Холивуд – Kurir.mk

Холивудските актери подготвени да штрајкуваат за првпат по 63 години

Ивона Петрова — Thu, 13 Jul 2023 13:58:01 +0000

Холивудските актери се подготвени да штрајкуваат во четврток, придружувајќи им се на сценаристите во првото затворање во индустријата по 63 години откако пропаднаа последните преговори, при што речиси целата филмска и телевизиска продукција најверојатно ќе биде стопирана. Здружението на актерите на екран (SAG-AFTRA), кое претставува 160.000 изведувачи, вклучително и ѕвезди од А-листата, соопшти дека преговорите во средата завршиле без договор за нивните барања поврзани со намалување на платите и заканата од вештачката интелигенција. Нејзините преговарачи едногласно му препорачаа штрајк на националниот комитет, кој треба да гласа во четврток наутро по локално време. Гласањето ја отвора вратата за „двоен штрајк“ - со писатели, кои веќе поминаа 11 недели на штрајк - што ќе го предизвика првото затворање во Холивуд од 1960 година. Популарните серии кои ќе се вратат на телевизија оваа година би се соочиле со долги одложувања. И, ако штрајковите продолжат, идните блокбастер филмови исто така ќе бидат одложени. Актерите, како писателите, бараат подобра плата и заштита од идната употреба на вештачката интелигенција во телевизија и филмови. „Како што знаете, во текот на изминатата деценија вашата компензација е сериозно нагризана од порастот на системите за стриминг. Понатаму, вештачката интелигенција претставува егзистенцијална закана за креативните професии“, се вели во соопштението на SAG-AFRTA по пропаѓањето на преговорите. Директорите на индустријата „одбиле да признаат дека огромните промени во индустријата и економијата имаат штетен ефект врз оние кои работат во студијата“, продолжи тој. „Длабоко сме разочарани што SAG-AFTRA одлучи да ги напушти преговорите. Тоа е избор на синдикатот, а не наш“, соопшти Алијансата на филмски и телевизиски продуценти рано во четвртокот. Холивудските студија повикаа федерални посредници да помогнат во решавањето на ќор-сокакот - потег SAG-AFTRA опишан како „циничен трик“. SAG-AFTRA ги претставува ѕвездите од А-листата како Мерил Стрип, Џенифер Лоренс и Глен Клоуз. Сите членки имаат однапред одобрена индустриска акција доколку не се постигне договор. Последен пат синдикатот штрајкуваше, во 1980 година, тој траеше повеќе од три месеци. Штрајкот веднаш ќе ги спречи ѕвездите да промовираат некои од најголемите изданија оваа година, токму на врвот на сезоната на летните блокбастери во филмската индустрија. Во Лондон во средата вечерта, премиерата на „Опенхајмер“ на Кристофер Нолан беше поместена за еден час за да може актерската екипа, вклучувајќи ги Роберт Дауни Џуниор, Мет Дејмон и Емили Блант, да присуствува без да ги прекршува правилата на синдикатот, пишува Variety. Дури и доделувањето на Еми наградите, телевизиската верзија на Оскарите, кои требаше да се одржат на 18 септември, наводно се одложени за ноември или дури следната година. Додека штрајкот на писателите веќе драматично го намали бројот на филмови и серии во продукција, напуштањето на актерската екипа би затворило речиси сè. Некои реални ТВ, анимации и ток-шоуа би можеле да продолжат. Во средата, холивудските синдикати кои ги претставуваат режисерите, работниците од зад сцената и писателите објавија изјава за „непоколеблива поддршка и солидарност“ со актерите. „Иако студијата имаат комбинирана вредност од трилиони долари, милијарди гледачи ширум светот и неверојатни профити, оваа борба не е за актери против студиа“, се вели во извештајот. Работниците во сите занаети и одделенија стојат на нозе за да ги спречат мега-корпорациите да ги поткопаат условите за кои се боревме со децении - се додава. Актерите и писателите бараат повисоки плати за да се спротивстават на инфлацијата и гаранции за нивната идна егзистенција, пренесува АФП.

Писателите и сценаристите од Холивуд штрајкуваат против големите студија

Катерина Бојаџиева — Tue, 02 May 2023 08:02:24 +0000

Во САД, илјадници телевизиски и филмски сценаристи од Холивуд денеска ќе штрајкуваат, откако во последен миг биле прекинати преговорите со големите студија за исплатите. Во штрајкот на Здружението на писатели на Америка, прв последниве 15 години, ќе учествуваат повеќе од 9.000 писатели, што е околу 98 отсто од членовите. Ова може да влијае на емисиите закажани за вечерва, додека претстојните серии и филмови можеби ќе бидат одложени. Писателите се во судир со Здружението на филмски и ТВ-продуценти, коешто ги претставува големите студија, како „Дизни“ и „Нетфликс“. Така, првите бараат поголем дел од заработката од стрим-услугите.

