холанѓанец – Kurir.mk

Овој човек има повеќе од 500 деца: Поради страв од инцест, доби забрана да донира сперма

Ивана Ефремовски — Mon, 01 May 2023 10:47:28 +0000

Државјанин на Холандија, кој станал татко на повеќе од 500 деца низ целиот свет преку донирање сперма, доби судска забрана да престане да донира семе на клиниките. Мажот е задолжен да им се обрати на сите клиники во странство и да побара да ги уништат сите примероци од неговото семе кои можеби ги имаат складирано, со исклучок на дозите кои се резервирани за родители кои веќе имале деца од него како донатор. Судската пресуда предвидува и казна од 100.000 евра за секое идно зачнување. Граѓанската тужба против 41-годишниот Холанѓанец ја поднела фондација која ги застапува интересите и на децата од донорот и на родителите кои го користеле мажот како донатор. Основа за тужбата им бил фактот дека со продолжувањето на донирањето од страна на Холанѓанецот, се нарушило правото на приватност на неговите деца чија слобода да формираат романтнични врски е сериозно загрозена од стравот за ненамерен инцест и зачнување деца меѓу блиску роднини. Масовните донации на сперма на мажот веќе биле во фокусот на холандската јавност во 2017 година. Тогаш му било забрането да продолжи да донира во клиниките за плодност низ Холандија, каде што е татко на повеќе од 100 деца. Но, тој продолжил да донира во странство, вклучувајќи ја и данската банка за сперама „Криос“, која работи меѓународно. Мажот продолжил да се нуди и на интернет-сајтови за парови кои бараат донатор. Понекогаш употребувал различни имиња.

Холанѓанец, газда на расадник, убиен во Тетово

Дарко Андоновски — Fri, 10 May 2019 13:37:26 +0000

Државјанин на Холандија, сопственик на расадник за украсни дрвца во тетовско село Прељубиште е убиен на имотот, дознава МИА од извори во истрагата.

Од СВР Тетово информираат дека во полицискиото одделение во Јегуновце е пријавено дека има најдено мртво тело на имотот на расадникот „Еуроплантс“.

-Полициски службеници како и јавен обвинител се заминати за Прељубиште за да започнат увид. Од увидот треба да дознаеме повеќе детали за случајот, соопштија од СВР Тетово.

Холанѓанец нападнат во скопски ноќен клуб

Предраг Кукиќ — Sun, 25 Nov 2018 15:36:12 +0000

Дваесет и седумгодишно момче од Холандија ноќеска било нападнато во ноќен клуб во Скопје. Како што информира МВР, ноќеска во 04:00 часот С.В.В (27) од Ротердам, Холандија, пријавил дека истиот ден околу 02:30 часот на бул.,, Климент Охридски“ во ноќен клуб физички бил нападнат од машко лице на возраст од околу 25 години. Полицијата работи на расчистување на случајот.

Холанѓанец пронајден мртов во Охрид

Матеја Петровски — Sat, 22 Sep 2018 09:14:45 +0000

Во текот на вчерашниот ден околу 08:30 часот во с.Трпејца- Охрид, во вила бил пронајден починат К.Ј.Т. (79) од Холандија, информираат од МВР. Смрт без видливи траги на насилство констатирал доктор од Итна медицинска помош . Како што информираат од полицијата по наредба на Јавен обвинител, телото е предадено на обдукција.