хомосексуалност – Kurir.mk

Ирачките медиуми мора да користат „сексуална девијација“ наместо „хомосексуалност“

Ивана Ефремовски — Wed, 09 Aug 2023 07:11:19 +0000

Ирачкиот медиумски регулатор им нареди на сите медиуми да престанат да го користат зборот „хомосексуалност“ и наместо тоа да го користат терминот „сексуална девијација“. Ирачката Комисија за комуникации и медиуми објави дека е забранета и употреба на терминот „род“. На сите лиценцирани телефонски и интернет компании им е забрането да ги користат тие термини во која било од нивните мобилни апликации. Ирак експлицитно не ги криминализираше хомосексуалните односи, но моралните клаузули во кривичниот законик се користат против ЛГБТ заедницата. Во последните два месеци, големите ирачки партии ги засилија критиките за правата на ЛГБТ, а знамињата со виножито редовно се палат на протестите на фракциите на шиитски муслимани кои реагираа на неодамнешното палење на Куранот во Шведска и Данска. (МИА)

Саудиска Арабија заплени играчки во бои на виножито затоа што „промовирале хомосексуалност“

Магдалена Андонова — Wed, 15 Jun 2022 20:55:31 +0000

Властите на Саудиска Арабија запленија играчки и детска облека во бои на виножито под изговор дека преку нив се за „поттикнува хомосексуалноста“. Телевизијата Ал Екбарија објави дека тамошното Министерство за трговија од продавниците во Ријад повлекува повеќе артикли, вклучително и штипки за коса, маици, капи и футроли за моливи.

Во Унгарија со закон се забранува промовирање на хомосексуалноста

Магдалена Андонова — Tue, 15 Jun 2021 13:32:30 +0000

Унгарија денеска го усвои предлог-законот за забрана на „промовирање“ на хомосексуалноста кај малолетните лица, предизвикувајќи загриженост на активистите за човекови права, во услови на зголемени ограничувања наметнати од конзервативната влада на премиерот Виктор Орбан кон ЛГБТ заедницата. Амандманот на законот е усвоен со 157 гласа, вклучувајќи ги и од владеачката партија Фидес, на седницата што директно беше емитувана на телевизија. Опозицијата го бојкотираше гласањето, освен крајно десничарската партија Joбик, која му се спротивставува на Орбан, но денеска гласаше за забраната. „Порнографијата и содржината што ја прикажуваат сексуалноста или промовираат девијации на идентитетот од овој вид, промена на полот и хомосексуалноста, не смеат да бидат ставени на располагање на лица на возраст под 18 години“, се наведува во документот, додавајќи дека тој има за цел да ги „заштити правата на децата“. Во пракса, тоа ќе значи дека веќе нема да бидат дозволени едукативни програми или реклами кои изразуваат поддршка за сексуалните малцинства, како што е оној на Кока-Кола, што претставува неколку мажи, кои во 2019 година предизвикаа повици за бојкот. Ниту, пак, книгите што ја промовираат хомосексуалноста. Илјадници лица синоќа излегоа на улиците на Будимпешта во знак на протест против „континуираната пропаганда“ на владата против ЛГБТ заедницата. (МИА)