Бред Пит го напушта Холивуд?

Ивона Петрова — Tue, 10 Jan 2023 09:32:21 +0000

Актерот Бред Пит кој ужива во новата врска со Инес де Рамон, наводно сака да се повлече од Холивуд за да живее мирен жвот. Бред го продал мнозинскиот дел во успешната холивудска продуцентска куќа План Б, која ја основал со поранешната сопруга Џенифер Анистон. -Пит раамислува да замине во Холивуд и да се пресели во Франција, каде би се занимавал со лозје, уметност и изработка на мебел. Само сака да живее во мир, открива извор за американските медиуми. Извори блиски до актерот додаваат дека тој повеќе не сака да се занимава со бизнис, туку само понекогаш да глуми. Тврдат дека сака да се посвети на францускиот имот Chateau Miraval, кој го купил во Анџелина Џоли.

Реставрирање на знакот „Холивуд“ во Лос Анџелес

Дарко Андоновски — Mon, 19 Sep 2022 05:34:17 +0000

Познатиот голем знак со буквите „HOLLYWOOD“ (Холивуд) на ридот над Лос Анџелес ќе биде реновиран, соопштија вчера тамошните власти. Знакот со огромни букви е поставен 1923 година, со поглед кон светскиот центар на филмските студија. Реставраторските зафати ќе почнат денеска и ќе траат околу осум недели, соопшти надлежниот орган за заштита на споменикот, висок 14 метри. „Знакот ја претставува гордоста на Лос Анџелес и едвај чекаме обожавателите ширум светот да ги видат обновените букви“, се вели во известувањето. Реновирањето во пресрет на 100-годишнината од поставувањето на буквите, почнува со нивно миење, а потоа и ќе бидат префарбани.

Ова е листата на најплатени актери во Холивуд, заработката на Том Круз е неверојатна

Ивона Петрова — Sat, 23 Jul 2022 18:11:04 +0000

Актерот Том Круз е на прво место на листата најплатени ѕвезди во 2022 година. Како што наведува порталот Variety, откриени се заработките и на другите актери како Бред Пит, Вил Смит, Ди Каприо... Се претпоставува дека Круз со најновото продолжение на „Топ Ган“ ќе заработи над 100 милиони долари од продажба на билетите во кино, но и со својот хонорар. Второпласиран е Вил Смит кој ја потпиша главната улога во акциониот трилер "Emancipation". За улогата добил 35 милиони долари, а датумот на неговото излегување е одложен за 2023 поради доцнење на продукцијата. Ова е целата листа: Том Круз - “Top Gun: Maverick”, 100 милиони Вил Смит - "Emancipation", 35 милиони Леонардо Ди Каприо - "Killers of the Flower Moon", 30 милиони Бред Пит - "Formula 1 Drama", 30 милиони Двејн Џонсон - "Black Adam", 22.5 милиони Вил Фарел - "Spirited", 20 милиони Крис Хемсворт - "Extraction 2", 20 милиони Вин Дизел - "Fast X", 20 милиони Tом Харди - "Venom 3", 20 милиони Хоакин Феникс - "Joker 2", 20 милиони Рајан Рејнолдс - "Spirited", 20 милиони Дензел Вашингтон - "The Equalizer 3", 20 милиони Џејсон Момоа - "Aquaman and the Lost Kingdom", 15 милиони Еди Марфи - "Beverly Hills Cop 4", 15 милиони Крис Рајн Kris - "Star Trek" sequel, 13 милиони Стив Карел - "Minions: The Rise of Gru", 12.5 милиони Рајан Гослинг - "Barbie", 12.5 милиони Маргот Роби - "Barbie", 12.5 милиони Мили Боби Браун - "Enola Holmes 2", 10 милиони Тимоти Шаламет - "Wonka", 9 милиони Мет Дејмон - "Oppenheimer", 4 милиони Роберт Дауни Јуниор - "Oppenheimer", 4 милиони Емили Блант - "Oppenheimer", 4 милиони Даниел Калиуј - "Nope", 4 милиони Џејсми Ли Куртис - "Halloween Ends", 3.5 милиони Ања Тејлор Јој - "Furiosa", 1.8 милиони

Бредли Купер има нова љубов

Ивона Петрова — Thu, 14 Jul 2022 06:15:29 +0000

Еден од можеби најпосакуваните мажи во Холивуд, Бредли Купер има нова девојка, а според американските медиуми, таа е една од највлијателните жени во политичкиот свет… Станува збор за Хума Абедин, најблиската соработничка на Хилари Клинтон и поранешна сопруга на политичарот Ентони Вајнер. Бредли и Хума се запознале, наводно, преку уредничката на списанието „Вог“ – Ана Винтур, нивна заедничка пријателка. Оваа информација ја потврди извор близок до новопечената двојка за „Пејџ сикс“. „Бредли неколку месеци е во врска со Хума, но и двајцата тоа го премолчуваат. Тој раскина со колешката своја Дијана Агрон и веднаш почна да излегува со Хума“, вели неименуваниот извор. Позната како „Црниот лебед на американската политика“, муслиманката во минатото водеше исламска организација којашто важела за „засолниште за радикални проповедници“.

