Работнички со пораз од Хонвед елиминиран од квалификациите за ЛЕ

Ивона Петрова — Tue, 17 Jul 2018 18:59:00 +0000

Работнички уште во првото коло ги заврши натпреварите од квалификациите за Лига Европа, откако на реваншот против унгарски Хонвед беше поразен со високи 4:0. На натпреварот во Будимпешта домаќините по само 15-тина минути игра стигнаа до предност од 2:0. Филип Холендер во 6-та минута го постигна првиот гол, а десетина минути подоцна истиот фудбалер повторно беше прецизен за водство од 2:0 за Хонвед. Во второто полувреме Херера направи прекршок врз Данило во шеснаесетникот, по што доби директен црвен картон. Данило успешно го реализираше пеналот во 63-та минута за водство од 3:0 на Хонвед. А Работнички до крајот на натпреварот играше со фудбалер помалку по црвениот картон на Херера. Во финишот Хонвед дојде и до убедливи 4:0 со голот на Данило во 84-та минута. Иако Работнички по првиот натпревар од Скопје имаше минимална предност од 2:1, сепак Хонвед со оваа убедлива победа оди во второто коло.

Јовановски: Секоја победа во Европа е важна

Матеја Петровски — Thu, 12 Jul 2018 07:16:12 +0000

Тренерот на Работнички, Ѓоре Јовановски е задоволен што тимот со победа ги почна европските натпревари во новата сезона. „Романтичарите“ вчера со 2:1 го совладаа унгарски Хонвед и со предност од еден гол ќе патуваат на реваншот од првото квалификациско коло во Лига Европа. - Секоја победа во Европа е важна. Имаме триумф од 2-1 и одиме на реваншот со еднакви шанси за пласман во следната рунда. Хонвед покажа дека е квалитетен тим, па сосема јасно не очекува уште еден тежок меч во Унгарија. Во Будимпешта одиме да постигнеме гол кој секако многу би ни ја олеснил задачата за пласман во следната рунда европски натпревари, изјави Јовановски. Реванш натпреварот меѓу Работнички и Хонвед во Будимпешта се игра на 17 јули. (Миа)

хонвед – Kurir.mk

Работнички со пораз од Хонвед елиминиран од квалификациите за ЛЕ

Јовановски: Секоја победа во Европа е важна