Хомс – Kurir.mk

Сириските бунтовници се согласија да си заминат од енклавата кај Хомс

Даниел Василев — Wed, 02 May 2018 19:07:37 +0000

Сириските бунтовници денеска го прифатија договорот да ја напуштат енклавата кај градот Хомс, изјави еден нивни претставник. Неименуваниот претставник на бунтовниците во провинцијата Хомс рекол дека договорот, во кој посредувала Русија, ќе овозможи таму повторно да се воспостави државна власт, како и дека борците ќе го предадат тешкото оружје. Според него, борците и цивилите кои не сакаат да останат во таа енклава ќе бидат префрлени на територија на бунтиовниците на север кај турската граница, а евакуацијата би требало да почне во сабота. Таа бунтовничка енклава ги вклучува градовите Хула, Растан и Талбисех, како и околните села, на главниот автопат меѓу Хомс и Хама. Се уште нема потврда од Дамаск или Москва за овој договор. МИА

Сириските воени извори демантираат дека е извршен ракетен напад врз базата „Шајрат“

Ивона Петрова — Tue, 17 Apr 2018 06:56:06 +0000

Сириски воени извори ги демантираат информациите дека е извршен ракетен напад против военовоздухопловната база Шајрат во провинцијата Хомс, јави агенцијата ДПА. Изворите за агенцијата рекле дека сириската противракетна одбрана се активирала рано денеска, но се покажало дека тревогата е лажна. Сириската државна агенција Сана претходно јави дека противракетната одбрана пресретнала некои од наводните проектили. Други медиуми јавија дека биле неутрелизирани девет ракети. Таквите информации во сириската државна телевизија подоцна беа извадени од вестите. Воздухопловната база Шајрат е истата која САД ја нападнаа минатата година како одговор на нападот со сарин на градот Хаин Шејхун кој е под контрола на бунтовниците. МИА