Холивуд: Раст од 40 отсто во снимањето филмови

Катерина Бојаџиева — Wed, 20 Apr 2022 11:28:55 +0000

Филмската продукција во Лос Анџелес се зголемила за 40,2 отсто во првото тримесечје од 2022 година во споредба со истиот период во лани, објави „Варајети“. – Веројатноста за ново намалување на снимањето поради Ковидот беше причина за загриженост кај нас во првото тримесечје од 2022 година. Но, благодарение на строгите мерки за спречување на ширењето на вирусот, филмската индустрија го преживеа скокот на стапката на зараза со Омикрон по новогодишните празници, рече Пол Одли – директор на непрофитната организација „Фирм-ел-еј“, којашто ги објави податоците. Меѓу јануари и март годинава, во Лос Анџелес биле одржани 9.832 дневни снимања. Во истиот период 2021 година, продукцијата изнесуваше 7.011 дневни снимања. Подобрувањето на ситуацијата со коронавирусот влијае и на телевизиската продукција, со 18,7 насто повеќе содржини снимени во Лос Анџелес меѓу јануари и март 2022 година отколку минатата година.

Болдвин по трагедијата: Полиција треба да ја надгледува безбедноста на оружјето на филмски сетови

Ивана Ефремовски — Tue, 09 Nov 2021 10:29:56 +0000

Додека Холивуд размислува за нови безбедносни мерки по фаталното пукање на снимањето на вестернот Rust, актерот Алек Болдвин изјави дека филмските и ТВ продукциите треба да ангажираат полицајци да го надгледуваат оружјето на сетови. Според канцеларијата на шерифот на округот Санта Фе, Болдвин случајно ја застрелал и ја убил снимателката Халина Хачинс со пиштол со кој вежбал за сцена со пукање, а за кој му било кажано дека е безбеден. Властите се обидуваат да утврдат како вистински куршум се нашол во пиштолот што му го дале на Болдвин. Инцидентот се случи на 21 октомври. Во меѓувреме, продуцентите и актерите размислуваат дали треба да се преземат нови чекори за да се спречи слична трагедија во иднина. Болдвин смета дека продукциите треба да ангажираат полиција за да се осигураат дека пиштолите што се користат при снимањето се безбедни.

Холивуд гласа за штрајк викендов

Катерина Бојаџиева — Tue, 05 Oct 2021 10:43:31 +0000

На филмската и телевизиската продукција во Северна Америка ѝ се заканува прекин, откако официјални претставници „од зад сцената“ едногласно гласаа за штрајк. Ова е првпат во нивната 128-годишна историја. Меѓународната алијанса на филмски работници соопшти дека скоро 99 отсто од нејзините регистрирани членови кои учествуваа во гласањето (52.706) гласаа за штрајк викендов. Проблемот е стагнацијата во потпишувањето нови договори околу барањата за поприфатливи услови за работа за квалификуваните лица – техничари и работници вработени во стрим-компании, како Нетфликс, Епл и Амазон. Вработените бараат подобра плата, разумни паузи меѓу снимањата, безбедни работни услови и гарантирани оброци. – Се надевам дека студијата ќе ги препознаат барањата на нашите членови и ќе ги разберат, изјави претседателот на Алијансата, Метју Леб. – Топката е во нивниот двор. Ако сакаат да избегнат штрајк, тие ќе се вратат на преговарачката маса и ќе ни понудат прифатливи услови. Преговорите, инаку, беа прекинати на 20 септември. Лоеб рече дека неговата цел е да постигне договор, а не да се расправа. – Гласањето е за поквалитетен живот, за здравјето и безбедноста на луѓето што работат во филмската и телевизиската индустрија, нагласи тој. Многу познати имиња од Холивуд јавно ја изразија својата поддршка за барањата на своите колеги.

Полициска акција во студиото „Парамаунт“ во Холивуд

Тале Кристо — Mon, 19 Oct 2020 09:57:06 +0000

Полицијата во Лос Анџелес побара од населението да се оддалечи од авенијата Мелроуз поради полициската акција која моментно се спроведува. Засега не се соопштуваат повеќе детали за настанот. Локалниот весник „Дејли њуз“ пишува дека полицијата трага по осомничен маж, за кој постои сомнеж дека се крие во едно од филмските студија на „Парамаунт“ во Холивуд. Медиумите наведуваат и дека осомничениот извршил дело „сексуален напад“, а очевидци тврдат дека пристигнале голем број полициски сили целосно вооружени.