хојт Ји: Западниот Балкан се преправа дека спроведува реформи

Предраг Кукиќ — Thu, 25 Apr 2019 08:54:10 +0000

Проширувањето на ЕУ до 2025 година не е реално и штетно е што Западниот Балкан се преправа дека спроведува реформи, а ЕУ дека тие се спроведени, изјави поранешниот заменик на помошникот државен секретар на САД за Европа и Евроазија Брајан Хојт Ји. –Нема потреба да се откажува од евроинтеграциите, но важно е да се биде искрен какви се изгледите на тој пат. Затоа што преправањето дека тоа е извесно и оти некои земји можат да станат членки до 2025 година, не само што им одмага на оние кои треба да спроведуваат реформи, туку ги охрабрува и клептократите, корумпираните функционери да им велат на луѓето дека членството ќе се случи за две, три, пет години и им дава повеќе кислород отколку што заслужуваат, рече Ји на собирот „Решавање на нерешливото на Западен Балкан“ во Вашингтон.

„Блиц“: Хојт Ји веројатно нов амбасадор на САД во БиХ

Александар Михаилов — Tue, 09 Jan 2018 07:41:35 +0000

Американскиот дипломат Хојт Брајан Ји ќе биде назначен за нов амбасадор на САД во БиХ, а не во Македонија, како што претходно е најавено од Стејт департментот, пишува весникот „Блиц“, повикувајќи се на неофицијални информации од дипломатски кругови во Белград. Изворот на „Блиц“, како што јавува Танјуг, лично слушнал во Скопје за можна промена на планот од страна на Вашингтон. Сепак, се уште станува збор само за шпекулации, бидејќи мандатот на актуелниот американски амбасадор во Скопје, Џес Бејли трае до ова лето, па до тогаш и официјално ќе биде познато каде ќе биде поставен Ји, додава „Блиц“, оценувајќи дека евентуалното негово именување во Сараево би имало многу поголемо влијание на односите со Србија поради релациите Белград-Бања Лука. Хојт Ји моментно е заменик-помошник на американскиот државен секретар за европски и евроазиски прашања.

Хојт Ји – Kurir.mk

Хојт Ји: Западниот Балкан се преправа дека спроведува реформи

„Блиц“: Хојт Ји веројатно нов амбасадор на САД во БиХ