Еврокомесарката за енергетика во посета на Киев заради зголемување на помошта за Украина

Тале Кристо — Tue, 01 Nov 2022 16:45:33 +0000

Комесарката за енергетика на Европската Унија Кадри Симсон денеска пристигна во посета на Киев за да обезбеди поддршка за енергетскиот сектор на Украина, која е погодена од војна. „Денеска сум во Киев за да помогнам да се зголеми поддршката за енергетскиот сектор на Украина. Украинската енергетска инфраструктура е под целен напад од Русија, сурова и нехумана тактика да предизвика човечко страдање со приближувањето зимата. ЕУ стои покрај Украина“, напиша Симсон на Твитер. Симсон пристигна во Киев еден ден откако руските ракетни напади оставија многу области во Украина без струја и вода, а еврокомесарката рече дека работи на зголемување на финансиската, техничката и практична помош за Украина бидејќи лично го видела обемот на воената штета. „Ова мора да дојде од институциите на ЕУ, земјите-членки, нашите меѓународни партнери и приватни донатори. Немаме време за губење!“, порача Симсон. Украинската енергетска инфраструктура е цел на руски воздушни напади од почетокот на војната во февруари, а тие напади се интензивираа откако експлозија го оштети стратешки важниот Кречки мост на Крим. На 20 октомври, украинската влада ги објави плановите за намалување на потрошувачката на енергија низ целата земја за 20 отсто поради помалото производство од оштетените енергетски капацитети. Според украинскиот претседател Володимир Зеленски, 30 отсто од електраните во Украина се уништени во нападите од 10 до 18 октомври.

Холандија во ефикасен дуел ја совлада Украина

Ивона Петрова — Mon, 14 Jun 2021 05:16:49 +0000

Репрезентацијата на Холандија ја победи Украина со 3:2 во вториот натпревар од 1.коло во Ц-групата на Европското фудбалско првенство. Средбата која се одигра во Амстердам понуди здодевно прво и суперефикасно второ полувреме. Холанѓаните поведоа со 2:0 преку Џорџињо Вајналдум и Ваут Вегорст постигнати во 52-та, односно и 59. минута. Во 75. минута Андреј Јармоленко намали на 2:1, а Роман Јаремчук во 79. минута го изедначи резултатот. Победата на домаќините им ја донесе Дензел Дамфрис во 85.минута. Холанѓаните и Австријците со по три бода се на првите две места, Украинците и Македонците се без бодови по почетното коло во оваа група. На 17 јуни македонската репрезентација ќе игра со Украина, додека Холандија во Амстердам ја дочекува Австрија.

холандија-украина – Kurir.mk

Еврокомесарката за енергетика во посета на Киев заради зголемување на помошта за Украина

Холандија во ефикасен дуел ја совлада Украина