хорор филмови – Kurir.mk

Верувале или не: Хорор филмовите се добри за вашето здравје

Ивана Ефремовски — Fri, 02 Dec 2022 12:19:48 +0000

Научниците тврдат дека хорор филмовите можат да го подобрат вашето здравје. Сепак, тоа може да зависи од тоа колку сте се исплашиле додека сте го гледале филмот. Еве како можете да профитирате од гледање страшни филмови: Губење калории Студија од 2012. година спроведена во Велика Британија покажува дека луѓето кои лесно се плашат за време на гледање хорор филмови можат да изгубат дури и до 184 калории. Толку калории се согоруваат и за време на 40-минутно шетање Имунитет Хорор филмовите ќе ви помогнат со вашиот имунитет. Кратко по гледањето се забрзува циркулацијата и расте крвниот притисок, а на тој начин се зголемува и способноста на организмот да се брани од несакани болести. Расположение Гледањето хорор филмови го подобрува расположението, барем така велат социолозите. Луѓето кои се чувствуваат помалку анкциозно, помалку фрустирано се посреќни по гледањето на овие филмови. Но, за да ја почувствувате добрата страна на гледањето хорори, ќе морате да бидете исплашени додека ги гледате. Во случај возбудата да ја нема, тогаш ќе ги нема и овие поволности по вашето здравје. Не заборавајте дека хорор филмовите може да остават трајни последици и трауми на децата. Дури 26 отсто од студентите кои учествувале во студијата на Универзитетот во Мичиген изјавиле дека во детството доживеале трауми гледајќи хорор филмови, а тоа резултирало со трајна анкциозност.

Обожавателите на хорор-филмови биле подобро подготвени за пандемијата на коронавирусот

Ивана Ефремовски — Sat, 08 Aug 2020 12:08:04 +0000

Психолози сакале да дознаат кој добро се држел за време на пандемијата на коронавирусот и утврдиле дека невообичаена група се издигнала на врвот - обожавателите на хорор-филмови. Изгледа дека тие се помалку психолошки вознемирени од Ковид-19. Студијата, која неделава беше споделена на интернет, не дава одговор зошто е така, но посочува дека оние што сакаат страшна фикција можеби се подобро подготвени, или во најмала рака способни да останат позитивни во време на страшна пандемија. Колтан Скривнер, психолог при Универзитетот во Чикаго, кој работел на истражувањето, истакнал дека обожавателите на хорор-филмови зборувале за помалку негативни ментални состојби поврзани со пандемијата, што ги натерало да мислат дека можеби кај хорорите има регулација на емоциите. За да објасни зошто, психологот го објаснува своето искуство. Тој вели дека гледањето хорори му овозможувало да има искуство да биде исплашен, а потоа да го совлада тој страв. Марги Кер, истражувач при Универзитетот во Питсбург, која не работела на студијата, вели дека ќе се воздржи од расудување додека не биде прегледано истражувањето, но дека била љубопитна за скриената причина зошто љубителите на хорори се пооптимистички. -Дали станува збор за учење подобра регулација на емоциите преку гледање хорор-филмови или тие некако се подобри во регулацијата на емоциите - вели таа. Но, она што е јасно е дека луѓето што сакаат подобро да се справат со пандемијата не можат едноставно да имаат маратон од хорори и да бидат поздрави. -Има многу други фактори - вели Скривнер.

Дали гледањето хорор филмови е добро за здравјето, еве што велат научниците

Предраг Кукиќ — Thu, 13 Dec 2018 08:00:07 +0000