Перформанс за поддршка на правата на сексуалните работници

Ивона Петрова — Thu, 17 Dec 2020 06:35:56 +0000

Здружението за поддршка на маргинализирани работници Стар Стар вечер од 18 часот организира тричасовен уметнички перформанс на пет девојки, кој директно ќе се пренесува на фејсбук-страницата на СТАР – Прв колектив на сексуални работници на Балканот и на партнерите со кои го организира настанот – ХОПС – Опции за здрав живот Скопје и Коалиција Маргини. – Уметнички перформанс на пет девојки пред жешките излози на Универзална сала кои за момент ќе ви го доближат шармот на улицата на црвените фенери со борделите во Амстердам, но и на времето кога Скопје живеел боемски живот и се будел со првиот мрак и посетите на атрактивните сексуални работнички, соопшти Стар Стар. Перформансот е во рамки на второто издание на „Skopje Red Light District 2020“ и Меѓународниот ден против насилството врз сексуалните работници. -Сексуалната работа во нашето општество е заградена со непробоен ѕид од предрасуди. (И)легалниот статус, потешкиот пристап до здравствените услуги, големата изложеност на насилство и етикетирањето се причината да ги губиме основните човекови права. Секојдневно сме изложени на насилство не само од своите клиенти, туку и од органите на безбедноста што би требало да не заштитат, соопштија организаторите, наведувајќи дека голем дел од проблемите со кои се соочуваат сексуалните работници се должат на криминализацијата, рестриктивните закони, регулативи и практики.

Онлајн разговор: „Зависности кај деца и млади во време на пандемија”

Ивана Ефремовски — Thu, 10 Sep 2020 05:53:17 +0000

Здружението ХОПС денеска, на нивната фејсбук страна ќе спроведе онлајн разговор на тема „Зависности кај деца и млади во време на пандемија”. На оваа тема соговорници ќе бидат: Деспина Стојановска -психолог и Дарко Богески – активист и параправник во ХОПС, додека разговорот ќе го модерира Благородна Коцева Симјанов. Овој настан е поддржан од OSCE Mission to Skopje во склоп на проектот: „Живеење со зависност – подобрување на менталното здравје и квалитетот на живот на децата и младите кои употребуваат дроги за време на пандемската криза на Ковид-19”.

ХОПС – Kurir.mk

Перформанс за поддршка на правата на сексуалните работници

Онлајн разговор: „Зависности кај деца и млади во време на пандемија”